[BabiLion]

我去年年初買左CANON 5D, 今年去泰國玩個Shutter mirror就甩左..!!!!!!

經過投訴先知道果shutter mirror係用膠水粘上去的, 下..!!!!!! 咁關鍵的部位都可以用膠水粘???, 大家知嗎! 本人好鍾意水底影相, 就係咁千選萬選選左canon的full film 5D, 配埋HOUSING加2支鏡都成6萬幾蚊.

為左去影水底, 去參加成9千蚊的泰國住船的潛水團, 點知在當日要潛水的第一個早上影日出就出左事! 整個人即DOWN晒.

出左事番來即去問朋友此問題, 朋友話我知, CANON 5D成日都有人甩Shutter Mirror (話我知既朋友都係用5D, 不過佢剛剛唔好彩, 佢既5D都剛甩左Shutter Mirror, 重係趕住開工影相添), 我諗即然尼個咁關鍵的部件成日出事, 我要正式向canon香港投訴!

但很可惜, canon先後有兩個部門有一般職員招呼過我, 亦都發過email俾我, 但個答覆本人認為canon未正視此甩Shutter Mirror的問題, 而且第一次取相機去修理時, 個Customer Service的女仔重同我講, 1. 問題可能係相機使用時可能濕氣重和溫度變化等等因素, 2. 此甩鏡的問題少見!

本人選canon, 係認為canon是最好的! 但我好失望佢地咁樣處理此嚴重性的問題, 而最後佢地都再次聯絡我!

我相信我所遇到的問題, 好多人用canon 5D或其他型號的相機都有類似的問題, 我呼予大家如有類似的問題請企出來支持本人! 我地要CANON正視此問題!

[BabiLion]

修正前面; 正確係: 而最後佢地都冇再次聯絡我!

[BabiLion]

需要佢地recall 5D!!!!!!

[hsc]

咁吾滿意
轉機law

[twheddie]

你上年買,即用了一年多,過去一年你覺得機能怎樣?你這次有否帶機落水?有否被水浸過?這些都是關鍵問題?你說canon再沒有聯絡你,那你是否把機留下修理?有的話,他們定要與你聯絡.

[JSmith]

我用5D已經兩年，性能依然良好，你既情況深感遺憾......

如果只係用膠水痴住，你帶多支AA唔係已經解決了嗎？

[DDHST]

Canon 令我好失望。我亦用 5D，在前年出機，然後一年三個月後的去年七月，在太平山頂影景的時候，Mirror 竟脫離位置，嚇我一跳，登時不知發生了什麼事，小心將鏡頭除下，才發現 Mirror 脫離，翌日，馬上送上 Canon 維修，忘記了多少日後，收到電話叫我上去取回相機，說已經修理好。總共收費 HK $ 1600。取機時，我想叫師傅當面解釋一下，可是，那有這麼容易，叫到師傅出來，師傅只在電話與我對話，說替我換了整個鏡箱，他說…並非黏回鏡片就是修理完畢，要完全調整對焦，師傅還說…這樣的情況，在他們修理部來說是…常事。叫我不要少見多怪。
還有事例：我的一個朋友亦用 5D，與我差不多的時間出機，他亦在今年的三月同樣情況，不過與我的待遇完全不同，他亦送上 Canon 修理，不過…安全不收費，據他說，亦告訴他替他換了鏡箱。但又不用收費！到底是怎樣的一個標準？到底 Canon 在表現一個怎樣的形象？我完全不能夠接受一部相機可以有 mirror 脫離的發生而且，越來越多這樣的情況發生在 5D 身上！
出機一年三個月，就要收費 1,600，出機兩年同樣問題送修，就不用收費！
我更希望 Canon 大員，會看到這樣的不公情況，給我們一個解說。

[chansimon]

同師傅講有何用？　　要就同修理部的老總講，佢先係收最多人工可以話事！　　

一唔係不如 ５Ｄ友 係論壇組番個遊行隊伍，一齊遊去工商局找局長，開埋記招，俾雞能賣下免費廣告，之後一齊外影交流，認識多ｄ影友，順番條氣！　　

[Chairo]

哈哈, 乜得咁少苦主呀?

