[onlyken]

小弟從97年開始玩攝影, 那時用的是 F70, 之後 甚麼 F80, F100, FM3A 也用過, 直至去年購入 D70, 開始進入數碼世界, 但玩了一年之後, 覺得影數碼相片, 好像沒有靈魂似的, 手起刀落, 沒有思索, 不用構圖, 不用費錢, 拍了才算. 回想起要花錢沖晒的年代, 細心測光, 構圖, 思考, 好辛苦才拍一張, 這才顯其價值.......請各位談談這個經驗吧!

[micros]

咁你而家有咩打算﹖
繼續手起刀落﹖轉番 film ﹖
用 digital 都可以好認真﹐都可以好考究。
如果用 digital 令你有咁大轉變﹐仲係壞o既轉變﹐問題就係出自你自己。
問下自己點解用 digital 唔可以同用 film 一樣﹐兩者o既相差係邊。
其實用得順手就可以﹐digital 定 film 又有咩所謂。
最緊要係知道自己鍾意o的咩﹐如果唔鍾意 digital 就乾脆用番 film﹐免得一邊用 digital 又說 digital 不是﹐好矛盾。

[Omega]

"手起刀落, 沒有思索, 不用構圖, 不用費錢, 拍了才算. "

對不起﹐你上面說的我不太認同

用數碼可以以低成本拍相片只是科技進步﹐
並不代表攝影人的態度一定會改變..

起碼我自己來說﹐我依然會考慮構圖..再按快門﹐
不同之處只是可以即時REVIEW﹐如果不滿意﹐
我會再重新思考另一個角度。

我覺得這樣並不是沒靈魂﹐只是一種科技
進步下的方便﹐這個方便可以令用者節省
時間節省成本。我想如果﹐方便就等如
“沒有意思”的話﹐你的理論就可以成立。

當然﹐拍攝者的態度係一個關鍵﹐但如果
因為數碼方便而令自己迷失﹐只是個人的問題﹐
不是數碼攝影的問題。

一點個人意見﹐如有冒犯請多多包涵...

[Philippe]

我唔係好相信一個在菲林機身上已培養了好有攝影靈魂的人,會因為轉用數碼就變得沒有靈魂.如果真係咁,一係你其實一向都未夠靈魂,一係你做人態度有問題.要好好檢討吓.

[Polar Bear]

但玩了一年之後, 覺得影數碼相片, 好像沒有靈魂似的, 手起刀落, 沒有思索, 不用構圖, 不用費錢, 拍了才算
Nonono......非也.....
如果..你o係從心裡想拍出好照片..
要先對自己嚴格....

Press shutter 的次數.....越少越好...
拍攝的數量.....越少越好...
要貴精不貴多....

拍出o左100張數碼垃圾...不及拍出10張靚相 (好構圖..好光色...好意念)
來得實際......

想改善作品的質素....
要多看書....培養個人修養及思維....
要多看人o地作品....參考人o地的意念..構圖...採光
要多看人o地的評相...(lee 度....好似冇咩人去評相 ;-)))
學懂欣賞作品價值...

[nlsho]

為弟十多年前轉用AF時都有咁上下經歷。
好彩有次見到梁家泰，傾左幾句。
『冇人叫你次次都三機五鏡，攪得機來唔記得映相假。』
以前學曝光，比好多$映slide，而家有histogram，連測光錶都賣埋。
好？唔好？

[NaHO]

"拍出o左100張數碼垃圾...不及拍出10張靚相 "
呢個真係心理作用o黎啫。

計我話用菲林好處：
開機 同 捕拍 夠快，景深控制範圍較大，有真正o既無限 B 快門，器材較平，雜訊較少.....

[chriscyho]

........菲林冇雜訊架喎.....

[Polar Bear]

"拍出o左100張數碼垃圾...不及拍出10張靚相 "
呢個真係心理作用o黎?。
都有道理...o甘又係...心理作用...
我都有好多相唔敢 post (影得唔靚... :-) )

[onlyken]

看來我要從新學習拍數碼and菲林相片了....

[micros]

其實用唔 digital 定 film 都係咁影o架啦﹐唔使刻意去分。
投入o的唔好記住自己用緊咩機﹐情況可能會唔同。

[jackngai]

沒有思索 是個人心態問題，與媒體種類無關。

冇構圖？數碼就可以唔構圖？影完返去crop ？你可以crop幾多？剩番落黎o個d 夠曬幾大 ?

話你知，數碼除左唔駛沖菲林買菲林，長遠慳左，仲有即影即睇有錯即補發之外，其實比影菲林更難。

因為數碼 Dynamic Range 低好多，遇到高反差情況就要就住就住，在Studio 仲可以補多半級測好光，在外景場合，如果Model 著白衫，你用數碼？保証你比用菲林更頭痕（唔識睇質數者例外）