[kk666]

..
..
.................政情：打壓言論 葉建源開到口

小學女教師林慧思喺旺角街頭爆粗辱警一事搞到滿城風雨。開學在即，有人不滿林慧思至今仍拒絕向當日被佢「爆粗問候」嘅警員道歉，於是發起喺開學日去林慧思任教嘅寶血會培靈學校門外拉橫額請願，

點知身兼香港教育專業人員協會（教協）總幹事嘅教育界立法會議員葉建源，除咗叫人「千祈唔好搞啲細路」外，仲誇張到已去信政務司司長林鄭月娥，叫佢同教育局、保安局及警務處聯手去制止請願，企圖打壓言論自由。

林慧思爆粗辱警一事發生個多月以來，葉建源每次回應都好似有政治考慮咁，成日叫人將焦點放喺警方執法方面，尋日又叫大家應考慮林慧思講粗口嘅起因，企圖轉移視線。

最近有愛港之聲嘅支持者話想向警方申請，喺開學日去培靈學校門外抗議同拉吓橫額，但葉建源就話喺學校門外拉橫額表達意見都話唔得，仲話「啲小朋友年紀好細，如果喺學校拉橫額會令佢哋震驚，非常唔適宜」，更加聲言「千祈唔好搞啲細路」喎。

............................反國教製造「白色恐怖」

咁都未夠誇張，葉建源仲話上星期二已去信林鄭月娥叫佢同教育局、保安局及警務處聯手，喺九月二日一定唔可以令學校處於好多街外人干擾師生嘅情況，仲暗示叫警方唔好批出「不反對通書」予示威人士，「希望警方明白嗰度唔係示威區，要保障學生出入安全」。

雖然佢未收到教育局回應，但日前向當局提到呢類事件時，當局都話好擔心喎。

不過，葉建源咪唔記得，去年爆發國民教育風波時，國民教育家長關注組發起人陳惜姿曾發起「一人一信」大行動，呼籲家長去信子女就讀學校查詢幾時推行國教科，收集資訊製成「國教版圖」，

而教協更發動叫會員教師簽署「良心約章」，當時被不少前線老師批評製造「白色恐怖」，如今葉建源反而驚啲示威橫額令小學生震驚，呢啲唔係雙重標準又係乜呢？難怪愛港之聲召集人高達斌尋日寸爆話，有啲家長都會帶細路去遊行示威，試問點會嚇親啲細路呢？


..

[kk666]

..

林慧思粗口辱警事件仍然未見平息跡象，原因並非如反對派所言有人在政治打壓，而是反對派不斷扭曲是非激化事件，而林慧思本人也是不甘寂寞，屢屢挑釁民意。

就如在日前特首梁振英出席觀塘地區論壇時，林慧思雖然沒有出席，但卻在facebook上鼓動憤青去搗亂，甚至說黃洋達的「熱血公民」為她出了一口氣云云。

這說明林慧思對於事件一點歉意及反省都沒有，她發表的所謂道歉聲明不過是為了敷衍學校家長，以保住手上教席而已，並非真心悔過。

她從來不認為粗言辱警有問題，才會一而再地挑起事端。因此，反對派請不要說外界咬住林慧思不放，如果她真的希望事件告一段落，就應該站出來真誠向當日受辱警員、向全港市民道歉，而不是發出一紙聲明然後繼續挑動憤青去狙擊這批判那。


..