[sheungwanken]

請問香港科學園 Science Park 外圍係唔係唔比影相?
話說小弟今日放假見天氣幾好,於是攞咗部E510去嗰度影吓相,只係手持拍攝,日光日白,腳架都冇帶,我又冇周圍擒離擒去,態度友善,只不過係建築物外圍散步同影相,影吓D水池花草,影境唔影人,點知突然間比個保安員哥哥叫停,佢話整個科學園嘅內外都唔准影相,又問我係唔係記者,我答佢唔係,我只係遊客來呢度遊覽影相,佢都係話唔得.於是我都無謂理論啦.唯有無奈地收埋部相機,然後離開,小弟只不過見天氣好,開開心心咁影吓相啫.上佢個網頁查證後,都冇提及園內規則話唔比,打佢個查詢電話又冇人接聽,只有電話留言.真係吹漲,我諗我除非以後去嗰樹番工,如果唔係以後都唔會去呢度.唔知其他師兄有冇同樣遭遇呢?

[Christofkwan]

下...............假日果多勁多一家大細影相, 點會唔比架??
而且今時今日部部手機都影到相, 佢點判定我係打電話定影相呢??

[亞典波羅]

我諗可能係保安員搞錯吧, 或者佢係新來, 我唔知科學園算唔算公眾地方, 不過呢, 我有些朋友甚至在科學園影人像, 都冇人阻呢.........

下次, 你不如直接問佢老頂啦 ^_^

不過, 如果我冇搞錯的話, Cyber Port 就真係唔俾影相了.

[老叟]

呢D咪叫做矯枉過正囉

[sheungwanken]

岩岩試過打去,佢地話園內影相要申請,但我再問佢點解星期日或假日咁多人園內影相就得,我問佢地會唔會係你地選擇性趕人走,跟住佢唔敢答,再叫我打去26398008再問清楚及反映.但係冇人接聽,只有電話留言.我諗要繼續再打啦..........

[jazyee]

科學園??? 有D咩科學怕比人影到呀? 其實怕比人影到D化學野就真.
而加D保安員越呢越莫明其妙, 根本佢地都唔知自己做緊MUD???

[jazyee]

唔使打啦, 佢比你果個電話就係佢隔囄, 佢點聼得呢?

[sheungwanken]

我再次打去26398008再問清楚及反映,終於有人接聽,佢地嘅答覆係,基本上,全日廿四小時,只要園內影相都要申請至比影相,入口更亭以內,蜀於佢地嘅私人地方,即係私人地或私家路,因為只要你影到園內任何係蜀於科學園嘅物件,全部都唔可以.不過有例外,佢話可以影人,影朋友,影家人,但係唔可以打燈,但係唔可以用反光板,或關於商業拍攝.即係話,你只要在科學園內影人而又影唔到景物就得喇,咁就唔駛申請喇.
咁佢地將科學園整幾靚都冇用啦,全部唔影得,如果剩係影到人,咁我駛鬼去科學園影咩.真吹漲.............. 我投降啦............. 去影第二D嘢好過 ^_^

[Christofkwan]

即係影相一定要搵個人企係到先比影?? 咁咪一樣可以影埋佢d建築~
真攪笑呢~

[sheungwanken]

即係最好係用DC或影相手機影人像佢地咪覺得OK囉 ^_^
DSLR或者似DSLR嘅半專機都會好易令佢地懷疑你係商業攝影 ^_^

[Snow Pig]

香港一般的心態，影左會攝個魂走，見你相機開鏡頭蓋會喪睥

[sheungwanken]

哈哈 !!!! 一矢中的 !!!! ^_^

[pongyee]

可能驚你影到佢d 風水陣，又去爆料。

[d2c]

會員戶口已被刪除，資料已被標示為不顯示

[iso_ray]

佢咁C人, 不如入去唔比呼吸啦, 都唔知咩腦林出黎, 咁C人起出黎唔知用邊個既錢, 係唔係D保安人員自己夾錢起架?

佢而家真係乜都唔影得, 凈係影衰香港.