[~_~豪仔~_~]

唔用閃光燈
坐近尾排,大概見到樣
有咩好介紹?

[怪俠]

大會堂唔會比你影相。

[王迦南]

香港依家興講人權，學生哥、花靚仔簡直係大曬！公民權利更甚囂塵土。但係唔知點解d拍友咁好蝦，周圍都話唔俾影相也欣然接受；大會堂內唔得，博物館唔得，甚至戶外的志蓮淨苑、美利樓都話唔得，….。

為何拍友們不懂以公民的權利禮貎地問一聲：為何唔得？我俾錢建設o架！我影了對他人或該建設有何損害？

外國的室內重要且極珍貴的地方，祇要不涉及敏感資料、破壞文物及阻礙別人，都係任影唔嬲的，包括大英博物館、羅浮宮、埃及博物館等大部份的區域，都係任影唔嬲的，仲可以落埋腳架添呀！

[怪俠]

表演廳唔比影相好正常嗟，
唔好無限上岡啦！好多地方連商場都唔比影相呀，
表演廳要影相都可以，不過要預先申請。

[matthew_ykf]

其實如果冇影響其他人的利益、阻礙他人行動或危害他人健康及生命安全，諗唔到點解唔俾人影相？有邊位知點解及佢地嘅理據係咩，又有咩惡法支持佢地咁做？？

請有以上專業知識嘅影友同大家講吓，等大家知道有咩做得又有咩唔做得及如何爭取應有嘅權益。

多謝各位有識之士！

[王迦南]

Re: 表演廳唔比影相好正常嗟，
唔好無限上岡啦！好多地方連商場都唔比影相呀，

香港好多地方都唔俾影相就代表這個決定是正確的嗎？何謂無限上岡？

[fredrace]

同管理公司有關,越多野口唔準做就越少發生問題既可能性,工作量就越低,薪金又可以更低,反正個場地受唔受歡迎唔關佢地事

[~_~豪仔~_~]

我想講係d學校比賽果d用姐,唔係名人show= =
唔洗咁插丫話= =?

[怪俠]

無人插你，放心，大家討論下嗟！

就算學校比賽都未必比影相架，我比人干涉過好多次，

你堅持衹不過難為個D打工o既工作人員。

你進入人家的地方就要守規矩，無話呢個決定正唔正確，

你唔服氣歡迎到大會堂靜坐抗議，爭取你的權益，我撐你！

[kmlau123]

小弟非常同意怪俠兄的分析。

[kimduncanaimar]

學校show左wo
我估個到的職員都會通融下
話哂都係人地比錢租你個堂

放心啦
同個到的職員講定實得

[王迦南]

小弟不同意怪俠兄的分析。『你進入人家的地方就要守規矩，無話呢個決定正唔正確。』看來很對，但那不是人家地方呀！是公家地方哩！

不過我一向都唔係激進入仕，當然唔會(亦都唔使)去靜坐抗議，我祇需要『以公民的權利禮貎地問一聲：為何唔得？』

若對方答得有道理，當然要遵守；若橫蠻無理，那就佢做佢的，我做我的。他可以做甚麼？叫上司出來？報警？若他理由不充份，警察來到會阻止我嗎？

[pongyee]

>>不過我一向都唔係激進入仕，當然唔會(亦都唔使)去靜坐抗議，我祇需要『以公民的權利禮貎地問一聲：為何唔得？』

自從通過禁止盜錄條法例之後，所有呢類場所一律禁止拍攝。

不過佢地只係會千篇一律在會場內廣播聲明，一般唔會有實際行動，除非主辦人投訴。

紅館也是公家地方，但主辦人租了場地，便有權話事，而且是有法律作後盾的。

他們關心的是錄影多於攝影。

[ognirringo]

又一城都唔俾影架

我試過聖誕節去影佢個水晶聖誕樹

順手想影下個商場

即刻有實q走埋黎話聖誕樹就影得 商場設施唔俾影

咁唯有走啦

撘扶手電梯個陣望返轉頭 佢仲睇實我睇我會唔會去過第二度影

我到依家都唔明點解唔影得 可能有d 商業機密掛

[怪俠]

王迦南兄，我唔係有心同你爭論，衹不過話個事實比你聽，

唔信你咪去影到夠囉！同工作人員爭論過夠囉！

上次我去大會堂影個女間學校歌唱比賽都唔得呀，

不過咁，影畢業典禮可能就會通融下都唔定。

商場唔比影係因為商戶要保障商品設計版權及客人私隱，

我都見過有人唔理解硬要影，差點兒大打出手。