[edudoe]

我想買panasonic Fx-7呀。但係有冇其他機都係好選擇呢?
我要既條件係
1)日本牌子,要名牌
2)日本製造(非日本製造reject)
3)$4000樓下
4)snopshot, 越細越好
5) 3倍光學對焦
6)室內影相要靚, 夜景都唔差,
係咁多, 我心目中係揀定左Fx-7, 不過如果你地有其他更好既選擇, 不防話我知。
同埋, 以你地經驗所得, 你地估計panasonic Fx-7會o係幾時跌價呀?
幾時將會跌到$3200?

[fai393]

等到$3200有又新款到咁到時買新款定買舊款呀!

[edudoe]

係喎~~!好問題, 買舊款啦咁係, 到時新款咁貴, 舊款又咁o岩我,budget夠買舊款。

[fai393]

近排都係買$3700都係差幾百可以考慮下喎!

[limancho]

水貨唔洗三千添！

[bbyan]

ixus 40 唔駛3000,一樣乎合你要求

[gaiuswong]

ixus 40 係日本製造?

[bbyan]

我手上個部係

12月係萬成買的

$3080 = DC+128SD+256SD+bag

連拍嚇死你...................................

>>>不果好多時第一水係日本,唔代表第二水都係,自己睇下la

[McDonald]

如果你唔堅持要防手震功能，ixus 40都係一個唔錯o既選擇，我朋友最近都買o左，我用過都覺得幾好，只係有d嫌佢真係?瓜機得滯，影相時連光圏快門o既資料都唔show出來，有時唔知佢個快門自動set 得太慢(雖然佢都會有隻手仔signal警告顯示會有手震可能)，就會影到張相矇o左。不過我自己最後都係買了FX7，主要都係因為覺得佢個防手震功能真係好實用。1/8秒都可以保持影像清析，影室內同夜景相一流。不過用後我都發覺有幾點不大不小的問題，首先就係電池方面，實在真係太快用完，我試過用粒代用電，影唔夠廿張就冇電，粒原廠電就好好多，我諗都影到五十至六十張相。第二就係雜訊比我想像中多，ISO80都依然有唔少雜訊(至少我覺得比Canon ixus多)，不過我通常會再用軟件清雜訊，所以對我來講唔係大問題，我購買時亦冇太考慮呢個因素，同埋嚴格來講都係在可接受範圍內。最後我有一個問題唔知點解，就係當我用慢速同步閃燈，個快門好慢時(如1/8秒)，我發覺張相會好橙色，但如果唔開閃燈，用返同一個慢快門，d色又會係正常，唔會咁橙，試過set custom white balance不過問題一樣存在，唔知其他FX7用家有冇發現有同樣問題呢？定係我部機有問題？總括來講FX7真係唔錯。如果你部機主要買來影戶外照的話，咁就買ixus啦，影像質素始終好d，用果唔係就FX7啦，功能會全面d。部FX7係我最近買，水機$2,780，上面bbyan兄買$3,080重連哂所有配件真係好抵喎！真係咁平？

[tommythumb]

bbyan 好似講緊 ixus 40。

[gaiuswong]

ISO80都依然有雜訊,我發覺張相曝光正常係冇乜問題,如果張相under左d暗位noise就出得好勁,當用慢速同步閃燈，個快門好慢時(如1/8秒)，發覺張相會好橙色,我部都係咁,唔係你部機有問題,吸得現場光多會好黃本應正常(film機黎講)問題係佢AWB點解冇斗正,但唔開閃燈既慢快門佢就同你斗正咁解嗟,我都唔明,設計係咁掛,不過有樣sure,佢d色較為平實可能唔夠IXUS40鮮,但影像清析度一定比IXUS40高,云云細機仔中佢支Leica鏡算最sharp,另外之前有綱友教長set死防震mode 2冇死,但發覺防震mode 2效果唔係咁穩定,有時好似冇開咁,mode 1效果就明顯好多,所以我平時set off,用果時先set mode 1.
bbyan係講緊 ixus 40~

[McDonald]

哦！$3,080係ixus 40，sorry睇錯o左！qaiuswong兄，乜你部機用慢速閃燈時都係咁咩？咁都好d，起碼知唔係我部機壞。我用過其他機用慢閃時都有同樣偏橙偏黃情況，但我覺得FX7好似比較嚴重，可能其他機手持拍攝時我唔會用到1/8秒咁長快門曝光啦。唔知呢個問題第日Panasonic會唔會有firmware修正呢？

[gaiuswong]

話時話細機仔可以firmware update呢樣野我好似未見過有......