[kk666]

.
.......................貪婪成性霸車位 過氣政客真無恥

「政客靠得住，豬乸會上樹」，呢個道理係人都知，咁如果係過氣政客又點呢？答案係更加靠唔住。

原因好簡單，一個曾經做過政客嘅人，必定練到面皮成尺厚，所以只會更加蠱惑、更加貪心、更加無恥。呢，前立法會議員鄭家富就係人辦嘞。

呢位綽號「冚家富」嘅過氣政客，雖然去年年中卸任之後已經唔係立法會議員，但仍長期霸佔立法會兩個車位，到依家仲唔肯放手。最好笑嘅係，佢尋日現身泊車時畀本報記者當場踢爆「超泊」，居然辯稱自己係新民主同盟立法會議員范國威嘅義務法律顧問，又稱「一個議員有六張泊車證」喎。

嗱，姑勿論一個議員有幾多張泊車證，大家只知道立法會停車場有一百二十個車位，主要係為七十名議員及合資格人士行使公務時使用，而且一次只能夠泊一部車，鄭家富早就唔係議員，生人霸死地已經離譜，仲要一人長期霸兩個位，簡直無恥兼無賴。中環金鐘一帶車位矜貴，一個車位閒閒地幾千元月租，鄭家富一人霸兩個位，每月慳番唔少錢，擺明搵納稅人笨，條數點計先？再講喇，曾獲鄭家富力撐參加去年立法會選舉嘅范國威，依家協助鄭家富取得兩張泊車證，咁又算唔算延後利益先？

正所謂，若要人不知，除非己莫為。鄭家富為免超泊事件曝光，竟然使用蠱惑招數，第一招係兩部私家車同時停泊霸住車位，第二招係兩部車更替使用，駕駛其中一部進入立法會停車場，之後轉上另一部離開。佢以為咁就可以瞞天過海，點知最後仍被逮個正着。

講起呢位過氣政客，真係醜聞多籮籮。佢先後擔任立法會交通事務委員會副主席及主席，本身又係執業律師，但曾被揭知法犯法，超速駕駛無交罰款，又缺席聆訊，搞到要向市民道歉，最後以書面認罪並罰款了事。

所以話，江山易改，本性難移。鄭家富做政客嘅時候不務正業，一味抽水，依家唔做政客，一樣貪得無厭。

佢退出政壇後做證婚公司，可以講係豬籠入水，早前七一大遊行佢仲乘機抽水，為參與遊行者提供九折證婚服務，大發遊行財，被譏為另類「蛇齋餅糉」。

睇佢依家咁風光，照計租得起車位有餘，點解仲要霸佔立法會車位呢？唯一解釋就係貪婪。

正如嗰位淘古井嘅陳振聰咁，得到小甜甜三十億元仲嫌唔夠，仲想霸佔小甜甜幾百億身家，連法官都睇唔過眼，直斥佢極度貪婪，無恥邪惡，卒之落得可恥下場。呢啲咪就係貪字得個貧囉。

講開又講吖，堂堂立法會停車場居然好似無掩雞籠咁，隨便畀人超泊，簡直成何體統。沒有規矩，不成方圓，當局再唔嚴明紀律，收緊使用權，立法會停車場隨時變成垃圾場嘅咋！

.

[Lam Martin]

我覺得個問題重點係佢D泊車證係咪真0既, 如果係真0既, 咁佢從乜野途徑得到呢D泊車證, 如果好似佢講, 佢係某議員0既僱問, 有泊車證方便佢進出立法局幫助個議員處理D法律問題, 咁我覺得冇問題喎.

[kk666]

.
............哈哈............無喇喇道乜歉喎！！！
.
.........................范急道歉 認衰「執番正」

消息人士透露，鄭家富在立法會停車場出入自如，有時是兩部私家車同時停泊於立法會，有時是駛來一部，換走另一部，懷疑是其因為居於南區海怡半島，故由家中驅車到金鐘泊車，再改搭港鐵到其他地方。兩部長泊立法會的座駕，一部登記車主是鄭家富本人，另一部則屬其婚姻主禮公司所有。

范國威接受查詢時為「超泊」事件道歉，自言原先希望為鄭做公共事務時帶來方便，本身不知道有關泊車規定，因此會呼籲鄭家富不再「超泊」，並會「執番正」。據悉范國威曾向立法會秘書處申請四張泊車許可證，其中兩張為鄭家富擁有，今次二人同時捲入泊霸王車醜聞，更惹來利益輸送疑雲。

其實鄭家富和范國威二人早年同為民主黨「少壯派」，近年因二人有類似從政經歷，關係更密切，包括曾前後腳不滿民主黨支持二○一二年政改方案退出民主黨，其後鄭家富於去年九月立法會放棄競逐連任新界東地區直選議席，首個公開力撐的候選人正是范國威，范當選後亦投桃報李，邀請鄭家富出任其義務法律顧問。

....................................立會「反彈」 阻記者採訪

城大專業進修學院學術統籌宋立功批評范國威和鄭家富二人的政治敏感度不足，且不應「私相授受」，有浪費公帑和公共資源之嫌：「公眾都對官員同議員嘅要求比較高，遲早呢啲事情都過唔到輿論批評，所以唔明佢哋點解咁無政治智慧。」

此外，本報揭發鄭家富泊霸王車後，立會晚上派出多名保安員看守，拒讓記者進入停車場。

.

