[nightmanmark]

灣仔華仁會 cannon a70--$2080，仲有幾款都好似幾平！
其實a70同Canon Digital IXUS II有咩分別呢？點解IXUS II好似貴d既？
我又見到彎仔電腦中心,d雜嘜牌 TEKXON-3百萬像，千一蚊倒。佢把出黎d相都幾得下....開始有d心動，唔買a70,慳返一千蚊.
有冇人試過喱d雜牌啊？

[路基亞]

當你用過D雜牌，你就會想轉第二部機................
我都係因為咁先轉機

a70係平機來講最正，直得為佢用多一千架............
不過最後決定權都係睇你自己...........

[ianching]

"華仁會 cannon a70--$2080"

水貨?

[smartlam]

A70 如果行貨去到 HK$2,080- 我諗根本冇咩可能,因為賣一部 A70 二仟零蚊0既價錢,影音鋪其實唔係賺好多咋,佢地主要都係薄利多銷,博衝破一定銷售額而令代理埋單時回扣。如果 HK$2,080- 我相信一定係水貨,問清楚 d 穩陣 d 呀! 至於用雜牌野,莫講話有名0既雜廠配件我都一樣信唔過,點解呢...?! 皆因當年我為慳果一仟幾佰買左雜廠配件,最後都係後悔,因為當自己玩落攝影,經驗、技術及要求開始高左,對雜廠野0既功能越黎越不滿,凈係講一份虛榮心,拎出黎成日都驚俾人笑,可能閣下而家內心話『我一定唔會0既!』,但當你影相耐左,身邊或網上0既影友大家講0既話題開始唔夾嘴型時,你慢慢開始覺得好冇癮。而且雜廠野質素一定冇原廠咁好,功能及反應都係一樣。我當年初哥為慳錢買左雜廠野之後,我發誓以後買攝影器材唔再用雜廠,唔夠錢買原廠我寧願唔買住慢慢貯錢。呢 d 唔係祟尚資本主義同虛榮,只係對質素有要求0者! 除非真係人有我有只為方便就作別論。

[多樂星]

比多少少買行貨不是更好嗎