[hoiyin19]

20/12 在新華落訂新年去哈爾濱，長春，吉林，齊齊哈爾，住 5 星酒店，(編號LRRS08DL，團費 $6,999)，落訂時我己很認真問了三次這團是否已確實成團，屯門分店黃生實牙實齒話已成團。3/1 我到荃灣分店交尾數時，個李小姐拿著張訂金收據，攪了 20 分鐘都唔收尾數，忍唔著問佢，佢話唔知點解個電腦顯視可能機位有問題，所以唔收得尾數，講真咁樣講，係人都知即係間接話你聽唔成團，但又唔想咁快講，我話唔該你唔好再拖，咁樣拖落去，想搵其它團都無時間啦！到時一係坐係屋企，一係任新華安排！最後李小姐答應第二天10點半覆實。
第二天李小姐十分守時，回覆話個五星酒店團唔夠人，取消了，可以改另一個團，行程一樣，但酒店是4星，價錢是 $6,499，編號改為 LRRS08EX，我話有無攪錯，報團的時候，這個4 星團是 $6,299，而家要我轉團重要收貴D，我個樣似條 “水魚” 咩？佢先至話，好啦，收你舊價啦。如果個人矇下矇下又趕著去旅行，咪俾佢攪完一輪重要洗多 200。
好啦，概然行程一樣，當天下午便去找李小姐交尾數，見到佢後，佢二話不說，將收據個團編號改為 LRRS08SP，我問佢點解寫 SP，按行程單張應該是 EX，佢又拿著個電話，對著個電腦攪了一輪，同我講，唔好意思，一直都攪錯編號，以為我報的團是 EX (這個團一樣是哈爾濱，但無去齊齊哈爾，天數一樣，只時在市內加多些購物點及景點) ，李小姐話無乜分別，當天有 6個這樣的團，4星或5星都有位，但比我原本報的團種全部貴了一、二百，講真新年去旅行都唔會差個一、二百，最緊要唔好被騙。我主要目的就只是齊齊哈爾，其它地方興趣不大，唔去個度，我重去黎做乜！如果我矇下矇下，唔理個團編號，俾埋尾數，去到先知，到時就真係啞子吃黃蓮
後來我條氣唔順又去翻屯問找當時落單的黃生問清楚，佢找個好似高級些的同事處理，今次佢話，當日話成團唔代表保證成行，同事只是按電腦資料回覆，如電腦資料有錯，他們是不負責的！賴電腦講大話，高招！後來講講下又話因齊齊哈爾天氣唔好，去唔到個度，所以暫時取消。我問佢咩叫暫時取消，係唔係要等到出發前兩，三個星期先知，到時一係去一係唔去，因根本無時間無機會再搵其它團！
按以上情況，根本新華一開始的目標就係先收訂先，到時睇下邊種團多人去，邊種賺錢，就將其它團逼埋落去，可能同區4個團種，到最後只係開兩種！
改團種又唔老實講，鬼鬼崇崇駁你唔知，去完返黎投訴都無用啦，分分鐘話無D咁既事！如果李小姐是一直都是睇錯 SP團，咁即係應該 5星都有位，點解話 5星無團，只開 4星，但後來我篤爆左，又話唔好意思，睇錯！忽然 SP團5星又有位，前一天睇錯，第二日又睇錯，如果係真睇錯，你話佢都做野有幾小心？如果唔係，就只可以叫裝彈弓、賣豬仔！

[pongyee]

同樣故事已聽過，其他旅行社都一樣。

[王迦南]

其實旅行社都係商業構，祇要佢係唔犯法，你係吹佢唔漲的。

佢既團費一向都係海鮮價，唔好景會越收越低，報名先會做老襯，甚至真係唔成團。

好景會越收越高，收多了就踢你走，話你知唔成團，俾返錢你算數，你係冇得查佢是否真的不成團。

祇保障業內權益的旅遊業議會總幹事董耀中(不怕指名道姓)仲大聲話，祇要旅行社7天前退款給你，絕對合法及符合守則的。

[一、二、三四郎]

番大陸…搵中女穩陣D...

[kingkonghk]

捉心理o者, d人預1+大細去, 有d就請晒假約埋班fan去, 就算佢半個月前話你知5成團, 1係轉貴d, 1係退錢, d人都好少會退錢啦

總之佢唔係呃你, 用左條例灰色地帶

[casino111]

番大陸…搵柱女穩陣D...

[kingkonghk]

>>番大陸…搵柱女穩陣D...

流野來架, 有煤毒架

[pongyee]

>>番大陸…搵柱女穩陣D...

大6 整形e院多過乜。

[casino111]

做也去e院揾,去龍邨揾嘛

[一、二、三四郎]

後生令女都唔會留係聾村等你泥啦…
你估好似拍戲咁有個蛇see慢等你咩…
都係中女穩陣D....經驗夠嘛…

[pongyee]

>> 去龍邨揾嘛

你口味真毒特。

[kingkonghk]

佢應該中2聽農fool