[jordan_pay]

壞機 / 問題機 / 退貨機 當新機賣!!!!! (仲要俾我聽到佢同倉講電話說 : LOCAL客黎架~~~)

事發經過:
本人10.8.2009到旺角波鞋街"雷舍"買部GX200，講好價錢後，佢就好鬼祟及細細聲電話聯絡倉話 : "一部GX200，LOCAL客黎架" 途中再有講D術語，但我已經聽唔清楚，咁等咗成20分鐘先拎部機過黎，途中我已經好唔耐煩點解要等咁耐，佢話要係個倉拎過黎。機一到試機，包裝一睇就知係之前開過，因為D膠袋貼紙係搣過。咁我就試機啦，大致冇問題就話OK，問佢係咪10天有壞包換，佢話OK!!!
返到屋企再認真試，發現放大D相後有條紋(不能接受那種)，放入電腦睇又係咁。其二舊電係full晒(好明顯俾人义滿)，咁當然換啦~~~

好戲到:
12.8.2009晚上7:00要求換機，係另一個SALES(叫B)幫我換，向我SALE機果個(叫A)就行埋一邊，講完問題，佢話OK可以換。但佢(B)打電話聯絡倉拎機時候，SALES(A)係咁O係佢後面細細聲講野。又等咗15分鐘，拎一部翻包裝好，有少少麈o係D窿入面o既"新"機，
個SALES(B)自己係度睇睇睇，跟住講:"呢部唔得，拎過部俾你"
我問佢:"有咩問題，呢部DISPLAY呀?"
SALES(B):"呢部我諗住博下架咋，你睇，唔得架，拎過部俾你"
我同佢講:"博咩呀?你唔係諗住博我睇唔出佢係退機或者DISPLAY機呀??"
SALES(B)之後解釋，我已經冇聽佢講野同唔想聽佢9 UP。

另一個SALES(叫C)走過黎同講，我地今晚總倉有機返，大約等到8~9點就OK，我話:"而家7:30，叫我等??????" (我最後只好接受，唯有周圍行) 最後9:45打黎話有機叫我落去，去到佢先慢慢拆貨，我已經好勞氣，佢先慢慢走過黎同我試機。
SALES(B)同我講:"拿，呢部新機黎架，仲係最新VERSION 1.25架" (好似好威咁講)
我問佢:"之前果部唔係新咩?"
SALES(B):"都係......(跟住冇講野喇)"
試完後就叫佢貼個新保護貼，佢居然搣返舊果個貼黏落去，我話唔得，佢好唔順先拎過一張新再黏過，新果張黏到披晒口，佢仲話OK架啦，我同佢講:"你話呢???" 佢仲駁嘴:"好過你之前貼果張" 攪咗一大輪後，我話俾張新我自己貼啦，佢先死死氣俾。

之後就包裝拎機走，最過份~~~
SALES(B)同我講:舊電，D USB同埋义電要換返舊果D俾你喎。你睇~~舊電花咗"
我已經再忍唔住小佢:"舊電我又冇义冇換，你俾我就係呢舊。USB同义電我開都未開過，要換就全部換啦，點解要換返舊俾我"
跟住佢已經冇出聲，當時亦有其他客人在，然後再同佢講:"我知你部舊機係退貨，我都未出聲，你仲呢樣個樣，我好時你好姐，你咁樣做生意，我咪係你D客面前講大聲D"
最後我就拎住部新機離開。

但部舊機就唔知下次落O係邊個 C HING 手上啦。

[Nailimixam]

APPLE la

[老叟]

我始終都唔睇好亂射,最穩陣都係三成咯!!!包無撞板!!!

[kodakman369]

