[kk666]

.......................屈良心飯店贊助 浸大生道歉

經常向低下階層雪中送炭派發免費熱飯的深水埗良心食肆老闆陳灼明，其一片善心疑被大學生濫用。浸會大學五個學生組織先後不約而同向人稱「明哥」的陳灼明「揼心口」，要求贊助畢業禮等活動的免費食物，事件昨在網上流出即引起各界嘩然，短短半日間激起排山倒海的留言討論，批評涉事學生「讀屎片」，利用明哥善心「攞着數」，分薄明哥協助弱勢社群的資源。

涉事浸大生被狂插後急急補鑊，昨午拉隊專程到食肆向明哥道歉，終止接受贊助並籌集款項給明哥行善。

於深水埗經營燒臘飯店、主要做街坊生意的陳灼明，數年前開始為低下階層及露宿者等派發廉價飯盒，但萬料不到大學生也上門求助。

浸會大學五個學生組織，包括浸大學生會周樹人堂宿生會幹事會、中國研究課程學會、政治及國際關係學學會、浸會大學數碼坊及浸大學生會經濟學系系會，於本月十三日至下月廿三日間分別舉行活動，各組織近月竟不約而同找明哥贊助食品。

..............................屢濟助基層 善舉揚名區內

事件前晚由網民Benson揭發，事緣Benson的友人早前與明哥閒談得悉此事，Benson遂將事件放上社交網站facebook，並批評這班學生「冇良心」，「你哋唔去五星級大酒店拍門贊助，竟要找一個連衫穿咗都要補！找一間周濟窮人、老人家和無家者的良心小店，去贊助你哋讀大學的學生開Party！」質問他們「係咪讀書讀壞咗個腦？仲要唔係一個，而係一大班！知唔知醜字點寫？」事件隨即引起大批網民關注並轉貼，排山倒海的留言狂轟涉事浸大生是「垃圾」、「無錢就唔好開Party」，竟同弱勢社群「爭食」，行為破壞浸大聲譽。

當事人明哥昨透露，上月有學生上門向他明言因正籌辦畢業典禮，故尋求贊助，學生並有計劃書表明會協助店舖宣傳。但明哥直言，「我冇畀嘢佢哋幫我派」，他一心只想着「班學生仔讀咗十幾年書，開開心心畢業開Party，自己樂意贊助」。

他指，每個學會只是贊助約卅或五十份茶餐，總開支約數百至一千元，直言沒有因此而影響他幫助其他有需要人士。

.......................學生籌$1600 購飯票表悔意

在強大的社會壓力下，浸大學生會昨率領涉事學生組織的代表，一行十多人到明哥店舖向明哥道歉，並即時取消了三個尚未舉行的活動之食物贊助，該五個組織的幹事更自行籌集了一千六百元，向明哥購買七十五張飯票，以派發予有需要人士，讓他們可以五元購買三餸一湯的飯餐。部分學生亦隨即跟隨與明哥合作的組織，向附近的長者派發飯盒，以示悔過。

浸大校長陳新滋亦關注事件，他讚揚明哥是好人，指當初學生沒想到明哥本身是小本經營，還要支持其他有需要人士，是十分辛苦。他認為事件發展至此，亦看到正面訊息，學生知錯能改對社會有承擔，能從錯誤中吸取教訓是好事。有網民事後亦指，涉事學生知錯能改，社會應原諒他們。

.

[kk666]

..............................明哥大量 幫學生開脫

【記者張恬怡報道】「我都冇怪佢哋，公眾唔好再責怪落去，亦都唔好再窮追猛打……」即使被大學生「揼心口」，明哥昨仍處處維護這班大學生，為他們說盡好話，盡顯容人之量。明哥坦言，贊助學生對他無大壓力，「又唔影響我幫助其他有需要嘅人，希望佢哋到有能力時可以關心下低下階層，為社會服務就可以喇」。他衷心希望今次事件可「大事化小，將負面變正面」，更不忘提議學生參加他助人之舉，正正是他店內牌匾所寫「俠義心腸、大愛無限」的最佳寫照。

今次事件引發社會極大回響，涉事浸大生更被網民狂插，明哥直言是始料不及，但他多次強調只屬小事一宗，自己從沒怪責學生，他昨日更盡顯維護之情。記者多番問他是哪個學系學生要他贊助，他刻意吩咐「唔使寫邊個學系啦」，眼見學生在旁被記者追問，他又即時擋駕，「佢哋唔係夾埋嚟搵我贊助。佢哋冇社會經驗，只單純去諗搞好個畢業禮，開開心心離開學校之嘛！冇政治目的」，希望大家「多啲原諒，唔好帶咁多仇恨」。

