[tallguy]

睇左lmichael兄有關鏡頭既文章，同埋大家既回應
有感而發，所以另開題目發表一下

十幾年前讀書個陣時，拎住老豆部富士手動SLR入學校攝影會影相
果陣時人人唔係Nikon就係Minolta，我好似外星人咁
但係D同學仔比較單純，無話會睇唔起我，大家一齊影相都好開心

幾年前再玩返攝影，因為冇掂好耐，out date晒，咩都唔知
朋友叫我買部EOS-300 kit就買啦
結果第一次跟影會外拍，全程比人歧視，感覺不知幾難受
喂！一定要用靚機+靚鏡至影到靚相咩？
幾年來我部EOS-300 kit都影過唔少滿意作品，絕對見得人

所以買相機鏡頭滿足虛榮感呢樣野，對我黎講一D都冇用
當你參加影會function個個都10D/1D MKII同埋L鏡大砲
咁又有咩特別呢？
我反而覺得，識得揀低價高成象鏡頭既先至有料到
L鏡黎黎去去得個幾支，係人都識
低價鏡/副廠鏡多得很，但係質素好既就好少，而且唔係人人識
有次拎住支Tamron鏡出去，有個識貨既影友同我講"好野黎喎！"
識英雄重英雄，個中滿足感唔會差得過拎住支L鏡

再高層次D既就係玩定焦鏡
一支2~3千蚊既定焦鏡質素仲好過成皮野既L系zoom鏡
冇左zoom鏡既方便，更加考驗用家既技巧，同對鏡頭既了解
用定焦鏡影到靚相既至係高手中既高手


以上純屬小弟個人愚見，如有得罪請見諒

[lmichael]

其實虛榮感邊個無,不過係虛榮什麼,有人是虛榮器材,例如有小白IS, DO鏡,有人就虛榮識貨,Tamron 90 F2.8,好o野來,識貨,其實兩者都係人地給自己的虛榮.講o下故仔.
好多年前,教會洗禮,咁我就帶了我部EOS1000F(我用了十年)+35-80 F4-5.6,連枝85 F1.8都無攞出來用,點知其他觀禮的人,可能受洗的多靓女,部部機都有手柄,枝枝都係大炮,最細枝的係我,我心想,咁勁?點知o的相出來,佢地連避後面的路人都唔識,角度又識攞,又無理環境,最後結論係,佢地覺得都係我部機同鏡影得最靚,其實點關部機同鏡事,特別是咁o既環境.傻瓜機都得,最緊要係你識得留意環境,有時企左小小,又或者坐低少少都差好遠....
又試過幫人影結婚,另外一個攝影師,都係義務性質,佢地又話什麼影婚宴要什麼28-70 f2.8,又話要用什麼強閃燈,唔係的話,背景唔夠光,又話要點樣叫人沖,跟住用ISO 100去影,我話其實搞咁多o野,點解唔用400, 足知結果係點?就係佢出來的相,背景就緊夠光,不過個人就太白,比人話好似死人花裝,我只是用了ISO400,35-80 F4-5.6+機頂閃燈,真係好OK,微粒粗?粗幾多?其實菲林後期100同400的分別好少,特別係當你只係晒3R或4R.
所以o的人話自己有什麼器材,基本上對我講係無意思,最好就比o的作品我睇o下,都幾好笑,好多人影相影得唔好,原來有一個很大的原因,就是什麼是一幅好的相唔識,睇o下佢比o的什麼你看,你大約知佢功力有幾深.

[zeusho]

"所以o的人話自己有什麼器材,基本上對我講係無意思,最好就比o的作品我睇o下,都幾好笑,好多人影相影得唔好,原來有一個很大的原因,就是什麼是一幅好的相唔識,睇o下佢比o的什麼你看,你大約知佢功力有幾深."

這一句很認同！

[znrandy]

買靚鏡未必影到靚相, 絕對同意. 但是否完全是虛榮感而買, 亦未必完全. 萬呎大屋都係目訓半邊床. 如果每樣東西都要用得盡才考慮升級, 呢個世界都幾大"獲".D法拉利,林布,波子, canon, nikon, 一早執左. 每個人對物質素求都不同. 只要負擔得起, 即使買支鏡番黎擺一樣o甘開心. 起碼d錢帶唔落棺材, 對自己好d又何況. 其實買野好多時都係小時既情義結, 小時候買唔起, 到大了買回來滿足o下自己都幾開心. 所以係唔係影到好相, 先至可以買靚鏡, 個人亦未必同意. 況且應用同類東西來比較, 定焦同定焦比, zoom鏡同zoom鏡比才公平, 就好像"梳化床"與"梳化"的比較. 兩者生產目的及用途都有分別. 還有一點別忙記, 而家講緊十幾二十年前買一千幾百手動靚鏡, 而家梗係好抵,但當時一個普通文員收入多少, 可能已用了成個月薪水去買機同鏡. 時代不同了. 別因他人是否懂影相而拿支靚鏡而評價. 價值觀已完全不同了. 至少他們推動消費市場作出一大貢獻. 虛榮感與滿足感最大分別是有無主動向別人炫耀, 如果自問沒有, 那麼只是別人的自卑感作怪而感覺買好東西的人是有虛榮感

