[ma_ma]

‘古家園’郁手推人、驅趕蝴蝶卑劣事件簿

話說小弟4月21日（星期六）到‘古家園’影蝴蝶，剛到步見一班人排隊影蝶，有人指指點點大聲說咁影咁影，每人限影3張，望落秩序幾好，只是有點奇怪吧！

過了一段時間，另一處有攝影同好齊向著一隻色彩斑斕的蝴蝶在拍攝，本人離遠拍攝，有 d 師兄影完，便過去佢個位影下，一直我們都自發的找有利位置除意去拍，有時影的時候，為了有較好的角度互相都會靠得很近，雖然彼此互不相識，但也明白影相是在所難免，只要留意不要破壞這裡的環境，樂在其中！（及後有位師兄說本人影的時候迫倒他被刺吉倒，本人已向這位師兄致歉！）

蝴蝶飛了別處，當時冇乜人影，小弟取了支微距鏡以較近位置影，就這便嚇跑了牠。（事後有師兄說累得他也冇得影！）

及後那蝴蝶停在不遠處，我就繼續去影，這時，較早前的一群人來到，那指指點點的人著令他的朋友，一個跟一個，每人限影3張。本人見這樣，影了數幅便行開好讓別人影，那人又說，用長鏡可以在則邊影。心諗，咁都得。我又不是他們同顆，但冇辦法，換回長鏡在則邊繼續影。我拍了幾張，正影緊的影友話：邊個同我補燈？即好話我落閃，乜 d 人咁惡？！
除後那位大大聲聲指指點點的人兄說："你又打尖，睇相行開d，影完就俾其他人影啦"。本人感到奇怪，這裡是公家地方，況且我是站在一傍離遠拍攝，睇相也只是望一望吧了！就算我真係睇相阻住你們，你未叫我借借。真不藉這君所為，霸道之餘也常常在這大聲喝罵，這樣本人便回應："你係邊個呀，呢度係邊個架？你想影咪俾你影晒囉"？可能這位人兄誤會本人用黑社會口語問候他，所以再怒斥及用手推開本人"仲乜問我邊度， 係咪想打交?"，本人反駁"打咪打"！之後，他的友人話我站的位置是最好，話我阻住別人。（當時我不懂回應），影相有可能某個角度會好些，但吾通在別的角度影就吾影得，何況我只是站在則邊較遠位置拍攝，你叫我行近 D 都對吾到焦啦（我支是18-200 VR）！我便說：你地排隊在中間影，我就離較遠在則邊影，各有各影，幾時阻到你地？

及後那惡霸說：這是我定的規矩，排隊影相每人3張，邊個發現隻蝶？有位影友（不是他們同伙）說：是我發現。咁這惡霸冇聲出。我心想如果是他們發現，怕者其他人吾可以影！
惡霸：我見你在別處影了好多蝶，重影？我想，嘩！有冇咁惡。我：你話我阻住你，幾時？惡霸：就是你站著的位置。我：我來這麼久都未見過你影，一直把相機掛著，扮晒老行專大大聲聲講野叫人點影。話我站著的位置阻住佢（那時我的位置是在則邊離遠影），這時我叫他影，佢又吾影，不停話我阻住佢。

之後你一言，我一語達數分鐘，及後有其他師兄勸開兩人，但本人沒有即時離開，為的要討回公道，再度指責這君不是，所以有更多他的同夥出言叫本人住口，之後這位人兄還好大聲，有冇人影，冇人影就趕隻蝶去第二度！我都無話可說，條氣就好吾順，覺得此地不而久留，走前便說"你地人多，我唔驚架，我已影晒你地相架喇，那霸道者笑著說：怕我雞姦你"？實在不堪入耳！

離開古家遠出到馬路，遇見剛才由他發現蝴蝶的師兄，他說：不用同這些人吵，可能剛才佢（惡霸）在女友面前冇面！佢條女想埋去影試過幾次都影吾到！咁未吠o羅，人人都是用支Macro‘隊’埋去，佢都傻傻地……！

後記：我並不是說自己全對（起碼吵架時始終會影響那遍安靜環境，說話有點過了火位），或者是新丁吾知規矩，去過古家園只是數次，每次 d 攝影同好都好好人，如你睇吾到隻蝶會話你知在那，見到有好野，就算剛有人過來嚇跑了（蝴蝶），也冇話罵別人，未再等機會捕捉o羅！更冇話你影的位置阻住我，大家盡量遷就位置，各使看家本領。絕冇話一定要排隊影吾比別人在另一位置影，這還不夠，動手要打人添！這是甚麼世界？

鳳園守則定明：http://www.fungyuen.org/?page=management
2. 愛護野生動物，請勿在保育區內干擾或捕捉任何動物和昆蟲，包括牠們的幼蟲和卵。
7. 請勿在保育區內喧嘩或跑跳，或進行跟生態保育和教育無關的活動。

雖則‘古家園’屬公地，但與鳳園只是數步之隔，其犧有品種與鳳園不惶多讓，愛護大自然更是良好公民基本的責任，攝影之餘絕不應該只顧一己之利而驅趕昆蟲（驅趕蝴蝶到合適的背景，目的是拍得漂亮照片），大聲喧嘩（小弟爭吵時也有份），這等卑劣行為不但另攝影界矇羞，是社會上不容許的野蠻暴力行為！更是違法罪行，本人亦不慾追究，願此君等人能好好反醒反醒！

