[hauchong]

各位5700用家多d分亨自己心得吧

節錄oldpear兄:
"其實只要將自動對焦點固定於中央位置, 機前的合焦顯示白燈關閉, 以及設定於單次對焦模式, 其對焦速度幾乎比任何一台DC還要快.......請記著, 選了自動選區的多點式對焦時, 相機是經過了五次的對焦動作和作出取捨才做決定的, 這個速度我也不能接受"

文中所提到中央對焦(即係focus area 揀off)快過auto 幾多小弟就唔知(因為一買返黎到現在都未用過auto), 但係中央對焦就真係比自選5點對焦(manual)快同成功率高, 據自己粗略估計, 用自選5點對焦(就算選擇中央點亦然), 會比中央對焦慢2-3成, 對焦成功率亦只有中央對焦既一半(暗環境下)
所有用緊auto 或者manual focus area既朋友不妨轉用中央對焦, 對焦又快成功又高.

ps. "機前的合焦顯示白燈關閉" 請oldpear 解畫, 合焦顯示白燈係指.......shot confirmation?

[CMYK]

講開對焦.我倒有個小心得.
垂直線條是可幫助對焦.
可做個試驗.一張紙只有橫線,另一張只有垂直線.
分別用黎試對焦,會發覺橫線會對焦困難或不能對焦.
反知垂直線會對焦快而準.

[EricPix]

試過"focus area 揀off", 真Ok wo.
"機前的合焦顯示白燈關閉" - ??? 不明.

[oldpear]

手民之誤, 其實我都係靠記性, 部5700唔係經常晌我身邊, 女友用多過我用, 事實上我恃住玩得多機, 本說明書幾乎未揭過。XDDDDD

正確調較應該係咁:

AF Area Mode: OFF
Auto-Focus Mode: Single AF
Focus Confirmation: OFF

剛剛做多一次實驗, 室內就算只開一支40w檯燈, 昏暗角落仍然可以準確對焦, 對焦系統有時一次便可拾得焦點, 有時要左右來回一次, 但速度絕對可以接受, 亦可以列入快速之列, 只要被攝物有些微反差就可以, 真係唔明點解咁多人話佢對焦唔掂, 亦唔明以雜誌咁專業既人員都話佢室內對焦有問題, 我亦將cp5700同AF-SLR比較, 有部F90晌身邊, 搭支28mm-85mm F3.5-F4.5, 另一支80mm-200mmF2.8 D, 同樣於室內環境, cp5700大部份焦距範圍自動對焦都比F90快, 只係輸在微距方面, 當然, 全黑的環境下cp5700就真的無能為力了, F90只要搭載同廠閃燈, 引發輔助對焦燈就可以在全黑環境下自動對焦, 這點是我一向以來對cp5700評擊的弱點。我亦有用過Canon EOS 1與及D30, 就算用到頂級USM鏡頭, 都只係快在馬達轉動的時間, AF系統決定焦距一樣需要時間處理, 使鏡頭左右徘徊, 其實大多數一體式相機的自動對焦都比SLR/DSLR快, 原因係機械結構簡單得多了, cp5700亦恰如其份做到這點。

橫豎打開字, 順手講講"multi AF point"的工作原理, cp5700有五個對焦區, 當選用自動選區對焦時, 相機其實是在不斷地工作, 分別向各個對焦區搜尋焦點, 在這個過程中已經牽涉了最少五次的對焦和記錄動作, 然後比較各區的焦點差, 若焦點差為零就好辦得多, 不過實務上往往並非如此, 自動選區通常會選焦點最近的對焦區, 有時還需向矩陣式測光提取參數作出取捨, 必要時還需從頭搜尋焦點五次, 若在低光度的環境下, 這個程序極有可能進入數次迴圈之後就顯示不能對焦, 多數"傻瓜式用家"(純粹講笑非貶意)就認為她對焦失效, 其實佢地係俾部相機玩緊佢, 只要稍動腦筋玩番佢轉頭就係了! 順便講講, Canon的眼球選區自動對焦就比較高明, 但亦經常發生失效的情況, 機器即係機器, 你要明白佢的個性才可以玩盡佢, 成為你的好伙伴。

再講講不選用多點對焦是不是很煩的問題, 其實多點對焦只是少了一個"半按快門鎖定焦點和測光值"然後才構圖的動作罷了, 有甚麼了不起? 高階的用家應該習慣這個動作, 多作自主, 你的大作才會日益進步。

[midikorg]

小弟用Cp5000多數用o既setting:

Spot AF
AF Area Mode: manual
Auto-Focus Mode: Single
NR: off
五點對焦,指邊度就影邊度,背景比主體光一D都冇問題...

