[sleeperdog]

估唔到之前有位無品師兄廢墟事件, 而現在比我搵到個無良心之賣家

本人由上年開始玩m43相機由kit 鏡開始學玩cctv手動鏡,
後來聽師兄講話影d相如何有菲林感,於是自己開始學玩下手動菲林機,
上網搵到一部好多師兄話好既fm2手動相機, 諗住買支手動鏡學習一下,
由於唔係咁熟悉手動鏡既關係, 所以上網搵左一位dcfever資深賣家買鏡,我見呢位師兄賣好多舊機同舊鏡,評價也不錯, 又見佢放賣我心中想要的鏡頭NIKKOR Nikon 35mm f2.0 AI , 於是相約佢買鏡,
但最後因為支鏡有d問題,光圈環不順, 佢話拎比師父睇睇,費是賣支有問
題既鏡比人, 我就話ok無問題你整理好先賣比我啦我又唔心急, 於是我等左一星期後再次pm佢, 佢好nice咁話"師父話好多單, 有排攪要成個月呀, 我拎返再pm你呀" 我一再相信這位dcfever既資深玩家, 最後於今個星期一相約交收,在交收期間他不斷話支鏡check過無問題, 叫我check下f5.6 - f22一段既光圈環,又不斷同我吹水話自己做好多交易好多師兄搵佢幫手, 個個都讚好, 由於我趕時間就草草check完就算,

之後比了錢, 在乘車時(大約5min到)我再次check下支鏡頭, 就發現呢支係35mm f2.8唔係35mm f2.0, 我立即打電話比呢個賣家, 佢講左句sorry,話同之前師兄買賣掉轉左, 佢就話幫我問下可唔可以換得番,咁我就話我比番你先啦,你換到先賣比我,佢之後又話倍$100比我,又話支鏡整左幾百元蝕左好多, 我就話根本唔係呢個問題, 問題係呢支唔係我想要既鏡,我唔要,最多我親自拎返比佢,最後傾傾下佢收左我線,話明天再覆我,到第二日我打左多次電話又pm左佢都無回覆, 最後我都覺得自己都唔岩, 唔check清楚,咁唔小心,太易信人, 我都pm佢,話鏡我照要但可唔可以倍多少少我當買個教訓, 但佢都無回覆......最後我等而家重未有回覆又pm唔到佢..>_<

點解d人係咁, 為左呃人幾百元, 咁都出賣自己良心, 多番比機會你都唔珍惜, 我唔用133 or 用其他電話打比你,係諗住你係一位熱愛相機既資深玩家有百幾分好評, 估唔到你會呃d唔係咁識又想玩相機既朋友呢, 我唔怕麻煩, 我已通知dcfever, 過兩日諗住交比警方處理, 而家準備緊d証供,睇下有無幫助, 我唔係為左個百幾二百蚊,因為我唔想再有呢d事件發生.....呢位賣家係dcfever叫 "沙塵" 請各師兄弟小心

多謝各位, 希望各位轉載出去唔好比佢再出去呃人

[Nailimixam]

有冇人出summary 過我睇?