[fishonly]

各位師兄師姐你地好，小妹係新手，第一次買dc，因為唔係好睇得明d 規格，而又唔係好知應該點比較好........部機我主要係用黎影景(旅行相)同埋演唱會相。

價錢同像素都係我accept到ge range，我想比較ge野係：
1) 鏡頭廣角：個wide range會差幾遠？

2) 耗電量：邊個食電會勁d?如果當我全日開哂機不斷review同shoot黎比較。

3) 防手震：因為我隻手好唔定，我d朋友成日都唔肯比我做影相個個，如果2者選其一，應該choose邊個好？有朋友話如果個快門夠快就唔怕手震，咁係咩原理呢？又有d人話fx07太輕，防手震都冇用，因為我press button個下力都已經搞到震左..........小妹唔係好明！

4) auto同手動：a640會唔會因為係prosumer機所以好多野要手動？個panel menu會唔會好難用？

5) 方便：女仔黎講，用a640會唔會太大舊同重？

希望大家可以幫幫手解答小妹ge問題！！

[mk07]

fishonly
1) 鏡頭廣角：個wide range會差幾遠？ ~不會差少少ja
2) 耗電量：邊個食電會勁d?如果當我全日
開哂機不斷review同shoot黎比較。~ 如果用電緊緊只可大half日ja,如果用rechargeable電芯會好d,
GP2100電量己經可以450張相la.
3)你朋友說得對ar!快門夠快就唔怕手震!
有d人話fx07太輕，防手震都冇用~是對的,正常攝影用快門來instead of手震!
4) auto同手動：a640會唔會因為係prosumer機所以好多野要手動？
個panel menu會唔會好難用？~不是prosumer機,,如果有心學影相有齊晒功能tim,今日唔想用盡腦汁
可以用programme or auto tim,唔會難用panel menu好易用!
5) 方便：女仔黎講，用a640會唔會太大舊同重？~是對的,但d 相好靚!
a640 d 相質素唔錯ka!

[靚蝦王]

wide end 28 同 35係差好遠架, 尤其係機仔, 因為閃光燈唔夠力, 如果想影一班人, 又唔夠wide, 就只有退後幾步, 但係如果多人, 咁就可能會退到過仔閃光燈有效距離, 張相就會under.........
電量....一夠黎講, 兩部都應該夠你用一日(買fx-07通常跟多粒代用電)
防手振, 唔使講啦, 我用lx-1時, 好多時都會用到 1/4s, 冇防手振......., 落腳架啦
for 女仔, 就買 fx-07啦, 我識d女仔通常都係鐘意細.......
quality, 就睇下你講邊方面啦, noise, fx-07輸硬, 但係你先睇下你自己接唔接受先, 睇畫質, 都係要過你自己0個關, 同埋一定要睇"唔同場合"影既相, 尤其係你常影既場合既相, 千祈唔好信晒人"講"既野(包括我在內~), 因為未必係你所需/所想咁
但提你一句, 買機, 先諗自己想要咩, 要細? 要功能?我就先睇"影唔影到"我想要既野, 即係功能(影唔到你想要既野, 就算方便到俾你日日TAKE出去, 畫質靚絶.....都冇用啦), 其次就方便程度, 如果係想要買細機, 可以成日TAKE出街, 我就會CHOOSE部啱SIZE既, 未必係最細, 但要戶便我TAKE出去, 之後就係畫質
當然, 如果畫質奇差, 咁都唔會買啦, 但畫質差唔差, 自己睇SAMPLE比較下先~
PS. 如果FOR我, 一定要CHOOSE一部的話, 我會CHOOSE A640, 因為我需要手動~

[fishonly]

TO MK07

我其實都係想學下影相，所以先會考慮a640，但係a640快門ge快門夠唔夠快reduce我ge手震呢？如果同fx07 相比，係防手震方面邊部promising d呢？

to 靚蝦王

我對相ge要求暫時唔係好高，唔好曚查查d色夠sharp就得了！但係長遠黎講，我想要部襟玩d，可以比我explore ge機。

當然對我黎講重量都好緊要，因為fx07 同a640 ge重量差一倍有突.....我好驚我買左a640番黎都會因為重得滯唔用。

尋日同我屋企人出街睇，佢地一致都話a640 感覺有用d(雖然我都覺得係).....但係人地又鐘意左fx07好耐....真係搞到我唔知點好喇~~~

btw，我係樣本照片廊揾唔到以上兩部機ge sample picture 呀？請問邊度會有？

[靚蝦王]

