[element_2]

http://element_2_1.mysinablog.com/index.php?op=ViewArticle&articleId=2179338

另一批殺鯨鯊新相...

http://www.facebook.com/?ref=home#!/album.php?aid=145551&id=713587967&ref=mf

真係無陰公....！！

[pongyee]

真係好好味喎。

冇得食太可惜，不如加 200% 稅。

[~metal~]

成功爭取民建聯禮義廉翅



今年百物騰貴，食餐大魚大肉團年飯真係好和味，好彩香港勝在有民建聯，街坊團年飯、開年飯食得唔夠豪，可以參加民建聯北區支部隆重推出嘅虎年新春行大運「魚翅撈飯一天遊」！仲要係平民價每位只收 128蚊，童叟無欺，寫到明有魚翅撈飯兩大盆！

素來請食蛇宴出名嘅民建聯，虎年再升一呢，請食魚翅，保皇黨確係今時唔同往日，多到數唔晒嘅「民建聯成功爭取乜乜物物」政績榜，虎年再添一宗。禮義廉黨無恥有翅，可惜少數不明真相嘅民眾卻唔領情，仲聲言要向 WWF（世界自然基金會）告狀，投訴民建聯唔保育，「民建聯成功爭取多 N條鯊魚被殺！」有網民比較關心消費者權益，質疑隨時貨不對辦，「 128蚊？分分鐘係假魚翅。」

八方以街坊身份向民建聯粉嶺辦事處嘅聯絡人吳耀祖查詢，佢強調魚翅係堅嘢，會喺北角一間酒樓度食，保證足料，包食到夠。 WWF對政黨搞魚翅宴好有保留，海洋環境保護主任杜偉倫話：「全球每年有 7,300萬條鯊魚被捕殺，家已經有過百種鯊魚受到滅絕嘅威脅，其中最主要原因就係人類食魚翅。」

魚翅撈飯樹壞榜樣民記「魚翅撈飯」團引起網民爭論，有留言指無論係真翅定假翅都好不該，「最大問題唔係真假，而係魚翅撈飯呢個意識問題，已經帶來不良風氣和壞榜樣。當然如果係真就真係要聲討，話晒佢係香港第一大政黨；就算係假，都唔應該鼓吹。」民建聯幾年前曾詢問政府會否限制魚翅入口，不過該黨無主張禁食魚翅。

八方冇乜機會食翅咁奢侈，一年到晚做唔停手，新春唞唞，大年初二、三、四，同單仁一齊休息三日，全力出擊利是，初五啟市再同大家拜年。

[element_2]

＞冇得食太可惜，不如加 200% 稅。

唔係呱？！食翅利益歸於正苦？

[kingkonghk]

e+好多如廁都係養出來

[亞典波羅]

魚翅? 我食慣街邊的粉絲翅, 十蚊碗, 好好食.

[pongyee]

>> 唔係呱？！食翅利益歸於正苦？

你正面D 睇，咁會少左人食翅。

不過中國太多人，睇黎加 1000% 稅都冇乜作用。

連呼籲不要吃都冇作用(例如一億吃翅的人，有9千5百萬响應，仲有5 百萬人會食)。

[element_2]

＞連呼籲不要吃都冇作用(例如一億吃翅的人，有9千5百萬响應，仲有5 百萬人會食)。

就算得番5個人食真翅，都要虎口婆心叫佢唔好食囉....

[element_2]

>e+好多如廁都係養出來

因為鯊魚都就黎絕種丫嘛....，唔養邊有得討吃去餵飽班大豪客...

[jazyee]

大 6 如 廁 only $1

[怪俠]

唔！真好味，又黐牙。

[Lam Martin]

因為鯊魚都就黎絕種丫嘛....，唔養邊有得討吃去餵飽班大豪客...
__________________________________________________
唔知你有冇睇近排tvb果個節目乜鬼野為食總司令, 有介紹過魚翅, 其實唔係種種鯊魚都可以做魚翅, 亦唔係種種鯊魚係瀕危絕種動物, 其中一種係用黎做天狗翅0既姥鯊, 但香港已經唔俾入口呢類魚翅.

而且有部份鯊魚係來自人工飼養, 不過一定唔會係d乜野靚翅, 但我地平常飲宴果d會採用(除非你好有錢, 指到明要d靚d 0既翅). 有d平價餐單仲會寫明用人造翅(好似用綠豆果類做成, 實際唔清楚)

個人反對食天九翅呢類用瀕危絕種動物製造0既食物or用品. 但唔反對人地食魚翅, 尤其係適當0既捕獵or人工飼養. 其實人造翅個感覺都唔差, 可以代用.

但我就唔同意d人講話捉到條鯊魚只係割翅唔要魚身, 非法捕獵我就唔清楚及唔評論, 但合法入口商係唔會, 因為鯊魚有好多地方有用. 魚肝, 肉, 皮, 骨都可食用. 所以我唔相信有人捉到條魚就放棄左其他有用0既野唔攞去加工.

[casino111]

鯊魚成條都係寶,只割鰭而唔要其他部份咁奇?

[pongyee]

一條船出海，你認為會裝一船魚翅返黎，定係裝一船鯊魚返黎？

你相信會有咁笨嘅漁民？

[casino111]

一條船出海，你認為會裝一船魚翅返黎，定係裝一船鯊魚返黎？
================================================
原來仲有咁多鯊魚比人捉,咁唔怕食囉