[awah1972]

今日起中環永X又名X佳 位於士X利街 買 CPL FILTER 真係谷鬼氣 , 下午到該商店購買
一塊 CPL
見鋪頭冇嘜人, 就拆開 包裝睇下嘩塊 FILTER 成塊都係"霞"氣 蒙查查 於是我同 個女
SALE 講唔好意思塊 FILTER 好多霞氣 有冇第二塊? 於是 女SALE開始黑面"註 佢平時都係咁面口" 拿了塊新的給我
我再打開一看好多塵 冇問題心想 塵不是在夾層內冇問題 收貨 但想放回合時卻看到
FILER 條膠帶甩開左, 於是我再同 這個女SALE 講, 本想問可否轉 KENKO , 我來不及開聲 佢已經很 悔氣地說:咁冇架
喇! 我比番錢你啦 ! 跟著超級黑面比番錢我 . 我離開時仲大聲同位男 SALE 講
..... 又話呢塊有霞氣果塊甩膠 ..... ..... 講真唔係比面以前店內的幾位老人家
我真係入去鏟鑊金佢 .....
今時今日仲有D 咁既 SALE, 講真塊 FILTER 眼見到都有問題 唔通唔換我都冇主動要求退錢佢竟然主動唔做我生意 . 我連一句不禮貌的說話都冇講, 仲唔該前唔該後 唔好意思...... 佢
連一句多謝都冇講
仲口黑面黑 真係 吹脹! 我以後冇必要都唔會再人去買野............
想問 CPL HOYA 好 定 KENKO 好D 謝謝

[panerai]

呢間野 只係出名買二手 名機, 靚鏡 (菲林年代時)

買新野 (配件) 就唔駛諗了.....

第一塊有霞氣, 第二塊 離膠,
証明D貨企咗一段日子, 斜對面, 美麗華好好多

[TAKETHAT]

我都去過一次士丹利街買filter，唔記得邊間，諗住買hoya，只係見到佢個個盒都開過，想同佢買都唔得啦，又唔係平過人。

[怪俠]

乜野叫做沒落呀？

呢間野我以前都常常注足，幫襯唔少，唉................！

[panerai]

>>>呢間野我以前都常常注足，幫襯唔少，唉................！

數碼未來臨之前, 佢做兩範,
沖印 及 二手 買賣 (寄賣)
紅旗 (仿leica), 東風 (仿哈蘇) 等天價珍品 佢都有得寄賣,
e 家 兩樣都唔看好了

[awah1972]

可能D 後生當自己仲係當年最風光的時候, 返回唔到現實 啦.....

[TAKETHAT]

呢d鋪頭，自從有所上網二手之後都好難做，我諗大家有野放都會係dc兇或呢度放，又點會去二手鋪比人收？

[Gowest]

士丹利街已經今非昔比,全條街係一間美麗華叫有d野睇下,其餘果d都係賣菲林機時代二手野多,如果二手野我寧願去尖沙咀睇好過

仲有一間攝影科學,不過d亞伯好拿串,你話城城d亞叔串咩,咁你真係要去攝影科學見識下,老實講,D價錢一d都唔平,但點解仲可以咁串?因為多鬼佬幫襯掛?

[老叟]

雪影福哭亦都大不如前咯,老字號廣大又走左,除左美麗華,真係無乜鋪咯
不過仲有鍾X,世X,入去真係要醒定D

[kanji]

如果買CPL , 去MK 大把店舖有, 如果買唔起德國貨, 可以學小弟用 KENKO PRO-1 DIGITAL(WIDE) 的CPL, 已經唔錯