[bitwai]

首先說明.我住深圳.每日往返香港.算係多次往來人員.我都有帶機回香港拍野或買鏡.裝備如下.D300 小黑5.17-55,SB800,裝係一個LOWEPRO背包.

我都比人問過好多次.但首要條件係.你要証明部機係自己用.唔係拿上去賣.你連盒連單.樣樣有.咁你一定死梗..

首先你要知道.你帶相機上去.相機唔係違禁品.你如果15日都無上過大陸.咁你既身份就係遊客...遊客係可以帶機去旅行.但千奇唔好認自己係記者..否則.

如果唔好彩真係比人抽到問.首先.你要明白.個度係大陸.態度我地寸唔起既.你可話比佢地知.我上去拍風景或人像.最好相機內有卡同有自己DD相.我試過好夜帶部D2X上去.海關問我拍咩.我比佢睇.我拍老尖夜景..佢睇睇就無事.

萬一遇到好寸好硬既海關.你可叫佢幫你登記.回香港時走紅色通道過開回港.但登記大家都好花時間.一般佢地看你知'訂'.都會比你過..

再差一D.真係連登記都唔比.你可叫佢退港.到海關記存.叫佢同海關膠布封好袋.封袋前.當然叫佢點數量.你都要點清數量.立即回香港.立即拿回.罰一D倉租.最多幾拾文.

大家記住.個度係大陸.佢坏可能野蠻得起.但你也要記住.你無犯法.

PS:二手佬同水客不合用...

[lmcenoch]

多謝 c hing，解釋得好清楚！

[casino111]

Very useful, thanks for sharing.

[ym_y4]

很多年前,
我回內地旅行影了些相,
過海關時描樣檢查,
見到有菲林, 便說要沖好才可以過關,
海關於是帶去另一間房間問話 和 拿菲林去沖洗,
見到底片上有一個人背著東西,
問我他是誰? 我怎知呢 !
是用腳架影自拍, 剛好開快門時那人便闖進來了,
花了一番唇舌解釋,
幸好放我過關,
出境也可能有問題的呀 !
總之萬事小心,
最後問一句：
你說什麼狗最惡呢?
想來你心中有答案吧!

[pongyee]

樓主解釋詳盡，但對我們來說，就只是"知道了"三個字。

就算把整篇印下來，當海關的做法不一樣時，你還是無可奈何的。

莫說是中國的海關，就是外國的海關也好不了多少(例如法國海關就曾不提供理由而沒收了香港水客的 LV 貨)。

[ym_y4]

多年前有朋友去美國，
簽證不獲批准，
原來他在國貨公司做售貨員，
美國海關把他當做共產黨人士而被拒絕入境。
任何國家都有狗的，
最惡就是門口狗。

[亞典波羅]

我在出發前都問過國內關員, 就係我帶一機三鏡, 總值數萬員的自用器材是否可以免稅, 佢地答覆, 只要申報就冇事.

[feet]

師兄解說合理。

小弟都成日過關，相機、DV都隨身照過xray都無問題。notebook就有機會查軟件版權。

[power4x4]

我試過帶全新相機+手機,全部連盒,過埋機都無事(羅湖/皇崗都試過),而文錦渡就相機連盒俾關員睇,直頭話幫親戚買一樣過,無事wor

[王迦南]

我經常在交通燈出現紅色公仔時過馬路都冇事。那代表了甚麼？我過馬路行得好啱？我再這樣過馬路時被警察捉個正著，是警察不對嗎？


全世界各國的海關都訂立了較為嚴謹的規則，但一般執行時會較為鬆懈及略富彈性，不是我國才會這樣做。


京奧舉行在即，依章執行是無可厚非的事。

[老叟]

係大陸,幹部大晒,依唔依法執行,係無可厚非的中國社會主義特色!!

[大肚腩]

中國法律,詳盡清晰,
如何解釋及執行則是另壹回事,
由把關者決定.佢嘅話就係聖旨,
冇得反駁 !

[王迦南]

其實真係唔祇祖國係咁，全世界都係把關那個話事，冇得反駁，所以我地最好係乖乖地合作。


試過有一家三口從香港去德國，當然攞曬簽證，但特別在老豆用居英權護照，阿媽用BNO，個女用特區護照。結果，入境處職員認為一家三口在同一地方卻用三種不同證件，肯定有問題，全部拒絕入境，點樣解釋佢啋你都儍，要原機折返。返到香港嘈到拆天，佢咪講佢sorry算數囉！

[ym_y4]

海關執法問題, 有時真的講運氣.
試過有人去外國,
1. 帶了一個飛機上食剩的蘋果　　照過（講明唔准帶生果過境）
2. 帶了一杯飛機上食剩的酸奶(未開過) 　　沒收
3. 帶支電蚊拍（外國都有蚊）　　沒收（說危險）
4. 帶了一些中藥材　　照過（連翻譯都講唔掂係乜）
5. 帶了海味　　照過（講明唔准帶食物）