[jackal_chasiu]

我有部Pro1想加PL鏡影風景,想問PL鏡是否最好用在影藍天白雲或黃昏等環境?影夜影加PL是否多餘?影人像又有冇需要用PL鏡? thanks

[embu31]

映夜景落PL好多時都係當ND咁用，令嚗光時間延長，映出來個海面就好似一層霧咁好平滑架！又或者映人時，叫個model企定定，咁周圍D行人就變到匆匆走過咁矇查查，好有冷眼旁觀既感覺架！

[jackal_chasiu]

收到，唔該晒embu31兄

[jackal_chasiu]

另外我用PL鏡影一般風景時發覺與不用鏡時沒有分別，何解?
PL鏡是否只對某些情況下的風影才有效果?
thanks

[yck18]

pl用途多的是,可以減少光線進入,減少物體反光,增加藍天色彩,如果pl配合nd可以係白天大玩慢快門效果,例如影瀑布,浪等

[embu31]

CPL(偏光鏡)當然唔係淨係日頭先可以用啦！如果室內映相，構圖內有鏡或者反光既表面，都可以用偏光鏡來控制光線反射，對住個海又可以拖長快門時間，製造特別效果例如行駛中車輛燈光變成一條線或者令海面更平滑．偏光鏡系會令進入鏡頭既光線減兩級之多！所以室內或者晚上用，落腳架係必然之選！如果要睇下CPL既效果，你要面向光源，一邊有一些反光既表面例如鏡，玻璃甚至個海或者天空，令光線反射向你，然後就放塊CPL晌眼同鏡之間呈45度，轉動濾鏡，便可以見到折射光線既效果．正向光源或者角度唔岩都係睇唔到效果架！

[micros]

PL 會令少少藍O既天藍多少少﹐令已經藍O既天藍得更深。
但係如果天氣真係好差﹐fog 得好勁o既﹐PL 都係無用。

[jackal_chasiu]

唔該晒,我試過embu31兄的方法發覺對鏡面折射有很好的作用!! 另外,我有時見有些人影黃昏的magic hour 可影得天空藍藍紅紅或一片金黃色,請問與PL鏡有關?還是用了其他的filter? thanks

[micros]

首要條件係個天本來就係靚。
靚o既話就咩都唔使加都可以影得靚。

[embu31]

micros兄，最理想當然係你咁講啦！但晌香港天色呢樣野要靚，家陣一年都無一日咁滯．．．．好懷念十幾年前晌亞巴甸讀書果陣，果度夏天個天真係好藍好藍，到夜晚就清到肉眼都睇到星河．．．．