[munandka]

好多人見到Ｄ名師靚相都係用靚機影嘅，佢地卻本末倒置，以為攞住部靚機就影到靚相，加埋攞住部靚機又確係幾型仔，咁就一於唔靚唔買，其實可能佢全程都行緊auto mode，以為相機個電腦係萭能嘅．其實我見過唔少攝影前輩，佢地用緊嘅；都係十幾廿年前嘅舊相機，亦冇好似一Ｄ大哥咁影完一張相就抹一次鏡頭，甚至連lens cap都冇，支鏡用完就隨手掉入個袋度，但睇過佢地Ｄ作品，你會明白影相係用心用腦而唔係靠靚相機嘅．佢地唔會影到Ｄ唔靚嘅相，就賴支鏡有塵．

對於兩位嘅高見，小弟完全認同．

[zeusho]

這個情況情況嚴重，你們見很多人只問的問題的是「甚麼相片影的相片最靚」就知道一二了…

節錄自G-6用家交流區(正式版)：

對於畫質這一點上，當中色彩表現因為涉及了個人的喜好問題，有些人喜歡鮮艷，有些則甘於現實，故本人在此不作討論，經驗所談，同一系列的相機分別不大。但相片的細膩度、、清晰度、層次感等卻能有一定的客觀標準。在同一個系列的相機不會有太大的改變，但由於像數的增加、鏡頭質數的改變、機內影像處理的改良等，以上各方面可能會有所改良，但引申而來的是拍攝的相片有機會出現多一點的雜訊及紫邊問題，這些情況有很多時候會在相同大小的CCD上出現，但亦有可能因為科技的進步而改良了雜訊的控制。以上只簡單說出了問題的所在，本人提出的目的在於告訴大家相片在不同代的相機是有些差別的。但這些差別有時卻是微不足道，因為有一種人的存在 (一會說及)，因而?大，但個人認為保持得到一定的水平，沒有太大的分別就可了。

因為科技的進步，數碼影像的興起，大家在網上交流數碼相片是非常方便的，因而做就了一些所謂的「數碼相片質數」專家，Luminous Landscape的作者亦有文章講及這一類人：


The Case of the Nit Picking Pixel Peepers
他們專門在螢光幕上將數碼相片於大一比一去比較不同數碼相機的相片質數，在他們的觀念上畫質是唯一代表了一部相機的好與壞，他們可以以一些相片去「知道」某些相機的優劣，甚至乎不需要親身使用過、體會過那些相機。其實這是相當可怕的相像，因為一個真正的拍攝愛好，很清楚知道相機是需要人的手去拿著、操作及控制它們去拍攝的，它們是死的，人卻是它們的主宰。相機的操作、功能、效能等主要因數才是令他們能否拍拍攝精彩作品的極重要因數 (當然有一些人是很利害的，使用一些很基本的相片也能拍得好相片，但各位朋友請問自己：我是這一類人嗎？)，而那些需要「一比一放大在顯示器比較去發現分別 (或才能發現分別)」的行為對他們來說是相當無聊的，除非相片質數分別太大，如果相片質數在同樣的水平上，他們 (本人)會說：這個不是我的考慮因數。我關心的是：對焦速度快了嗎？開機時間短了嗎？功能是否更全面？等等建於操作、功能及效能的問題，這些才是切身的要點。本人正有幾位這一類的朋友，但他們能夠分辨出G2及G6所拍攝出來的相片分別嗎？能的，只在於我告訴他那一張是那一部相機拍攝的情況下，跟著他們就會比較：「看看GX的相片雜訊比GY的多一點，而GX的紫邊卻好像多過GY的」…大家明白我的意思嗎？如果真的有這些「高人」，能夠以相片 (尤其同一系列)可以分別到由何相機拍攝，大家不妨介紹給本人認識一下。

所以個人認為以後有朋友提出XX的新一代相機不及上一代的好等言論的時候，大家不妨小心問一問他：只是用相片質數作準？如是的話，真的可以就此下這個結論？他新身使用過嗎？功能上他知得夠多嗎？一話只是他對某相機的多年情意結？在我的眼中看來，這些必是要相確的。很並希望看見其他朋友提出購買相機的問題時，問的不是「那一部相機的相片質數為最好？」，而是「那一部相機達到我的要求，如相片有一定的質數、功能要有…、對焦要…」是較為正常，記著，「相片質數」只是購買相機的其中一個因數，並不是全部。

[jamesjames]

我都好同意楂靚機/pro機唔代表你影得好! 但係有技術無好機都會浪費左個人! 所以我覺得要兩者配合先能夠達到好效果!
我覺得好多時d人用dc好似手機咁[追款]. 好多時買左幾部返黎一定有部合佢地架喇. 不過可能真係虛榮感關係就買新機........
其實最主要影到好相箇之然要有好技術同適合o既機喇. 但之不過有個因素都好重要(係我黎講),就係要同部機多溝通了解部機. 世界上無可能有一部完全完美o既dc,所以我地一定除外接受自己部dc優點外亦都要容納埋佢o既缺點! 當影相時就可以將佢優點發揮,則缺點就以避重就輕. 咁樣做就會影得好o既相....