洪金寶出錢助行善
過去亦曾有其他大專院校尋求贊助，但明哥昨語重心長指，「言者無罪，聞者足戒」，日後自己亦會向尋求贊助的學生解釋資源需用來協助更有需要的人，但如對方經濟有問題，亦必定會幫。

衣着樸素的明哥一直堅持以最低廉價格為街坊提供飯餐，現時一個燒味雙拼仍只售廿餘元，他多年來每逢周六派發八十個飯盒給有需要人士，大時大節派發的飯盒更達數百個，他又親身拿去給露宿者。明哥憶述，當初是最低工資立法令他踏上助人之路，立法後店內女工時薪由廿四元加至廿八元，每月支出多二萬餘元，曾想過放棄，幸獲社會人士支持令他撐下去，故他亦回饋社會，開始支援低下階層，其善行一傳十、十傳百，曾上門拍攝特輯的藝人戚美珍和洪金寶亦知曉，洪金寶之後更出錢給他行善。

.

[十二少]

⋯⋯哈哈⋯⋯打飛機碌碌碌正牌假道學支那狗⋯⋯哈哈⋯⋯
⋯⋯哈哈⋯⋯一隻老而不舉嘅支那狗⋯⋯哈哈⋯⋯
⋯⋯哈哈⋯⋯扮正義?⋯⋯哈哈⋯⋯
⋯⋯哈哈⋯⋯狗唔搭八⋯⋯哈哈⋯⋯

[pigpig2000]

g道錯喜事黎 ^_^

[kk666]

......................窮人飯碗不能搶 無知學生要成長

如果你舉行婚禮，準備觥籌交錯大宴親朋，你會唔會向扶貧委員會尋求贊助呢？又假設，你計劃開生日會，招朋引伴慶祝閣下唔知幾多歲大壽，你會唔會向關愛基金申請撥款呢？正常而言梗係唔會啦，即使最唔爭氣嘅宅男宅女頂多攤大手板問老竇老母攞錢，因為扶貧委員會同關愛基金嘅主要作用係支援窮等人家，有手有腳牛龜咁大隻嘅你冇可能走去分薄N無人士嘅資源，乞兒兜揦飯食好缺德啫。

所以咯喎，香港發生咗一單「大學生與貧爭食」嘅事件，真係令人感到悲哀o架。

成件事係咁嘅，深水埗有一間以良心見稱嘅燒臘飯店，老闆係俠義心腸又愛心爆棚嘅明哥陳灼明，經營方式係廉價食品益街坊，時不時仲會向草根階層同露宿者免費派飯。

勢估唔到嘅係，浸會大學有五個學生組織竟然打明哥主意，為畢業禮等等活動尋求贊助，即係抌心口要明哥呢一個絕世好男人提供免費飯餐，畀學生哥開開心心飲飲食食。

喂，人哋開嘅係良心飯店，幫嘅係弱勢社群，堂堂大學生居然一個二個走去尋求贊助，好冇品啫。事件由網民揭發，然後網上瘋傳，卒之搞到全城沸騰，得理不饒人嘅萬千網民唔係譴責就係怒插。學生哥原本仍然死撐o架，砌詞狡辯話自己冇錯，不過輿論壓力實在太大嘞，浸大學生組織一日之內六度發出新聞稿解畫，最終更加有學生拉大隊親自上門向明哥道歉賠罪。據講學生尋求贊助嘅時候唔知道良心飯店嘅背景，以後唔會再犯同一錯誤喎。

唉，果然係年少無知，好彩明哥寬宏大量，就算有被搵笨之嫌仍然處處維護呢一班大學生，佢話呀：「我都冇怪佢哋，公眾唔好再責怪落去，亦都唔好再窮追猛打。」

計功夫茶話齋，既然無知學生願意道歉，知錯能改，善莫大焉，港人同胞不妨響應明哥嘅呼籲，鬧完插完就算鬼數，真係唔好再打落水狗，畀機會呢一班學生哥痛改前非，好好領悟今次經一事、長一智嘅成長過程。不如咁啦，若然相關學生有誠意悔過，不妨以實際行動協助明哥做義工，向一貧如洗嘅街坊街里派飯。

各位同學仔，記住呢個慘烈教訓呀，窮人飯碗係不能夠搶o架，一搶就會惹來千夫所指。係，事前唔知明哥嘅俠義事迹，勉強可以話係不知者不罪，之但係唔知咪要問囉，問個清楚明白先至係求學不是求分數嘅學問之道吖嘛。

點都好啦，大學之道在明明德，明德即係光明正大嘅仁義道德，讀大學唔應該讀壞腦，各位同學共勉之，千祈唔好做一隻貪威識食嘅共勉豬！

.轉載（功夫茶）

[亞典波羅]

校長教路吧.

[pigpig2000]

校長去教路都係喜事黎 ^_^