[Lam Martin]

【承認造波】秘魯中場：法卡奧叫我唔使攻

睇法卡奧出術片：http://bit.ly/2gzagP4

世盃外南美區賽事最後一輪，智利吞巴西3蛋，最後僅列第6無緣決賽周，秘魯則同哥倫比亞打和得1分，壓過智利列第5，取得附加賽資格。呢場波去到尾段，見到哥倫比亞隊長法卡奧，鬼鬼祟祟掩住個口，同主隊中場連拿度達比亞密斟，跟手該名摩納哥射手，再同秘魯後防講嘢。去到比賽最後階段，秘魯喺後場Hea搓到完場，好多傳媒都思疑，兩軍夾計造波。

查實唔使思疑喇，因為連拿度達比亞已經承認咗：「當時法卡奧走埋嚟，話只要保持住1:1比數，我哋兩隊都可以晉級，足球就係咁，哥倫比亞同秘魯目標都係出線，最後達成願望，我哋都好高興。秘魯當時專注於比賽，最後5分鐘法卡奧表達咗佢嘅睇法，之後佢哋控制住場比賽。」

法卡奧就話，兩軍冇造波：「哥倫比亞同秘魯係知道當時智利嘅賽果，我哋只係因應賽果而去適當咁比賽。而我當時，只係嘗試傳遞呢個訊息。」

哥倫比亞同秘魯咁樣夾計，當然唔係咩光采嘅事，但智利去到外圍賽最後4場，竟然得1勝3負，輸畀巴西都算，但竟然不敵巴拉圭同玻利維亞，最後咁樣畀人夾計迫出局，某程度上只能怪自己。

東網體育同你追實體壇每個精彩時刻！
http://bit.ly/2ecTF2A
__________________________________________________
足球世界就係咁, 而家要爭出線, 大家又知道巴西果場0既結果, 點解要咁搏, 又無奬. 出緊要齊齊出線.

[peterchan04]

智利.... 想學冰島入决賽週，
就要早早發力，靠自己，
好過.. 望人地輸波。

不過，哥倫比亞打古惑波，
吾出奇，因為法卡奥... 呢條發毛友，
係英超正廢柴，陀衰家，
曼亂/車仔.... 俾佢黑，克...黑... 瓜左。

.

[Lam Martin]

唔記得係IM定LM講, 體育精神要場場搏到盡, 但現實中, 足球世界唔係咁囉. 明知出左線仲搏盡做乜, 搏盡傷左點算

[dc影者]

個波係圓o既知唔知係點解？

[Lam Martin]

我知波係圓0既, 但同我俾野IM同ML睇有乜關係?

[pongyee]

呢尐戰略一向都係咁，唔入造假之列。

[Lam Martin]

唔記得IM定ML話唔得, 要每場都要打甩脾先得. 但好明顯現實唔係咁.

[pongyee]

每場都要打甩脾先對得住買飛嘅球迷。

[dc影者]

馬田哥，

記得奧記羽毛球嘛？

大6球隊因為唔想自已友打自已友而作出策略性打法，

馬田哥當時有冇想過

明知出左線仲搏盡做乜, 搏盡傷左點算

要每場都要打甩脾先得. 但好明顯現實唔係咁.

呢類問題呢？


唔通就係因為羽毛球唔係圓o既？

[Lam Martin]

每場都要打甩脾先對得住買飛嘅球迷。
________________________________
可惜現實中足球並唔係咁呢

[Lam Martin]

馬田哥，

記得奧記羽毛球嘛？

大6球隊因為唔想自已友打自已友而作出策略性打法，

馬田哥當時有冇想過

明知出左線仲搏盡做乜, 搏盡傷左點算

要每場都要打甩脾先得. 但好明顯現實唔係咁.

呢類問題呢？


唔通就係因為羽毛球唔係圓o既？
__________________________________________
記得, 唔記得當時就係同IM定ML討論關於佢地咁做有冇問題, 我就話現實比賽一定係為左球隊/國家爭取最大利益而作出取捨. 我仲話足球比賽一向如此, 但佢地唔信話足球比賽係D唔重要0既比賽出後備/青年球員都唔係唔盡力喎, 我咪專登POST呢段野俾佢睇, 現實就係咁.

[dc影者]

現實龜現實，有人因此而被罰...............

[Lam Martin]

現實龜現實，有人因此而被罰...............
____________________________________________
你指足球果單定羽毛球果單先? 足球果單無喎.