[kkkcheung]

小弟有OM E500雙鏡kit set，打算trade左等換Nikon D80出。OM E500是小弟的第一部DSLR，以前亦從未用過Nikon單反，Nikon是否較好，值得嗎?

[man1492]

咁就要問下你E500 有咩唔好先.........

[ckikin]

請問你套E500想放幾多?
有興趣可e-mail俾我。
ckikin@yahoo.com

[Sygate]

......老實講, 我成日都話係咪換左部相機會另一個人的攝影技術有好大明顯進步先. 又或者你用緊呢部相機又係咪發揮唔到你 d 技術 ? 我係網上見到部份用 Canon 5D ( 2 萬幾銀 ) 拍出來的相我又唔覺係靚, 或無嘜 feeling...返而有時見平機的用家拍出來的相唔錯.

[肚腩仔]

說實話 ~~ D80 又真係幾正o既 ~~~
相比起 E-500 基本上係冇得比 ~~~

相機是死的 ~~~ 不過轉一轉睇下自己有冇選擇錯都好o既 ~~~
影相最緊要都係用得開心玩得開心姐 ~~~~

[kkkcheung]

多謝各位意見!

有此疑問是因友人最近得知本人是用OM機，建議本人改用Nikon或Canon。友人為專業拍友，使用D70s，相對於本人之業餘級，其意見本人一時之間甚為重視，但細想下又有重重疑問...

究竟如何知道那一種機適合自己啦，莫非要用過所有牌子才能知道，名牌子（Nikon、Canon）在照片質素上一般是否較理想?

[beancurdbean]

睇你想影乜啦

[tl9078]

又係一個羊群心理問題 ，你去canon問邊個品牌好佢會話canon好 ，你去nikon問邊個品牌好佢會話nikon好 ，你去panasonic問邊個品牌好佢會話panasonic好。
你想要甚麼或甚麼適合你 ，你應該知道的。既然你朋友用nikon ，那就借來簡單套裝試玩是否適合你會好d。可能試試下你買左canon話佢最啱你呢！
可能你最後買panasonic L1又唔定喎！

[天地無用]

電子科技只會進步,要追,除非大把鈔票。
呢個月N出新機,過兩個月C又出新機,
邊追到咁多。

OM雖然比較小眾,但也有其它廠所沒有的特色。
既然閣下手上已有一套器材,就好好使用吧!
我想閣下的問是應該是不知道自己要求的是什麼吧!
閣下目前要做的,應該是多拍照,好好操作這台相機。
若目前手上的器材不合用,才考慮轉系統。
而不是聴了某人的說話而轉。

沒有人比你更了解自己的需要。

[nokia2110]

老友你想清楚，e500有什麼不好，雙鏡裝係幾的選擇，由28-300齊！而mo出Ｄ色好濃，解像度不錯，不如你一說你轉機的原因！

[Sygate]

好唔好用真係睇你想要咩啦, 我自已覺得 Canon 拍人像效好, 比較自然, 曾次感都好 d, 但 d 色就無咁 sharp, nikon 拍風景比較 sharp, 可能係用 ccd 關係啦, 加上 nikon d 鏡本色都係 sharp d...如果你朋友係咪問佢借來用一段時間 ( 大家交換都好 ) 睇下係咪你想 / 須要的機呀.

[kanji]

好老實說, 現在市面上各牌子的產品除了某些牌子的型號在 “畫質”上較為 (標青) 之外,其他的真係可謂隻隻差唔多,用邊隻牌子跟本無所謂.

好像小弟數碼現時雖用NIKON system, 並非因為NIKON 特別好, 只是因為之前菲林是用nikon 菲林機,鏡頭及閃燈可以同 nikon DSLR 共用方便而已.
相機由菲林年代轉為數碼, 的確多了很多拍友, 而以攝影為樂趣的朋友更續漸年輕化.而現今拍友當中,的確存在一些很希望 “強行” 使其四周的朋友轉用跟他自己相同的牌子而 “睇唔起”用一些 “非大路牌子”的人.小弟對此等行為的確不敢恭維,除了可以交換配件使用外,並無其他實際意義.

雖然大家會覺得好悶,而且可能會 “野”來其他DCFEVER的朋友 “勁插”,但我都想向版主送上老生常談的一句: 與其花時間在器材方面, 不如把時間放在鑽研攝影技術上,盡可能把你手上的器材發揮出來.是人用機,不是機用人呵!
SYGATE 兄呢一句正正是最精景.
""我係網上見到部份用 Canon 5D ( 2 萬幾銀 ) 拍出來的相我又唔覺係靚, 或無嘜 feeling...返而有時見平機的用家拍出來的相唔錯. ""

[Ernest Tang]

上面嗰位天地無用兄講︰"既然閣下手上已有一套器材,就好好使用吧!
我想閣下的問是應該是不知道自己要求的是什麼吧!
閣下目前要做的,應該是多拍照,好好操作這台相機。"
呢點我絕對同意，有時我地身邊都有人講什麼機勁、什麼鏡靚，呢樣嘢好個人觀點，未必適合自己，所以真係要多影先知道自己究竟想要什麼。

[zeusho]

看來有很多人喜歡用「專業」這個字眼，看來這個「專業」的字眼變得簡單，好像人人都可以說自己是一個「專業」一樣。個人而言，「專業」一詞是指當事人的工作是真正有關於攝影行業的，絕非那些擁有一些所謂專業器材 (其實很時間很多人都花得起，而其中一些只是有興趣的或業餘的用家)就可自稱為「專業」；另外，你己亦需去思考：你在這個朋友身上是否得到一些令自己攝影技巧進步的知識及有關交流，或是這位朋友只是那些純粹重視器材、品牌主意者，你跟他的交流只止於這一類話題呢？最重要的是看看他實際的拍攝作品，一定可以看出一些端倪出來。

君不見在DCF內很多Profie寫著自己是「專業級」的會員，其拍攝作品並不「專業」嗎，甚至令人不敢相信一些相片是以聲稱所使用的器材所拍攝的嗎？大家不妨深思當中的意思吧。當然，以上只是個人的觀點，大家大可不認同。

[Gowest]

絕對認同zuesho兄之見解。

好多初玩攝影既朋友,好容易會俾"專案"呢個名詞嚇怕,以為係d乜野咁神聖不可侵犯既野........其實只要細心諗下你就會發覺原來都係不外如是。冇錯,"專業"相機確實係做到d"普通"相機做唔到既野,例如機身堅固可以係極地環境下操作正常,但講到拍出來既相片,大家又有幾多分別?大家欣賞一張相片既時候,又會唔會將重點放係張相解像度有幾高?