[patricklhp]

希望各位指點小弟迷津！本人於新年會去“不丹”旅行(高山，有好多寺廟和風景)，我有Canon350D + Kit Len + 430EX + BG-E3，個Kit Len始終都是唔夠用••••查實心目中都是想買小小白，唔知各位高人有什麼好介紹呢？在此先謝！

[so hot]

I'll just pick 1 (18-200mm)

[kanji]

帶kit鏡已夠, 反而如果唔帶三腳, 就一定後悔

[kenkong]

patricklhp兄，

如果影寺廟和風景，似乎帶支superwide（例如canon的10-22mm）會多用過長zoom。
支kit鏡都要帶埋，最長焦距55mm x 1.6 crop factor 有差唔多90mm實際焦距，勉強都ok的。

[wingtor]

我都覺得買支18 - 200幾實用

帶埋kit lens、買多支50 f/1.8
三腳架、緊記帶多些memory ar

[old4]

估, 純緒段估:
發文者去不丹旅行, 並且帶有直度同閃燈, 而認為Kit鏡"唔夠用".
估計佢係想影人文方面題材多, 所以想搵靚既tele.
可惜長焦並非本人強項, 也給不出好的建議.

18-200本人曾有Sigma果支, 並不建議, 開頭用得好開心, 但一個月後開始失望. 開盡200非常唔掂 (但我唔怪佢呢點); wide end 18mm睇真d竟然都唔掂(可以講 : 差過Kit), 中央同四角相差太~~遠(開頭玩成日睇住中間咪開心咯, 玩一排發現整張出黎竟然比唔上Kit拍既) 就真係冇引. 因為本人影Wide多. 只有色彩方面比Kit好.
唔知T家果支18-200有冇咁既問題.

[奸人堅]

old4兄, 聽你咁講,騰聾,色馬及力抗既18~200三支可能都有此情況~~~

[old4]

sigma我真金白銀買過用過, 有發言權; T記我唔敢講, 但主觀估計唔會有太大分別. Nikon我就會估計應該好一個level.

不過講返, 我自己既意見未必就係公平 : 未必個個會"在乎"wide end時既邊緣表現 (就係我本人, 都係玩落影左幾百張後才開始留意到....), 而佢實在係極度方便、實用 --- 價錢唔貴、唔重、焦段無敵 --- 我決定放係因為發現自己幾乎唔會用100mm以上, 所以寧願入返支靚D既短鏡.
假如係為方便用途、工作用、唔太在乎畫質既場合下, 其實我仍然推介呢支.

但以發文者既情況, 去旅行拍攝 (不丹並非成日有機會去既地方), 我就唔多建議佢用喇.

[patricklhp]

先多謝各位的高見 :-)

我見Sigma 18-200mm好似幾平，早兩日見一個吃梗珍寶珠國內阿伯買350D+Sigma18-200，當時都有點心動。但呢兩日上網睇下報導，再加上先前用底片的時候，發覺Sigma始終都是“色盲”，朋友都同意此解釋。所以一直都提唔起勁去留意Sigma的鏡。

假如一致認為Kit Lens都夠用的話，我真是要認真考慮一下先，因為我都唔是有錢人家，又無雙糧，不如省下一些錢來買其他東西才對？

我唔是唔想帶腳架，只不過好似好負累了一點，因為不丹班飛機只可以坐72人，只限一個行李箱，一天又有四季的變化，再加上兩星期的旅行，衣服和雜物已用了很多位置，好難留位給它.......不過它都會在考慮範圍內的。

多謝晒！

[ken_chan]

如果你這次之行係純為影相的話。
我建意你帶17-40L，Kit，如有興趣影下特寫的話帶埋小小白(其實可有可無) 。不過建意你一定要帶腳架。(好過帶燈，因為當地人未必接受你用燈影佢，會走)。
又如果你真係重量先決。帶支EF-S 18-85 IS拉。一支鏡基本上可以滿足絕大部份要求。不過都係強烈建意帶腳架，情願係帶支細的腳架。

[micros]

雖然唔會成日用﹐不過無 tele 點都會有o的o野影唔到。
香港咁細﹐影風景都有 tele o既時候。
地方再大﹐tele 更加有用。

[patricklhp]

好吧！腳架會帶去的，至於用不用再買鏡就真是要考慮考慮一下先，我年廿八先走人，都有兩個星期我考慮好唔好再洗錢月供小小白！(本身已有好多野是月供......請勿見怪我呢D現代香港人，先洗未來錢！)

[kkueng]

小小白很少拿出來影的, 但小小白是十分值得買的tele鏡, 旅行或本地使用都適合.

[kkueng]

我次次去旅行都帶住佢, 705gm