[pigpig2000]

果條校長真係dog up當秘笈，
我相信D學生或家長有能力判斷係咪凍囉，
如果冇野嘅話個老外導師都唔使咩注個學生，
而飛行服務隊都唔使飛嚟載佢地去醫院囉。
比呢D人做校長，有冇九兩菜。 <_<

http://the-sun.on.cc/cnt/news/20101217/00405_001.html
西貢山頭露營，學生凍到叫救命！九名參加外展活動的男生，本周日起一連七日在西貢山頭接受訓練，惟校方疑無視寒流警告，並無腰斬活動，前晚營地氣溫急降接近零度，學生慘遭寒風冷雨整晚吹襲，全身濕透凍僵，更出現抽筋等低溫症徵狀，昨晨學生報警求救，由直升機將九人救起送院，三人需留院。校方指出發前已留意天氣狀況，並已檢查學生有足夠衣服裝備。

[ 另外，香港外展訓練學校安全經理富梅爾表示，香港天氣較炎熱，故市民不習慣寒冷天氣，而昨晨的氣溫約攝氏五至十度，肯定不會危害生命。他又說，是次學生是行為有問題，有幾位學生早在幾天前已想離隊。 ]

[pigpig2000]

sorry，係安全經理
(經常不理) 呸 <_<

[亞典波羅]

>> 香港外展訓練學校安全經理富梅爾表示，香港天氣較炎熱，故市民不習慣寒冷天氣

佢講得冇錯喎, 而且小朋友的體質其實係比成人弱好多, 諗唔起呢點仲要安排小朋友去露營就真係白痴兼低能啦.

[kingkonghk]

Dry行就正, 路形米9

[lmichael]

我既睇法同大家唔同. 可能我自細通山走.

其實外展就係要克服呢O的困難, 5-10度, 真係凍唔死, 其實係野外,衣著唔夠, 真係好多方法保暖, 例如.

1. 生火.
2. 用垃圾膠袋, 再在垃坡膠袋和身之間加報紙, 保暧效果奇佳.
3. 另外要避開當風地方,

其實呢三點, 都已經可以抵擋得到5-10度既天氣. 當年我地學露營, 首先就係學如果遇不同既困難, 我地要點解決, 當年無手機, 好多時都要靠自己, 例如, 落大雨, 氣溫急降, 無O野食, 有隊員受傷.....等等. 可以點做. 點樣用有限既資源, 而解決到問題, 其實我覺得對我現在做事既態度, 影響都幾受當時影響.

現在下下行山, 一有事, 就打電話叫直升機, 老實講, 講返呢單O野, 如果係我個年代, 我一定死都捱埋佢, 仲差一日, 咁樣就報警, 真係淤都淤爆.

[kingkonghk]

上次見到有班19幾20出頭人, 冬天下5 23點先由赤征, 聲稱上蛇尖, 2手fing fing 水都冇g, 朕真係joke左佢好運

就因為呢d, 成日都有人call飛gay

[impala]

這是受過求生訓練與未受過訓練有關，我當年都試過7度露營，正路是不會有問題。但那些小朋友看來未受過足夠訓練，加上下雨，才令出現這種狀況。

[lmichael]

這是受過求生訓練與未受過訓練有關，我當年都試過7度露營，正路是不會有問題。但那些小朋友看來未受過足夠訓練，加上下雨，才令出現這種狀況。
===================================================
我想為外展講幾句說話,雖然我同佢完全無關. 得我老婆上過.

其實佢個課程, 係TRAINING SKILL既一部份, 呢O的課程, 其中一個核心, 就係承擔責任, 外展課程, 點會未出發前無教過呢O的O野? 我上O個O的都係社區中心搞既山藝課程, 外展課程既山野部份, 一定比我地呢O的社區中心強得多.

係外展, 好大部份就係學, 但係其實在不少歷奇活動(都未係外展訓練), 見到O的小朋友, 上堂又唔聽,掛住係度玩, 去到真係要用既時候, 又唔識解決困難, 下下都係度發(皮4).