我o岩o岩今日上o左 cs center 一趟. 原因? 甩 shutter miiror 囉. 點甩? 影影下佢自己甩o左, view finder 黑o左咁囉. 咁點? 咪上去 cs center 整囉.

亞小姐問: 先生有咩幫到你?
亞先生答: 我都唔知有咩你可以幫到我.

跟手亞先生咪拎部機出o黎, 再o係亞小姐面前倒出o係 mirror box 內o既鏡片囉. 亞小姐有咩反應? 冇, 笑笑口嗟, 然後話: 我明喇.

其他唔講, 亞小姐話 canon 其實有重視過個問題, 但係o係同一批次o既機入邊, 都只係香港有咁o既問題, 其他地方同一批o既機就冇事. 但無論係點, 幾時同過o左幾耐保養, canon 都會 0 收費修理喎.

cs 唔錯, 個 r&d 就拖出去斬啦! 亞先生問亞小姐, 1ds mk3 有冇咁o既事, 亞小姐話除o左 5d 之外都冇, 不過佢自己都同o的用 5d o既朋友講, 有咩事都唔好大驚小怪, 5d users 的話都要預o左.

畀多少少 background information 下, 亞先生部機今日o岩o岩夠一歲, shutter 三千次都未夠.

所以亞先生都已經同身邊所有想買 dslr o既入門人仕講, canon 絕對唔係一個好選擇, 佢做o既o野都唔係 towards customer 而係 focusing on marketing only.

[DDHST]

有幸出機到現在，都還操作正常者，你好彩，無遇上這樣的境況。不用講風涼說話。換了是你，要帶支AA膠出去影相，你就知味道！有誰希望買了機有不滿意，而去轉機？不是自己身歷其境，不知痛！

[BabiLion]

甩shutter mirror都要收錢? 我當時係咁同佢地講, 唔講我過唔過保養先啦.. 尼d咁重要既部件都一年度就甩??? 唔係呀嘛... 最後佢地講, 咁係佢地既問題.. 所以從來都唔敢提收錢兩字!

其實佢地已整好部機, 我依家係想講, 我地買canon係因為覺得機好! 就算貴都物有所值, 但一個咁有意義既trip, 就係因為甩鏡的問題.. 搞到我6天在船上都冇晒mood! 已canon就輕描淡寫咁話得啦.. 整好啦..!

本來本人就算數啦.. 點知同師兄們傾到咁既事時, 此問題已係好普遍, 但本人係想問, 點解冇人去投訴, 點解canon知到咁既問題唔recall?????

[lambertnh]

5D 甩反光鏡全世界都知，唔只係香港有咁o既問題。

去 dpreview forum 望吓就知 5D 俾人小到甩肺...甩鏡

[twheddie]

我自己也曾是5d的機主,用超過半年,不遇見甩鏡問題,現在賣了等買5d-mk2.是不是有一批貨出了問題呢?如這是通常問題,可以寫信到canon要求解釋,甚至寫信報社,他定要回應.但奇怪在外國網上不見此問題.

[JSmith]

我唔係講風涼話，只不過我覺得機你係要預佢會壞，不論係甩鏡好定甩肺好，咪一樣叫壞機，都係影唔到相。
所以如果係緊要野，我一定會帶多一部機做spare，閃我都會帶多支。

[vaworld]

我最怕係甩鏡會整花支鏡後組鏡片! 尤其是 wide angle.
你鏡機都有 spare?

就算抄花門都還可以! 甩反光鏡絕不能接受!!!!!!!!!!!!!!!!!!
整支鏡分分鐘貴過部機, 邊個賠?