[joe22]

係上個星期四我去左先達附近既萬x買左部olympus 5050,點知返屋企先發現有死點,咁星期五拎左去換,點知換返黎個部相機居然格格聲,咁我今日拎去換啦,點知d人態度差不特止,仲死話換左一次冇得換,叫我地拎去整啦,仲即刻走開去做生意,話唔關佢事,叫我地搵返賣機俾我地既sales,由我地係度等,又唔搵人黎,即刻射波走開左
最後有第二個sales 試完都話聽到相機有格格聲,之後個老細黎試就死都話冇事,話部相機zoom會有聲係正常,但係個d聲明明唔係zoom聲,我就算放係度唔用都會有聲,同埋我之前用4040,同頭個部5050都冇呢d聲既, 我地嘈左成粒鍾,佢先肯好唔願意咁話唔想嘈先拎多一部機俾我地試, 之後個部冇事,我地就換走,但係個老細仲叫人send返部機上廠check,如果佢真係認為冇事,又點會咁,之後有其他sale仲好串咁話佢用部部都有格格聲,好正常,仲話我地唔識用咁,我同佢講我之前用olympus都唔會咁,佢直頭唔俾我講,又話佢自己點識,仲要話nikon都係有聲. 雖然佢最後肯換但係講到我地冇野拎黎換,態度又唔好,仲死都強調換左一次唔肯換

但事實上未夠7日,消委會都講過可以換啦,我地大拿拿拎$5xxx出黎,換到既只係一肚氣,我以後都唔會幫襯呢間野,佢地仲有一間野係銀行中心附近,叫永x ,都係同一間黎

[mc123]

佢地似住自己生意唔憂做丫麻
係咁架喇
我非必要都唔會幫襯呢兩間店舖
因為都聽過好多人話佢地 d sales 好串
我寧願幫襯成哥好過啦

你當時有無大大聲講野呀?
通常呢 d 咁既 sales 都係欺善怕惡架！
同埋若果你大大聲
老細都會怕被店內其他顧客聽到
而希望快 d 息事寧人啦...

[vkwtsui]

萬X的服務態度一向麻麻地，永成就好一點點。或許他們是食大茶飯，$5XXX根本不放在眼內…今時今日咁既服務態度真是要不得。

[smartlam]

我幫襯左 ( 永 x )好多年 , 成副攝影器材身家都係幫佢地買 , 細細粒瘦瘦地好斯文四眼果位少東陳先生 , 佢服務態度好到不得了。另外一個短髮四眼妹都十分殷勤 , 上次我買相機佢俾好多專業意見我 , 我之後跟左佢意見買左另一型號 , 雖然係貴少少 , 但功能就正好多 , 確冇令我後悔。但 ( 永 x ) 有個三十到抆 , 戴眼鏡高高瘦瘦皮膚較黑0既 sales ( 甄 x 龍 ) , 早幾個月我去買一支 Canon 鏡頭 , 但原廠遮光罩冇貨 , 我一向買開器材都係要原廠貨 , 聽到突然話唔齊貨我就考慮左一陣 , 點知呢個 pk sales 個態度即刻變哂 , 我都未話唔買佢就黑口黑面 , 個樣串到不得了 , 果時我真係好想當面小佢 , 不過諗住幫襯左呢間野咁多年 , 樹大有枯枝0者 , 算罷...終於去左 ( 萬 x )買 , 果次呢間野出奇地態度好好 。

[patricklo]

the consumer service of wing x is unprofessional la. Man x OK la.

[eeever]

買機都係去百老匯等地方吧...果d地方,唔夠兇唔得架

[waiho]

講開又講，呢間萬x響食飯哥陣拉繩封舖呢個行為小弟真係覺得非常反感，試過有幾次要趕到氣咳就係為左驚佢拉繩開飯，係o米真係o吾憂做到o甘呀！