一定唔會係我,因為我冇錢買機,haha,不過我第一部機係呢間野買,個sales比我個價錢就比其它店好,機又冇事.講開黑店,有一間都係,不過都執左,但係我覺得sales本人的行為都好有關.個間店係太冧,我聽見佢執,都唔知幾高興.
我第一部10倍機係kodak z7590,買前諗過好多部,個時係官塘返工,食飯時去太冧度睇機,個sales好好人,又比機我試,後來我買柯達,佢冇得賣,算,過了二個月,我聽一個賣相機的相熟人話nikon L1停出,咁我又好鍾意佢,咪再買多部,諗起太冧個sales咁好人,成日比我試機,仲叫我得閒去試咁講,我咪決定幫佢買,仲約定佢返工個時先去搵佢,我朋友想卡分期,我比現金佢套現,由利木樹專登出官塘,我地跟住去旺角,都唔去旺角買,專登幫佢買,點知買左部機回家先發覺係陳列品,佢先將部機入返哂盒,又冇話明係陳列品,我回家後發現機內有相不是我影的,相號碼去到八十幾,新機試影點會有咁多張.
都冇計,點知我睇睇下,發覺部機鏡頭內有一點花紋,要某個角度同反光先睇,拿返去換,佢話冇貨,仲話我部機的dv出口的灰色膠蓋奄有少少花,係啤死換唔到,唔換得機比我,咁我打電話去nikon,話可以幫我免費換返個鏡頭,去到nikon放低,回家後又唔順氣,新機都要拆機整,咪再打去搵經理問,佢地過二個鐘後答覆話可以換過部新比我,但要補返二十幾元比佢,因為個灰色膠蓋奄仔有少少花,當係我買返一個換上去,因為換機係要外表冇損偒先有得換,咁我當然肯啦,拿,呢度就係公司的信譽問題,我同nikon講鏡頭內有花係出廠問題,佢應要負責,因為我冇拆過部機,點會裡面花,太冧就賣得就賣,員工也有問題,成日想搵人笨.

[oly750]

制度問題, 如果唔係老細追交數, 唔係抽佣, 唔係做唔到32要執包袱
點會連自己個招牌都搞衰

[kodakman369]

其實我講個間一早都唔會幫佢買野,d野貴過人,又信唔過,不過見條友做咁多野,先專登去幫親佢,唔係駛鬼去佢度,所以而家我記住一樣野,.................................
對sales仁慈,就係對自己忍殘,佢地係唔低可憐ge,根本無道義好講,總之,幫親邊個有著數就幫邊個,唔好理佢做過幾多野

[crest38]

我一定唔幫趁"雷舍"買嘢，我覺得嗰度 d sales 10個有8個都賊眉賊眼..!!!

[~metal~]

角尾都係黑店
我有支鏡o係角尾買都出過事
後來多得 Nikon CS 幫手擺平

[kodakman369]

我部機都係nikon代理換機,佢地對品牌口碑都幾重視,唔知如果係c牌,會唔會咁做呢.我個次去nikon前,打過去消委會問過,回覆係,佢可以免費幫你維修換野,或換過一部全新比你,但冇明文規定佢要點做,要睇返佢對自己的品牌形象有幾重視

[~metal~]

我個 case 係
我o係角尾買o個支 Nikon 50.8
我問佢價佢話 $680
當時係全區最平
咁我買左
買左 g 後
發現將單打左 canon 50.8
咁我返去要求換單
個死 sell 屎話報錯價
話要補差價先肯改返張單
我梗係唔肯
o係店嘈冇 so
我第二日打去 Nikon CS 講返件事
Nikon 幫我叫角尾改返單

呢件事當年我有 post 去 dchome
結果比 dchome 斑仆街圍
我亦睇清楚 dchome 班仆街真面目
我唔妥 dchome 亦係呢個原因

[d2c]

會員戶口已被刪除，資料已被標示為不顯示

[kodakman369]

d網有時好仆街,版主同d人熟左,成班割巨哂,一唔岩聽就圍你,唔駛同你講理

[Nailimixam]

＞＞＞呃 既 話 , 我 估 姦 姦 都 會 有 D
呢 個 係 華 人 / 講 人 既 性 格


唔好講到西人咁偉大。。。
睇下New York Times 　<Perfectly Legal: The Covert Campaign to Rig Our Tax System to Benefit the Super Rich - and Cheat Everybody Else>

"laser"果Ｄ太低庄。。。

幫你裝修間屋到跌價，然後等你ＬＡＷＳＵＩＴ／資不抵債，然後因為間屋仲ＵＮＤＥＲ　ＭＯＲＴＡＧＡＧＥ比銀行拍賣，裝修公司用市價１／１０買番
過程全部ＰＬＡＹ　ＷＩＴＨＩＮ　ＴＨＥ　ＬＡＷ

[kingkonghk]

架架都要全新, D退貨點算, 點都要有人奶野, 睇你好5好彩..

所以一出即買係最安全, 舊極都係第1水

[Nailimixam]

>>>所以一出即買係最安全, 舊極都係第1水

but the chance of firmware problem, production foul and the lack of buyers comment balance it back..