[Sygate]

你地覺唔覺如果用數碼相機拍完後, 再用 ps 去調較 d 相, 跟住當自已拍得好好係無意思 ? 因我係入門 dc 用家, 想聽下大家睇法. thx

[thebone]

執著直出好令人費解，世上根本並無直出相片。

[pongyee]

d相影得唔好，再用ps 去調較，只可以係有d改善，唔會變左好好。

變左好好有兩個情況：

1) 原本張相未算好好，改左就好好；
2) 可能已經變左藝術品。

但係既然有能力變得好好，拍攝者的修為亦有一定o既實力，只係在使用機器(相機)上未能熟習，又或者情況發生得太快，未有機會調較相機。

[vaworld]

睇你執過d乜?

換左余羨蓮個頭做碧咸就梗係唔好啦!(無理由換個外國足球員頭嘛?)

調下色, 改下sharpness, 執幾粒塵唔會有大問題掛?

[sammyping]

如果想挑戰自己！買部菲林機！(現在好抵買！最好係機械機)影正片(slide )ISO 50
你會學識好多野！

[vaworld]

影菲林比影 digital 學多左d乜?

[pongyee]

有左數碼，多左細路提早接觸攝影，新一代明顯地比菲林時代學得多同快。

[six_seven]

哈哈!我都係數碼時代開始攝影,但玩返菲林真係學多好多野o架!多左d乜,用過咪知o羅!

[ing]

"" 數碼相機拍完後, 再用 ps 去調較 d 相, 跟住當自已拍得好好係無意思? ""

其實每個牌子每部DC都係一個小ps, 各有唔同既標準去調較你影既相, 所以你一用任何一部DC影相其實本身就無左DIrect Out 呢樣野, 如果想原汁原味都係菲林好既, 但個人覺得一啲問題都無, 因為差唔多每張數碼係顏色上都有太多唔好既要執, 黑色就梗加係No.1, 加上你本身影得唔好, 點執都唔靚架啦, 但影得好 ( 有90分 ) 又執得更好( 有100分 ) 咪錦上添花 ( 好嘢 100分)

[thebone]

>>>其實每個牌子每部DC都係一個小ps, 各有唔同既標準去調較你影既相, 所以你一用任何一部DC影相其實本身就無左DIrect Out 呢樣野....

That is what I mean.

你自己唔做後制，相機廠已經根據佢自己嘅口味自把自為幫你後制，自己再用PS只係要擺番自己張相嘅控制權！

以我所知，所有專業攝影師，99.9%都會用PS，剩番果0.1%只係用另一個軟件。

[thebone]

擺番=攞番

[sammyping]

由於正片要求暴光準確度比較高！如果暴光準確的話，真係好正！如果你想知，你都買部菲林機(要機械機！)玩玩！(記得影正片！)睇你學到幾多？

[ddbyddby]

記得幾年前這個問題一出, 很多不是靠攝影食飯的發燒友都會很看不過眼, 覺得調數碼相是敗類行為, 說什麼影幻燈片才是正宗, 不過時代不同, 現在資深影友較接受ps, 反而半路出家的菲林朋友更堅持傳統。

[ing]

Sample..... 有晚影左張咁既相, 太紅又有黑角, by R1 + macro filters


Sample..... 拿基本嘢, 顏色同對比, 黑白色位都係數碼弱項 by 350D



當然有時影得唔好(小弟技術不足), 返屋企玩下PS都係一種樂趣嚟既~

[intouch]

我覺得制成品先係最重要