"但係長遠黎講，我想要部襟玩d"
咁我覺得你應該買 a640 啦, 有d手動功能會好玩d~

回答其他既問題:
一般黎講, 快門快唔快呢, 係取決於你需要張相要幾光, 唔係部機既
for同一個環境同一時候影同一樣野呢, 如果a640要1/60s, @iso100, f2.8, 咁fx-7都會係用1/60s@iso100, f2.8
如果a640快門夠快, fx-07一樣都夠
但係呢,for iso200/400 , a640 d相係好過fx-07~
(不過for我, 買部細機係for日常生活, 而且, 我>90%用iso100, ~10%用iso200, 只有極少時間會用到iso400, 所以有防振好d~fx-07防3級的話, 就可以用iso100加慢3級既快門, 光度會同a640@iso800時一樣, 但係張相會靚好多~)

[fishonly]

to 靚蝦王

"fx-07防3級的話, 就可以用iso100加慢3級既快門, 光度會同a640@iso800時一樣, 但係張相會靚好多~"

其實感光同快門ge關係係點ge呢？係咪iso愈細，感光時間愈耐，咁就愈容易比手震影響到相ge quality??????

多謝你咁耐心咁答我呀!!!!!~

[mk07]

fishonly
正常來講,妳可以調較光圈,來防手震,妳可以試1/60秒,iso100
如果影出來是手震ge wa,可以調較iso 200看看如何!
如果!
eg快門 1/8秒po光時間耐d,如果1/250 po光短時間!
感光唔可以用時間來計算,以度數計算,eg100,200,400,800
度數月高,快門培贈,就無咁用容易手要震law!
eg快門 1/60 iso 100調較~iso200 自然會1/125秒la
咁用容易手要震law,但iso 高 noise會高!

[靚蝦王]

感光度(iso), 快門, 同光圏係互相影響既, 而各自都會做出唔同既效果
光圏大d, 景深會淺d (用最大光圏影通常)
快既快門可以凍結被攝物, 慢快門就可以影得動感d~
高iso => 對光敏感度增加

"係咪iso愈細，感光時間愈耐，咁就愈容易比手震影響到相ge quality??????"
for 一樣既光圏, iso細 d -> 快門一定慢d, 至於容唔容易比手震影響到相ge quality, 就要睇下你用幾既快門, 同埋用咩焦距喇~

防手振, 都係只可以幫到你3-4級, 如果環境超暗, 防手振同高iso都幫你唔到...
另外, for dc仔, 冇必要的話就真係唔好用 > iso200, 因為真係既差, 除非真係影唔到啦...

一夜景人像相, dc仔如果有防振用到 1/10s @ iso200 f/2.8 28mm加閃燈, 都有唔錯既表現架喇
(如果fuji, 用到iso400/800都ok既~, 如果panasonic個防振, 用到1/4s影多兩張, 都應該可以~ 冇防振又手時的話, 就最好唔好用<1/20s喇)

[stevemobile]

To: fishonly

"我其實都係想學下影相，所以先會考慮a640，但係a640快門ge快門夠唔夠快reduce我ge手震呢？如果同fx07 相比，係防手震方面邊部promising d呢？"

少少的補充, A640 同FX07 如果都想減少手震, 最好在影相前確定快門在"安全快門"內. 所謂安全快門簡單來說就是1/焦距(e.g. 用35mm 影相, 即快門速度不要少於1/35 秒, 否則相片可能會出現震動. 當然這只是簡單的舉例, 數字上可以改變, 如調較高iso 將快門由未到安全快門調較至安全快門內(e.g 1/15 to 1/50秒. 或者用防震功能降低安全快門的要求(e.g 本來安全快門需要1/35 而因防手震關係而可調較成1/20秒仍安全). 實質的例子如mk07及靚蝦王的說明.