[kk666]

佐敦跪住乞港嬸
老外日袋800蚊

正所謂外國月亮圓，做乞衣都高貴啲。前排佐敦出現咗一個滿頭白髮嘅老外，日日晌佐敦跪地乞錢。

《壹》仔有日行過，見到個老外望落似五、六十歲，著住件粉紅色T-shirt，揸住之柺杖，行到去港鐵站出口，見到人多，就即時跪低，攤大手板向途人乞錢。好多港女行過見到老外跪地，都會主動行埋去比錢，十蚊、廿蚊甚至五十蚊都有，比起來自強國的乞丐，港女似乎疏爽好多，甚至有港女會跪低用英文關心佢幾句，然後一面滿足咁笑住離開。

聽附近街坊講，老外每朝約十點開工，一路乞到黃昏先收工，粗略計算，佢每個鐘都乞到一百多元，每日都有七、八百蚊進帳。

《壹》仔見佢乞到咁上下，會去附近便利店買嘢飲，又會去餐廳食飯，咁就駛咗五十幾蚊，比起好多打工仔仲要豪爽。最重要係，當佢花費乞返嚟嘅錢時，係唔駛用柺杖的，唔通真係有錢袋，隻腳就可以即刻好返咁神奇？