[PT999]

手上的 CANON IXUS 40 已經用咗兩三年, 因只得四百萬像素, 反應亦唔夠快, 心思思想買過部機, 經一番搜尋資料後, 覺得CANON 850IS 同 PANASONIC TZ3 較合心意, 想請教大家應該選擇邊一部較佳?

我睇這裡的用家心得, 有人話CANON 的 face detection 好有用或好得意, 但亦有人話唔實用或甚至好煩, 真係有點人言人殊..... 但另一方面, 大部份人都讚呢部機的28mm 廣角鏡好用, 而且避震幾好, 彈得最多係冇用電量顯示!

至於Panasonic TZ3 呢部機就有28mm角, 廣角相片邊沿無乜變形, 叫做係"萊卡"鏡, 加上有10倍光學變焦, 又有防震, size 唔大, 才賣3600-3700, 這裡亦有會員讚好用, 實在令人難於選擇!

本身要求: 希望適合帶去旅行用, 易於操控, 普通的影人影景, 另外因為主要影自己個歲半囝囝, 希望室內室外影人的質素都OK, 而且要反應夠快(開機和對焦), 皆因囝囝的動作甚快, 要補捉其趣怪動作不易, 其他太花巧Function 反為唔太重要......

多謝大家的意見和幫忙!!!