[kk666]

.
..............................立會不設議員團隊車位

鄭家富昨自稱是新民主同盟議員范國威義務法律顧問，可享職員泊位，而范國威亦稱鄭是其「議員團隊」一員，故為對方申請泊車證。

不過，本報昨向立法會秘書處查詢，就未見「議員團隊」特設泊位。本報昨向立法會秘書處查詢預留多少車位供「議員團隊」使用，秘書處回覆泊位只供議員、秘書處部門主管，以及議員和秘書處的訪客使用，其中訪客車位更需預訂，泊車時間以四小時為限，換言之，鄭家富是以議員身份長期停泊兩部車在立法會。

有學者對立法會車位濫用事件時常發生感到訝異，立法會行政管理委員會成員形容是次「超泊」事件明顯是議員「用到盡」，表明會跟進事件。
*****************************************************************************
..............................宋立功：公帑不應被濫用

「咁搵個議員朋友就可以長期免費泊車啦？」城大專業進修學院學術統籌宋立功對立法會車位濫用事件經常發生感到訝異，直指立法會資源乃公帑不應被濫用，「就算係立法會主席曾鈺成都係咁話！」「議員係民選產生，應該有規有矩有程序，如果係好偶然一次大家睇唔到就話啫，如果係長期借用做法就一定唔妥！」

.

[dc影者]

在現時的大氣候下，無論係乜野借口，總之任何便宜利益都唔好貪，

米以為待人以嚴，待己可以從寬，家富哥無理由咁唔醒目，還是天下烏鴉一樣黑呢？

[impala]

我是這樣看的.....

既然家富哥已不是2員，是冇權泊車於該處；正苦基本上可比牛肉乾或扣車，這是執法問題。
家富哥如果願意比那些告票，實在無可厚非。
如果其他富豪，有樣學樣，這其實就是正苦之管理問題。

[kk666]

.
隔牆有耳：
泊車風波　咖喱飯道歉認錯


立法會向來規定，無論議員有幾多張立法會泊車證都好，同一時間只能泊一部車喺停車場，費事停車場位吓吓full晒，令其他議員泊唔到車。

但有傳媒揭發，

[kk666]

.
..........政情2.0：公民講場：立會無掩雞籠 車位變酬庸

本報揭發立法會新大樓停車場變無掩雞籠，即使裝有入閘泊卡系統，但都寧願唔用，隻眼開隻眼閉任由議員或與議員相關嘅街外人免費亂泊車。

其中聲稱擔任議員范國威義務法律顧問嘅鄭家富，就長期輪流停泊兩部車輛於立法會停車場，儼如私家停車場，若以同區嘅停車場月租計算，估計佢年慳逾十萬元，做法認真離譜。

議員可以喺立法會泊車，目的只係方便佢哋工作，而並非「用到盡」、「賺到盡」，甚至去益自己友，加上范國威係獲鄭家富力捧上位，難免被質疑有政治酬庸或利益輸送之嫌。

.

.

[kk666]

.
...........................我是這樣看的.....

既然家富哥已不是2員，是冇權泊車於該處；正苦基本上可比牛肉乾或扣車，這是執法問題。
家富哥如果願意比那些告票，實在無可厚非。
如果其他富豪，有樣學樣，這其實就是正苦之管理問題。
********************************************************************************

.........哈哈......又係〝政府〞錯喇！！！哈哈........

其中聲稱擔任議員范國威義務法律顧問嘅鄭家富，就長期輪流停泊兩部車輛於立法會停車場，儼如私家停車場，若以同區嘅停車場月租計算，估計佢年慳逾十萬元，做法認真離譜。

議員可以喺立法會泊車，目的只係方便佢哋工作，而並非「用到盡」、「賺到盡」，甚至去益自己友，加上范國威係獲鄭家富力捧上位，難免被質疑有政治酬庸或利益輸送之嫌。

.

[impala]

議員可以喺立法會泊車，目的只係方便佢哋工作，而並非「用到盡」、「賺到盡」，甚至去益自己友，加上范國威係獲鄭家富力捧上位，難免被質疑有政治酬庸或利益輸送之嫌。
-----------------------------
業主是正苦；就算有利益輸送，都是正苦有人與鄭家富有關係。又點關范國威之事幹呢?
如果范國威代鄭家富出到泊車証；這亦是正苦管理上有問題?
如果鄭家富是泊訪客車位，這又有甚麼問題呢?
最後我想知﹕其實，阿kk666，你是否智力有問題?

[怪俠]

噢！原來impala兄係家富哥嘅法律顧問。

[一、二、三四郎]

霸車位就叫貪婪成性真無恥
憎生、湯生貪咁多要點形容先好呢？
聰聰又要點貪咁多又要點形容好呢？
李十X咁多錢仲要賺盡賺凸，官雙out結又可以點形容好呢…？
的屎叔叔收到5毫又要點形容先貼切呢？

[Lam Martin]

有泊車證就泊得架啦，佢依正手續申請得黎架嘛，點解唔泊得？如果議員團隊唔泊得，點解可以發個泊車證俾佢先，有泊車證唔俾人泊，呢d先有問題。

如果話超泊同泊時間長，呢個係管理問題，唔通泊錶位無入錢無俾人抄牌又係利益輸送？如果今次係利益輸送，咁應該係立法局輸送利益俾佢喎，證係立法局發，容許佢超泊及泊時間長又鎖車或警告又係立法局喎

[怪俠]

牛牛，你2c係以上人物全部睇齊？？？

[煩友]

的屎c機最貪, 因為佢找少o個5毫係明搶,5係佢應得ge