[Mike Chan]

有冇聽過"運用之妙、存乎一心"呢句說話呢？

[realproa]

自已買自已喜歡的器材，影自已的相。旁人用什麼，大家管不着，他也管不了你。因此，用心拍攝吧。

如果有人歧視你，大家互不相識，毋須理會他。

[jamesjames]

其實係呢到有個好好例子. 九月份最佳照片! 果幅貓貓相唔係用什麼mark ii, d70, 300d等專業級機去影! 只係一部普通傻瓜dc- canon s45!!! 但係果幅相出黎比人感覺到攝影者o既耐心同埋真係用心去影o既相!!

[lmichael]

"別因他人是否懂影相而拿支靚鏡而評價. 價值觀已完全不同了. 至少他們推動消費市場作出一大貢獻. 虛榮感與滿足感最大分別是有無主動向別人炫耀, 如果自問沒有, 那麼只是別人的自卑感作怪而感覺買好東西的人是有虛榮感 "

我係非常同意這一句,唔係有人買,點會有人研發?如果只係得專業人仕用,例如記者,攝影師.....買,Canon的L鏡關門都似,仲出什麼IS,什麼小小白,就是因為有人消費,對於我來講,雖然我每日股票市場的上落,基本上等如一枝小白,不過我買一枝小白會唔捨得,因為我覺得錢係用來搵錢,錢是我用來搵錢的士兵,唔係拿來白白送死,既然我現在的器材都影得到好好的照片,我就真係唔捨得賣L鏡.

其實係唔係拿來眩耀,在我立場只有一個準則,就係肯唔肯借比人,如果肯的話,就唔係眩耀,係同人分享樂趣,特別係我咁既人,當你有L鏡,身邊的影友問你借,記住一定要借比佢,因為佢地可能係無錢或者唔捨得,你應該同佢分享L鏡的樂趣和優點,同時證明你唔係眩耀.

最後總結,我完全讚同其他人,如果有能力的話而又想去買,不論任何技術,都應該去買L鏡,不過大前題是肯去借比人,共同分享L鏡的樂趣.

[gaiuswong]

講到好相或好feel就好廣泛,玩攝影feel用lomo,寶麗來甚至電話手機鏡都有一班支持者,佢地都可以影到好有feel既好相,好感覺到攝影者既耐心同埋真係用心去影既相,問題係你接唔接受佢D質素嗟.

[pigdog]

如果你用支普通貨式的所謂"cheap 鏡", 但拍出來的相仲靚過用貴鏡的人, 到時唔知邊個歧視邊個呢?

恕小弟得罪, 我就不大認同 znrandy 兄其中一句 -- "虛榮感與滿足感最大分別是有無主動向別人炫耀", 我認為虛榮感可以不須要主動向別人炫耀, 只要他心裏有想過用某些物品會好威好型, 已經可叫作虛榮感了, 而滿足感亦可以主動向別人炫耀而得到, 滿足感這詞實在太廣泛.

"那麼只是別人的自卑感作怪而感覺買好東西的人是有虛榮感 "

我都同意, 但不是所有人都會, 像我, 我有錢去買甚麼 L 鏡, 但不買, 因不肯花錢在 C 及 N 記身上, 所以, 應該是那些買了貴器材而不珍惜運用的人去"自悲"一番吧.

虛榮感與滿足感其實只差一線, 好聽d 叫滿足感, 難聽 d 叫虛榮感, 大家的價值觀不同, 像我, 我買馬闌士 7 及 9, 淨係一條 signal cord 都夠買 17-40 L, 連我自己都唔信自己淨係為左滿足音質要求, 話冇虛榮感你地都唔信啦, 有時都唔駛話俾人知, 淨係睇住馬闌士 79仔都已覺很虛榮了, 簡直係完全"滿足" 了 "虛榮" 呀!

虛不虛榮, 無傷大雅, 能力許可, 買了後又不覺可惜的, fine, 但記得要好好運用靚器材呀!

[kanji]

很同意各高人的意見,由期imichael兄最後一句
"大前題是肯去借比人,共同分享L鏡的樂趣"

我個人則會以對實際有需要來選擇器材,如果對於拍攝動態的自然生態的話,例如"打蝶,打雀等".如果手上沒有一支大光圈L鏡的話,確實很難得到滿意結果.但拍攝一些静態東西例如風景的話其實一部2千元的3百萬像機已經很足夠. 用L鏡可能比較浪費.

但是我個人亦係反對因為虛榮感去選擇器材.我自己有時亦未必會帶支L鏡出去外拍.因為有時真係好大圧力,因為拍出來D相平平無奇的話,這不是"虛榮感",而是"自悲感".

[gaiuswong]

始終大有人在係買貴價器材,未必為影靚相,可能只為帶出去show下quality,滿足下自己既滿足感~或叫"虛榮感 ",珍惜貴器材運用定義可能睇法會各有不同都未定,同意大家的價值觀不同,虛不虛榮, 無傷大雅, 能力許可, 買了後又不覺可惜的, fine.