[patkwok]

小弟都係會MANUAL左個AF AREA MODE，之後只係用中間個FOCUS POINT，用半按快門鎖定焦點同埋用AE-LOCK鎖測光值，之後慢慢構圖便OKAY了。因為一路都有用SLR機，已經習慣了。

但點解要OFF 左個FOCUS CONFIRMATION 呢？

OLDPEAR 兄可否講解一下。

[oldpear]

據了解FOCUS CONFIRMATION是AF系統再作出對焦準確與否的評估, 所以時間會稍長, 但這點我未能證實...

我已節錄了DPREVIEW測試各DC的對焦時間, 張貼於隔離俾小孩子們參考, 證明唔係我吹捧5700, 我亦可以俾信心5700的用家, 人地講佢對焦慢只係唔識用, 或者係未用過而道聽途說, 月產40000台斷市多過有存貨, 如果你覺得買左5700係傻仔, 大把人陪你傻。

^_^

[patkwok]

哈哈，我做左傻仔三個幾月潻。。。。

OLDPEAR，我都有用F-90的。

[bslam]

日本仲多傻仔呀！仲要係日本五百萬像第一位傻仔機.....

http://www.digitalcamera.jp/html/yodobashi/yodo-rank-mega.htm

不過我都係傻仔.......

p.s.終於可以打中文啦，我復活了。

[Jacky仔]

真的嗎? 我以前都用過3個月5700, 但是若說F90(okay, 我用低一級F80 ^_^)加支AFS24-85 F3.5-4.5對焦速度會慢過5700我就真係唔信了 (我也只是實話實說...)

[jackngai]

難怪那次我用SMM兄部5700 時, 覺得對焦沒有聽說的那麼慢(比我的s602, 只差很少), 那時我已經覺得非常驚訝...........唔... 可能他已經set 了單點對焦吧.....

oldpear的資料真的很有用....

[hauchong]

hm.....我就都係覺得slr 對快d, 再低級一d如 f60 + 28-80mm f3.5-5.6, 都感覺上快d , 不過oldpear 兄既然講得5700快過f90, 咁我估實際都差唔得好遠

另外auto focus area慢過off 好正常, 可以理解, 但問題係manual focus area 點解比off 差呢? (速度及成功合焦率), o係manual focus 自己亦經常係用中間個對焦點, 正計相機個microcontroller 淨係好似用off 咁處理中間對焦既距離運算, 唔需要好似auto focus area 咁來來回回比較數據. 但事實上manual focus area 係真係差過off...........而家自己無必要都唔會用manual focus area (唯一唔好係off 左之後, 在對焦位置 " [ ] " o係evf / lcd 上, 對細小既物件 及 人像對眼部對焦都有所不便.

而focus confirmation 就係o係對好焦後, 將對焦既物件線條加強對比. 從而比使用者確定對無正確與否, 其實用除不大, 因為唔係咁顯示得咁清楚. 都要幾細心先睇得出, 而且5700 對焦準確度極高, 只要顯示對焦成功就一定無失拖. (當然太細物件如一條繩o係凌空就有機會錯, 因為好可能唔o係對焦區內)

[SMM]

jackngai~ 你係台灣都上黎呀, 佩服~佩服~ 唔怪得魚魚話尋晚見到你on line!
我set 左五點對焦呀..... 不過我會試下oldpear既setting! ^_^

[oldpear]

講開傻仔, 其實乜乜marketing, merchandising, advertising, 都係將消費者當傻仔玩, 不過, 整個群體的消費傾向足以反映產品優劣。

我不止一次說過日本人的消費理性較強, 只會選購該廠商最擅長生產的貨物, 所以自cp5700面世以來, 市場反應已經瘋狂, 長期高佔銷量首席, 但價格卻是最昂貴的, 是一大班"傻仔"話俾我地知呢件係好野黎, 至於F7?7, 對唔住, 五甲不入! 至於其它較低階機種, 銷量排名亦反映了大多數顧客的喜好, s牌有兩個型號亦是no.1, 但已經不是質素的問題, 消費者購買的是"另類"。cp5700生產年餘, 月產量不少, 至今仍然經常斷市或需要訂購, 廿年來我從未見過此現像。

在香港稍為評論一下s牌的dc已經有這麼強烈的反應, 我一點也不覺得出奇, 但是換轉在大陸, 要是說s牌的dc不好, 極有可能捱揍! 我本身對品牌的名字是冷血的, 只要產品質素好, 點會唱衰呢?

^_^

[CMYK]

我自己用左5700好耐.不嬲都覺得佢o既對焦速度可似接受.
剛剛幫朋友買左部G3,仲玩緊.(佢都誌過5700架,不過一來貴好多.二來又冇貨,要訂)結果揀G3.
兩部機比較.對焦速度5700快D.
而成像質素G3都好好.由其是綠色的東西.
但講到好用就手就真係同5700冇得揮.各個控制安排都吾好.
我部機o既setting.
AF Area Mode: manual
Auto-Focus Mode: Single AF
Focus Confirmation: OFF