[susie114]

我係一個新手，有d有關macro的問題想請教下各位師兄。

見最近圓玄學院會有菊花展，好想試下去影。其實我之前試過用小小白去影花，覺得影花macro都幾好玩，所以都有少少興趣想買支macro鏡影多d。不過我其實都唔係咁清楚macro鏡比起小小白影花會有甚麼好處，各位師兄，可不可以解釋一下?

另外，我見canon的 EFS 60、EF100、同SIGMA的180 價錢好似差不多，其實那一支會係最好呢? 影花、影蟲、影死物，係咪都有唔同的鏡比較好呢?

[Philippe]

Macro鏡的對焦距離較近,可以把物件放得較大.小小白到咁上下埋就會對唔到焦.而且macro鏡畫質會較銳利,相片邊緣跟中心差別較小.
不同焦距主要分別是工作距離及價錢,60mm價錢較平,但最大放大率時工作距離只有2-3吋左右.好容易遮擋自然光源及嚇走飛蟲.180mm工係距離大約是8-9吋,沒有了60mm的缺點,但焦距長容易手震不利手持拍攝.100mm是兩者之間.

[susie114]

唔... 聽落2-3吋真的太短啦，EF100mm好像比較合適。另外我想問問canon的 EF100 其實比 sigma 或者 tamron 的macro鏡，是不是明顯的優勝? 有時候我覺得自己是新人，技術不好，用靚鏡都不會有大分別，所以我也不肯定自己究竟應該買好一點的，定係應該買平一點的呢?

[Philippe]

光學質素來講其實好難搵支macro鏡係好差既(純粹個人意見,有些人隻眼好勁,冇靚鏡影唔到相).
Canon最大好處係有全時手動對焦.Sigma就要去到150或者180先有.Tamron直情冇.
點解我要提呢個功能呢?事實上手動對焦在微距上是很常用的.特別在大放大率時,景深不足以令相機搵到一個完全sharp的平面就會對唔到或者唔知對左去邊度.
如果你鐘意AF到唔得先MF,又或者MF到咁上下用AF對準,咁Sigma或者Tarmon要將鏡推前推後轉mode.呢下真係好唔掂,影昆蟲好大機會嚇走佢.
註:我是真情唔用AF的
100mm的工作距離大約是4-5吋.可以話夠不過影落你會想多D.
另外一提我發現Tamron有個好白痴設計,鏡頭前端居然可以轉,說是可以用遮光罩後仍可轉動偏光鏡.Set晒腳架影花就好,咁貴買來的工作距離加遮光罩減翻短我就唔會咁做,而且用乜鬼偏光鏡,影風景咩?影微距有種叫環閃,係固定在鏡頭前端的,點知轉轉下.........好彩我只係用外閃.

[流星飛豬]

借個topic問一問野，
請問用有微距功能的變焦鏡(例如Nikon AF 24-85mm f/2.8-4D IF 1:2)夠唔夠用呢？因為我想聽日買機，信便買埋微距鏡，唔該。

[kingkonghk]

1:2影螞蟻就唔夠, 大形昆蟲, 花都得, 細花就唔係好得, 同埋留意係85mm時先可以1:2

[流星飛豬]

唔該晒kingkonghk。

[hyuhin]

....偏光鏡係有用架...haha~~
不過，吾用都得~~haaa...