[rosannaip]

剛去完旅行回來，想同大家分享一d意見，特別for想買S2 SI或者其他長炮的網友。
1.電量﹕無得彈，我日影400張以上 (因為跟團時間不多，有時影左先算)，用3年前買落sanyo 2000 AA叉電，可以影超過一日。呢個亦係我之前決定不選pan記最主要原因。特別新機新電時無咩所謂，用得幾年舊電開始老化時就會有憂慮。
2.可擰mon﹕用落非常好用，特別去旅行景點好多人，善用佢確實較易取景。而且可以減少要踎低身的機會，方便一d會著裙的女士 (如我)^^
3.長焦﹕非常正。我之前去旅行用3倍光學，影少左好多野。特別是教堂頂的花紋、皇宮內的裝飾，有長焦好玩好多。
4.28mm﹕去旅行其實幾緊要，我是加鏡的，如果本身有 (如fuji) 會更佳
總括來說，對長炮機 (S2) 幾滿意。但係有無缺點呢﹖
我想最大問題都係質素問題。好多人買長焦用黎影昆蟲、蝴蝶咁，如果你都係，建議你都係試下DSLR吧。S2唔會有好sharp、眼前一亮既感覺，但會覺得ok。我睇d網友用Pan 記FZ20好似好d，不過仍然唔同。不過當然要明白，當你比較返價錢，又絕對唔差。所以呢個意見係俾唔介意加大投資的網友。另外，如果你怕咁大部機 (如我) 亦都係買DC吧。
如果都係會用dc，又點選擇呢﹖我個人意見，鍾意經常影日景相，特別多數響香港影，我會建議買pan記。想多野玩或者較新手，canon就會多d preset功能。
當然，其他如sony (未試過) 或fuji (但未睇倒) 都會唔錯，一句講哂我覺得大廠機唔會差天共地，當然價錢亦會反映左一d野。至於memory card價錢，未必需要考慮太多，你買一張就夠，過幾個月又趺價，影得多都係用digital wallet果d啦。
最後我覺得最緊要知道自己要咩。我個人響香港影相唔多，係一年去一、兩次旅行先勁影，所以2A電先可以保證我部機 「歷久常新」，另外我實在無辦法拎DSLR / 鏡頭咁大部，亦無時間 / 心機 / 金錢鑽研咁多，所以都係DC算了。
一句講哂，S2肯定不會是最完美、最正，不過以我需要來說 (我亦等唔倒FZ30/ fuji)，就fit哂。希望大家都搵倒岩自己既相機。

[200448]

多謝分享! ^^

外遊加拍攝的經驗總是好好看，所以想來回應一下。
好好唷! 唔知多唔多Ｄ靚相分享下呢！

某旅行，我都是一日拍300 至200 張相，我無digital wallet 。
所以帶了notebook 去。都咁用囉!

個次旅行，我連三腳架都帶埋去，其實真係幾少用。黃昏或入夜先用到
平時多數拿不著用。不期然覺得自己愛影相很利器，不過是幾大慒的。
不過同朋友吹水，好自豪咁講我是帶腳架去旅行的。哈哈！

從你個人意見中看到另一個論點，你是幾欣賞S2，以及同級的幾款ｄｃ
我相信因為你揀的ｄｃ覺得很滿意，所以來分享一下吧！
一機走天涯的感覺真是好好，特別在旅行出門個下, 完全feel 到個種方便。

這裡常常討論相機，比較器材那方面先進。
往往缺乏了討論影機影個下的成功感，其實相機合心水咪得囉！
　

[Mike Chan]

恭喜你找到合意的相機,希望你影藝日進！
對於"這裡常常討論相機，比較器材那方面先進。
往往缺乏了討論影機影個下的成功感" 我亦有同感，呢到唯一唔好係有一、兩個惡霸隨意撩交閙，刻意咒罵他人話人晒命等天收。仲幼稚到叫admin公開對方的IP。(好彩admin冇咁做，唔係實俾人告到暈！)
話時話呢的人從來唔會發表攝影心得(可能佢唔識/自卑),佢憑咩閙人呢?
人地唔so佢唔係等於佢啱晒，只不過唔想同佢咁低能啫！
想有賣點不正經發表下心得同大家討論下仲好啦!

[hopeless]

很好的分享呀, 完全可感受到你的happy shooting.

[ivan97170]

thx ur sharing,happy shooting~

[digtial_sniper]

^__^

i sold a few S2 IS on ebay with friends, its a very nice long-zoom dc ~

although for ISO 200+ quaility, has to admit Sony H1 and Panasonic FZ20 doing a better job, but using AA battery, super fast USM zoom and zoomable movie are something these 2 model can never archieve~ : )

happy shooting!