[vaworld]

我真係見了好多人不斷爭論邊部相機好.
亦見到d人不斷爭論點樣影相先至好.
但係唔係真正攝影愛好者應該爭取係影相時及影相後的快樂?
甚至係買器材或者選器材得到快樂呢?
當然用來搵食的人例外啦!

[200448]

「過程」是也!

有時有d 相都係為左做記念，朋友生日，ＢＢ相，畢業禮 ... ...
相機得物所用! 咪得囉!

[Philippe]

有要求可以令個過程快樂.
雖然單按快門影些紀念相也有他的快樂,點樣影得好,經過自己努力得出成果係另一種快樂.

[balance01]

lomo 機咪係呢個 concept o羅

[ym_y4]

各位師兄
我不太同意 "影相亦可以不是求靚相 ",
我覺得應該係： 影相不是為打龍。

[Lotus lover]

影相只是一個過程，此過程乃通過利用相机這工具去摘取一瞬，從而表達個人情感。如果能享受到這過程已經足夠。

我認為讀書應該不"只"是求分數；所以影相也不"只"是求靚相才對。

[win3t]

影相影到靚女滿足感大過影到海嘯、龍捲風


靚女讚你勁(影相勁)滿感大過比麻甩佬大師讚你勁


理得你拎部哈蘇定瑪美亞，影唔到靚女都係屎機

-----------------------------------------------------

我的專業評分標準^.^

個小姐靚，張相先給底分95分...

麻甩佬相先減98分.....

(滿分是100分)

[Philippe]

大家不如睇下自己用緊乜相機啦,如果不是求靚相,求其買部最平既機得啦.講親呢D問題實係成斑人走出來話自己只著重藝術,唔計器材,唔計靚相.真係問心個句?

[micros]

非常可惜o既係 ...... 大前題老早就已經唔成立。

讀書不是求分數 ...... 唔係考試就係。

然而﹐影相為咩又要同讀書比較﹖讀書求唔求分數都係咁影o架啦。

[vaworld]

影相同讀書都係一個興趣.(記住我話係[ 讀書 ]唔係考試!)
興趣當然係重視係得唔得到快樂而唔係[結果]或者[過情]!
所以我無提過 [考試] 或 [過情] 呢個兩個詞語.
若果你在當中得到快樂無論因為過情或者結果, 目標已經係達到.
因為影到靚相你都未必快樂!(可能部機無人咁靚, 可能自己個model無人咁正 ... ) 最重要係以平常心去睇結果得失, 人先會快樂.

大前題唔成立? 或者佢唔理解姐?

[kanji]

"影相亦可以不是求靚相" <--同意
影相是求自己 "滿意"的作品

[alf_wong]

有人為呀媽讀書，有人為呀爸讀書，但到你大個o的，你會領略到原來讀書係為自己。

影相可以為影而影，為生計而影，或為威而影，但為乜係每人不同，亦冇分對錯。

相靚唔靚在於大量因素，其中攝影者既心情及能否良好運用相機性能，最可以令睇相既見到那份創作心思。

但"影相不是求靚相"，感覺有點失去o左最基本目標。

[mochida]

新聞採訪不同啦，相片內容很實在，要清楚表達當時發生甚麼事
若果又影到張張淺景深、大頭……，讀者都睇到R爆頭啦

[pongyee]

冇o左影靚相呢個前提，呢個世界o既相機工業就唔會有而家咁發達。

雖然呢個世界99.9% o既相都唔係好靚。

[怪俠]

我以攝影作為嚐好，從不以作品為嚐好！故不存在求靚相的問題，
而且作為業餘玩家每每在按下快門時才發覺自已可以控制的原來是這麼少，
又怎敢說自已有資格求靚相？