[kk666]

.
.....政情：公民講場：老鼠拉「登」議員抽水鬥騎呢

「走佬特工」斯諾登揚言陸續爆料，立法會議員都磨拳擦掌想做嘢，或者乘機抽吓水，但係搞咗幾日，都好似老鼠拉龜唔知點埋手，所以乜嘢古靈精怪嘅做法都做得出。

例如范國威等人就話寫信畀美國總統奧巴馬，涂謹申等就話請佢嚟立法會爆料，話最多畀佢閉門發言保護佢，馬逢國就話要提動議。

其實呢單嘢高度敏感，港府若果處理得唔好，隨時一身蟻，所以發言都好謹慎，班議員喺度團團轉搵事搞，其實都好難搞到乜嘢出樣囉。

..