[danielman]

因本人正訂劃去北海道,但怕部機頂唔住!!
如果要帶部機去....有什麼方法避免部機出問題?
請各師兄指教指教!!!

[kingkonghk]

-10度全日外露冇保暖都ok, 但係電量得100張, 慳d駛

[danielman]

首先thank you先!!

但再請問,以我所知現在既北海道開始凍,可能無十度咁多!!
咁有乜方法解決呢??

[kingkonghk]

-10度呀, 唔係10度, 我上次去過網走, 應該都算道東, 全日手持都ok, 不過隻手會幾凍下

[danielman]

唔好意思!!
睇漏眼!!多謝回答!

[kanji]

我去年二月份,正是北海道最寒冷的時候, 我帶左 nikon 的 F90X 及 D70遠征北海道, 最北去到"稚內"最東去到"網走", 兩部機都沒有問題, NIKON的機身真係有Ｄ　料到．放心吧．不過反而係要注意係, 如果你係跟團, 成日出入旅遊巴,一凍一熱好容易有水氣.

[danielman]

今次我諗住帶部F80&D70去,見到你d相就想快d出發!!!

咁請問你又怎樣處理水氣嘅問題呢?

[kanji]

我通常會用個密實袋封好部機才進入有暖氣的地方. 如果不封好, 你的相機及鏡頭會有水氣出. danielman 兄,可否分享一下你的北海道行程? 是自由行/跟團? 幾時出發?

[kingkonghk]

我就冇乜點包膠袋, 因為我2月去, 當時室內室外都好乾燥, 反而室外地方冇暖氣地方咁乾, 所以全程都冇水氣.

有次去馬來西亞就出入冷氣地方, 搞到個鏡白晒, 要15分鐘先ok返, 熱帶地方室外濕度高好多

[danielman]

kanji兄..今次係我第一次去日本,我選擇冬天只有一個原因....就係為左睇雪!!唔好笑我啦!!!我從來都未見過落雪,真係好想親身感受下!!日期就定係11月中,跟團(話曬未去過^.^)又想問下你上次你係咪自由行呀?帶左幾筒菲林呀?咁CF呢?又帶左幾多G去呀?謝謝!!

kingkonghk兄..我今次要帶手套去至得,如果唔係點影多d靚相呀!!

真係越來越心急!!!

[kanji]

danielman兄

可能小弟太喜歡旅行攝影關係,故旅行我絕對不跟團.主要原因有2:

1.因為跟團會比時間限制,例如拍攝日出,日落,或要時間去思索構圖時,可能要在同一個地方等很久,跟團就不會可能做到, 而且跟團通常只會帶你去一般香港人常去的地方景點 (如小樽夜景、札幌すすきの）,這些景點就好像香港的太平山或維港夜景一樣之前已經有很多人拍攝過, 再拍已經好像沒有多大的意思.

2. 跟團經常會帶你去買一些你跟本沒有興趣的東西. 浪費寶貴時間.

日本是一個先進國家,全國大部分地方都有鐵路連接,站名是用中文寫的,就算,不懂日語亦沒有問題.

小弟以前在札幌市往過一段時間,對北海道都有一D 認識,如有問題可以隨時問我吧.

[kanji]

AH 忙記了回答你

其實帶多少菲林及容量的記得卡好睇你的攝影習慣,有些朋友去了5天影了10G,有些朋友去了10天可能只影了2-3G,我上次舊地重遊,去了13天 影了10筒菲林(上面二張是用F90X+KODAK MAX200 拍攝的),數碼大約4G左右吧.(應該算少的數目)

[danielman]

我今次應該去5-7日,大約帶3G左右加4筒菲林到啦!!其實我之前去過泰國5日都只係用左1.5G加3筒菲林左右!!我相信日本D景會先較多同靚,但應請夠用!!

[kanji]

記得帶三腳去呵
如果唔係一定會錯失很多美景呵.
深秋的"大雪山"