[NaHO]

正常買行貨機， 原廠保養證 要有 經銷商 蓋印、機身 SN、日期、售貨員簽名....，先至有效。
但我又醒起，何謂 有效經銷商？
我上 品牌 (SNOY、 Canon ...)網睇，又查唔到有列明 有效經銷商。
咁即係 兇宅、老伯會 都唔知係唔係有效，更何況而家 美國 同 蘇聯 興起，仲有網上自稱認可經銷商。
究竟有冇得查？
好擔心究竟 原廠保養 是否有效。
你地又有冇經驗？

仲有，見某D所謂行貨機，包裝盒 SN ：......0XXX，機身 SN ：......0001 ，咁樣是否即係假野？

[kingkonghk]

斷估冇人會做到同真野1樣spec. O既假野出來, 放心

[impala]

sony及canon相機是國際保養，無分行貨及水貨，只用證明購買日期就可以。

[impala]

包裝與機身編號不同就當然有問題。這通常是與零部件出廠有關，包裝是正常產品編號；機身是零部件出口，該機身很大機會無原廠保養。

[NaHO]

>> sony及canon相機是國際保養，無分行貨及水貨，只用證明購買日期就可以。
唔係好信。
咁樣，點樣去證明，先至為之有效O既證明？
坊間有咁多個經銷商，唔通佢地就咁寫，就可以證明？
如果係咁，我自己註冊一間公司，我自己買部水貨機，跟住用到壞先至寫張保用證 ，自己蓋印，咁都得啦。

[王迦南]

>> sony及canon相機是國際保養，無分行貨及水貨，只用證明購買日期就可以。
>>>>唔係好信。


索尼同理佳能在香港係冇代理嘅，佢地係自己埋番，成本已在全球平均計算過才定當地價格。

因此，你在那裏購買也沒有問題！

[王迦南]

其實尼康現在都係自己買番，以前就係由石利洛代理。

[NaHO]

>> 包裝與機身編號不同就當然有問題。這通常是與零部件出廠有關，包裝是正常產品編號；機身是零部件出口，該機身很大機會無原廠保養。

問題就係呢D咁O既機，我去 深水埗 / 西菜洋街 小店 (部分小店可於 格格網見) 睇人地買D所謂行貨，都見過唔少包裝盒 SN ：......0XXX 。

[NaHO]

唔怪之得 尼康 咁鬼貴。
不過 佳能 又唔覺得特別貴，佢比 SONY 更係物有所值。

[王迦南]

影響產品價格係有好多因素，市場取向是其一。香港人甚為幸福，各地貨品都有，可按個人喜好自由選購。其他地方不一定如此自由，也不一定有齊各國產品。

『包裝盒 SN ：......0XXX，機身 SN ：......0001』與水貨、行貨無關，而是假貨而已！

[kingkonghk]

邊個咁勁識整假貨同真野一樣?

定係講緊老屎貨, found son 貨呀?

[王迦南]

假野唔一定要自己整嘅，翻新野、偷龍轉鳳野都係弄虛作假，都係屬於假野。

[pongyee]

>> sony及canon相機是國際保養，無分行貨及水貨


個FD幾年前買一部CANON DC帶返去澳洲，行貨，保用一年，去尖沙咀換國際保用證，保用減為半年。

重有，行貨維修九折，水貨收足。

[pongyee]

>> 其實尼康現在都係自己買番，以前就係由石利洛代理。


其實佳能現在都係自己買番，以前就係由怡和代理。

[NaHO]

買 尼康 或 佳能 行貨機，除左我樓主講O既，仲有注意 機身+機盒 SN，
此外，可否講下仲有乜野要注意？機盒外及內物仲要包含D乜，先至有有效原廠保用？