外展既原則, 就是你自己要解決問題, 唔會係導師, 導師只你輔助你. 我老婆同我講, 佢試過中學外展, 其中一環攀石, 佢真係唔夠力, 咁個導師由得佢吊了係度成個鐘, 個導師係度, 無拉佢上去, 直到佢再努力去攀, 咁O的導師就連推帶拱, 推佢上去.

之後既總論係, 如果你自己唔盡全力, 係唔會有人幫你.到現在佢都記得.

[亞典波羅]

但係佢地始終都係小朋友, 唔係個個體質都頂得住丫嘛, 量力而為.

[老叟]

我係外國,見好多小學生都係短衫短衭,不過"華人子弟就著好多衫囉

[pigpig2000]

大人都會頂唔順，何況小朋友
加吓外展唔係操兵，唔使拎D小朋友條命嚟教飛掛

http://the-sun.on.cc/cnt/news/20101218/00405_001.html
無情寒風襲港大開殺戒！不論貧富同樣感受到昨晨刺骨冷風的威力，六名男女市民難抵嚴寒猝死，包括住在尖沙咀豪宅的老婦，另有兩名凍死街頭的露宿者，公立醫院收到七宗因低溫症送院個案，其中一人情況危殆。而昨日天文台尖沙咀總部錄得五點八度低溫，打破十一年來十二月份最低溫紀錄，凌晨大帽山更跌至零下三度，有關部門已採取全城禦寒工作，夜派寒衣棉被抗寒。

[element_2]

外展d 亞蛇係咁架，959 出事...

不過我都覺得呢個溫度，如果亞蛇準備充足有經驗，真係無問題的。始終嶂上果邊係林多，不是太空曠，又有民居，所以應該實有計架喎！

天寒地凍，我試過露營打鞭爐，夜媽媽煲紅豆沙，正到呢...

再唔係，簡簡單單整杯熱朱古力都搞得掂喇，係而家d 亞蛇要扮勁，但又蠢，師資可能同以前差好遠都唔奇囉！

有段時間我幾乎個個月去露營咁滯....，整蟹煲，韓式燒烤、燒原隻雞、掘蜆炒蜆，露營平平地好多野玩...

[亞典波羅]

二元兄玩果D真係好正, 07 年去昂平時, 五級風, 凍到死, 又係打鞭鞭, 超爽.

爆少少野俾你知, 同一年某 dchome 版主去果邊露營 (當然我識佢啦), 去左大金鐘山頂紮, 當時D風超大, 吹到連佢地個營都到左搖右擺, 同行果幾位版友最後凍到連日出都放棄唔影.

我同另一班朋友就施施然咁享受, 見到佢地咁款, 唔知笑佢好定同情好.

有料同冇料係有分別架.

[element_2]

>又 乾 淨 又 快 手

大哥，煲紅豆沙咁浪費能源嘅野，一定係柴火或燒嘆喇....，晌外出煲架嘛...

同埋呢，下下趙乾糧唔好玩架，去得多就明....，永遠係煮飯仔最好玩，天冷一定係煲下臘味飯咁...

[lmichael]

外展d 亞蛇係咁架，959 出事...

================================================
呢點我唔係好同意, 香港外展訓練, 唔係社區中心O個O的, 佢地幾十年來, 我真係未聽過出事. 其實當時有兩個導師係度, 如果有危險, 佢一定終止呢個訓練. 我覺得班細佬會辛苦, 但唔會危險. 外展既原意就係咁, 如果唔想捱苦, 我覺得你唔好參加. 辛苦唔代表佢有危險.

如果又唔想O的細佬辛苦, 又唔想佢地整損手腳, 又唔想佢地冷傷風, 又唔想佢地學想點樣克服困難......, 其實好多人都係咁.

港孩都是如此練成的.