[kk666]

.........佔中黑手禍香江 全城圍堵淫賤黎

開講有話，打蛇打七寸，擒賊先擒王。佔中禍害香港，激起民憤，如果要搵人算帳，應該搵邊個？唔使問阿貴，梗係人稱「淫賤黎」嘅壹淫媒主席黎智英喇。呢個唯恐天下不亂嘅妖孽，唔止係佔中幕後黑手，而且係始作俑者，唔搵佢算帳又搵邊個吖！

大家有眼見，自從佔中爆發以來，淫賤黎就赤膊上陣，粉墨登場，唔止資助黑金，而且獻計獻策，而旗下嘅爛果報更加係日日煽風點火，妖言惑眾，無所不用其極。

呢，早前淫賤黎被踢爆透過美國人之手向泛民秘密獻金，並且向台獨分子取經；而最新機密文件更揭露，佢涉嫌直接資助佔中運動登廣告，簡直居心叵測。

淫賤黎唔係開善堂，今次大灑銀彈，如果話背後冇外部勢力嘅影子，細路仔都唔信喇。

係人都知，淫賤黎勾結外部勢力，無非想搞亂香港，顛覆內地，但就美其名「爭取民主」，迷惑咗部分市民尤其係青少年，搞到有啲學生連書都唔讀，誤人子弟，罪大惡極。

好彩群眾眼睛係雪亮嘅，淫賤黎透過佔中搞到香港七國咁亂，終於激起民憤。呢，幾日來都有團體到壹淫媒將軍澳總部示威，怒斥淫賤黎妖言惑眾，煽動學生上街，擾亂社會秩序，打擊市民生計。有人向淫賤黎黑白「車頭相」狂掟蘋果同上香，祝佢早抖；有人仲當面向淫賤黎撒溪錢，希望佢一路好走。

嗱，呢啲咪就係真正嘅民意囉，淫賤黎與民為敵，淪為過街老鼠，受到市民聲討，可以講係唔衰攞嚟衰。不過咁，淫賤黎一向厚顏無恥，你有你聲討，佢有佢亂港，到頭來又係嘥氣嘅咋。

所以話，對付呢種無恥之徒，一味抗議同聲討係冇用嘅，必須以其人之道還治其人之身，好簡單啫，既然淫賤黎咁鍾意佔領，大家不妨照辦煮碗，一於去佔領佢屋企同壹淫媒，等佢都嘗試吓走投無路嘅滋味，咁先至係報應吖嘛。

當然啦，如果淫賤黎有乜冬瓜豆腐要召救護車咯喎，大家亦不妨上車搜查，發現無可疑至放行，呢招就叫「黎」做初一，大家做十五喇。

總而言之，多行不義必自斃。香港之所以搞成咁，完全拜淫賤黎所賜，佢一方面誨淫誨盜，一方面反中亂港，加上港英餘孽包庇，令佢更加有恃無恐。今次佔中可以講係淫賤黎嘅最後瘋狂，如果當局唔趁呢個機會剷除禍根，必定後患無窮，永無寧日，叮！

.

[老叟]

嚴懲佔中三禍首，學亂敗家三逆子，否則永無寧日。