[sweetpotato]

我設呢個topic係絕冇意做相機比較, 我淨係想知道大光圈 vs. 高iso,各位前輩點樣睇.
最近有好多新機出, 個個都要 高iso, 係咪潮流?點解冇廠商出大光圈既機?
我有個朋友有部OM C5050, 我好羨慕佢, 出OM C5050既時候,我未加入 dc 行列,我一直等, 但OM唔再出呢類機.
到最近見到G7出, 好開心, 但睇完個spec., 好失望, 冇左f2.0.
究竟大光圈既機係咪成本好貴?點解個個要高iso ?我個人覺得大光圈既機好用過高iso既機, 唔知大家既意見.

[mononene]

而家DC仔邊有大光圈呀
tele都有f2.0的話,唔知要幾錢呢

[man1492]

DC 仔大光圈隨左提高快門速度之外冇其他

[HASE]

樓上個位人兄你講得o岩丫, 大光圈主要目的就系提高快門速度, 唔祇dc, 所有相機都系架喎! 用M MODE 另作別論!

[HASE]

我個人愚見, 大光圈一定好過大ISO, 大ISO會令相質素變差.

[man1492]

"大光圈主要目的就系提高快門速度"

我既愚見主要係令景深淺D

[ngkaki]

我覺得係成本同重量o既問題. 大光圈代表鏡片要大d, 即係會增加成本同重量, 咁做晌咁大競爭o既市場入面未必有著數. 相反加大iso只係電路問題, 只會同研發成本有關. 我諗, 防震功能o既成本都可能低過整塊大鏡...

有錯請插. :>

[Medium Cake]

>> 我既愚見主要係令景深淺D

大光圈對機仔景深影響其實唔大, 因焦距太短, 唔似得大機.

[man1492]

"大光圈對機仔景深影響其實唔大, 因焦距太短, 唔似得大機. "

請閱全文

[怪俠]

係喎！整大個光圈又可以當防震喎！哈.........

[man1492]

"係喎！整大個光圈又可以當防震喎！哈......... "

DC仔世界，高ISO, 防震, 大光圈都係同一樣野

[AMX-004Qubeley]

嘩!有大光圈、有高ISO、高速快門、又有光學防乎手震,咪天下無敵囉!

[HASE]

"DC仔世界，高ISO, 防震, 大光圈都係同一樣野"
我唔認同

"我既愚見主要係令景深淺D "
唔系大光圈問題, 而系快門關係, 系大光圈令到入光量大左而使到可用更快的快門, 而令景深淺; 如果光線夠的話, 較細光圈都可以玩到景深.

[osh]

"大光圈主要目的就系提高快門速度, 唔祇dc, 所有相機都系架喎! 用M MODE 另作別論! "
好難認同..
用dlsr, 用a mode, 同一焦距, 相同曝光, 不同光圈, 景深已經可以差天共地
我的愚見係: 在同一焦距下, 大光圈主要目的就系改變景深, 快門可利用iso控制.

[fantasy1981hk]

"唔系大光圈問題, 而系快門關係, 系大光圈令到入光量大左而使到可用更快的快門, 而令景深淺; 如果光線夠的話, 較細光圈都可以玩到景深."<------------

唔係掛...@@"
你有無睇過各大公司講解自己閃燈高速同步同埋Hoya講自己ND Filter既用途呀?
如果快快門可以令景深淺...洗咩用ND呢用大光圈?
洗咩死都要用高速同步呢用大光圈?

以上係其中兩個係陽光下都要用大光圈其中一個理由同方法...
Nikon SB800同Hoya ND Catalog都有講...