本人亦為此事騷擾保育區安靜，謹此致歉！

[ma_ma]

他們的一夥人（在爭吵位置）



干擾蝴蝶（蝶霸）



放大圖

[ma_ma]

本人亦就這事於 dc‘兇’發表文章講述事件經過，最終因有關網頁版主認識此人而關閉有關討論。此外，本人還收到相關的恐嚇留言，此乃屬違法行為，雖則法律未能把此人繩之於法，寄望正義的你能在大氣空中聲討此種網顧法紀行為！

[ddericli]

第一,我覺得閣下都應該投訴夠...兩邊都有你個post,兩邊你都會同人嘈(影相姐,唔洗搞咁大啩)

第二,我又想睇吓警告你嗰個人又如何可以對你點樣唔客氣(上網講嘢吹水都應該負責任,唔係一味舌戰就可以)

希望樓主你都收手吧啦~~

[无為]

＊＊＊本人亦就這事於 dc‘兇’發表文章講述事件經過，最終因有關網頁版主認識此人而關閉有關討論。此外，本人還收到相關的恐嚇留言，此乃屬違法行為，雖則法律未能把此人繩之於法，寄望正義的你能在大氣空中聲討此種網顧法紀行為！

可能都係揾錯地方，呢道主流係黃絲帶。

[Obi-Wan]

D亞伯好似大曬!!!!!

上次花展我同個friend一齊冇影相都係俾D亞伯罵我哋: "唔係影相行 X 開"

我個外國ABC friend俾佢哋嚇到速閃。唔明點解咁大年紀都咁冇修養!!

咁大火氣會習慣性爆血管。

Photography is an ART

[tam_dominic]

看在大家都有共同興趣,
請包含.

Happy shooting !

[dreaminghk]

見到呢D人你真係唔好彩
不過下次見到呢D人行開算，呢D人你話佢都唔聽...

[blue hydrogen]

老友呢個人我都識喎,佢都好好人喎,成日都讓人影相,
可能大家有d誤會0姐,放人d相上網比我的感覺好似吾係咁好喎,
大家都係影相玩吓0姐,大家放鬆d啦.

[edoxli]

樓主都十分有勇氣,敬佩敬佩.
晚遇到相似事不下數十次,但都吞左算.一樣米養百樣人.平時生活得不到滿足,很多人都會利用攝影平衡心理.影多張影少張又如何,
影完荷花就打壞,用雞蛋白,用沸水影金魚,用AA膠影雞仔.....這些都是影友.垃圾通街都是,很多事都要大家去努力.

[Snow Pig]

雙方面看，佢都係想係蝴蝶飛走前讓各位拍一拍，老人家容易生氣就係咁架啦！

大家拍下就算啦，打爛鏡就無謂啦！
不論熟不熟都好，我覺得佢有另一方面的好，因為教你甚麼是"排隊"！
不過佢可以 以一些輕鬆的態度同你講，你拍的可否讓一讓給其他人都一起拍的呢？

好彩我對拍蝶無乜興趣。

[calvinko]

樓主, 唔好太過唔開心...

我都明白有某部份自以為係老行家的人既想法!

我覺得, 隻蝴蝶其實無分話邊個發現先就有優先權,
你估係細路仔爭玩具咩! 個個都有權拍, 就算我覺得我對住隻蝴蝶 (花又好)
拍一個鐘都係我既權利, 因為係公眾地方! 如果你好聲好氣咁叫人比你影,
比你影成日我都無問題! 又唔係發現金礦, 係就硬係同你爭啦!

可能有d 人, 覺得你只係一個死o靚仔, 人影你又影!

不過都唔排除係誤會, 或者可能有一刻你犯左佢你自己唔知都未定!

佢可能唔係對個個人都係咁... 可能係你唔好彩啦, 不要太過唔開心了,
只不過係今次件事發生係你身上咁解!

另外, 登人d 相出黎, 可能有人會覺得有點兒那個... 不過可能你真係太激氣
先會咁做姐... 起碼你都姐住佢地隻眼! 哈...

[nikonmanhkhk]

樓主在Dchome已在上星期已開了同樣的post (但已deleted), 有看過各位回應(包括本人), 都知道兩方面各有不對, 樓主故意在Dcfever重題此事及再次post別人的容貌上來 (是另外一張新相, p.s.不知樓影了多少張作後備), 又是想將報復行動升級, 雖然樓主口口聲聲說post相是為了如實報導當時情況, 但司馬昭之心顯而易見!
總之一句, post別人容貌上來實是不對, 我想Dcfever網主也不想別人利用這平台作為報復的工具!

本人已在Dchome領教樓主之辯才, 實在甘拜下風 (可能樓主是大狀也不定), 所以樓主不需回應本人, 因本人不想與樓主再作口舌之爭!

[CupNoocle]

好野有人自討沒趣, 自我毀滅, 自己攪定,
圍內人都知個日咩事, 當日在場一眾(大概有不下20人)都說你不是. 檢討下啦, 玩坩多野

[peterchan04]

呢段 新 聞 本來 睇 左 就算....

而家 居然 有 "圍內人" 出來 ....

噤 .... 擺明 係 人多蝦人少....?


.