[s82011190]

5D3

[siusiusiusun]

5D2 最多只可以講得中間一點用


但對焦慢???????????? 你用過未架??

[crazybean]

5d2 對焦系統影小朋友真係無問題

影小朋友唔同打雀, 唔會一去不返, 一張唔得咪下張囉, 反而大人的耐性仲緊要, 我老婆無咩技術但勝在耐性好, 用部5d2, 好多時比我影得更多靘相

[XexeX]

睇完，覺得而家好似討論緊「接個仔放學，有一千萬，買法拉利定林寶好？」
影小朋友，一部入門單反已經好夠，5D3同1D4影小朋友分別唔係太大…

[siusiusiusun]

相機機能越強, 越令到依家D人無晒耐性.

其實人地講明有幾多BUDGET, 又駛乜理人點樣理則點樣教仔?

[no32]

其實會唔會有d師兄諗多左? 樓主只係講3萬蚊 budget 姐...
我自己當初都係因為影小朋友買相機, 由 40D > 5D2 > 1D4 > 1DX.
我自問技術唔好係買機送技術型, 如果唔係有部好少少既機, 我諗我影唔到覺得OK既相. 如果樓主宜家買機, 我會建議買5D3.

[sandmok]

千紅ching, 你似乎諗得太多喇...

[ncychan]

nobody123
" 5d2的中間一點...可以講係我用過所有機中最好的... " ==> Totally agree !!
I used my 5D2 for 2 yr in photoing my son.

新手之手
" 教育基金嘅野, 自然有安排架啦, 唔通玩機玩埋個仔啲教育費咩?! ^^ " ==> Totally agree !!

karithkung
"點解影靚女就要5d3，影小朋友就7d or550d就夠？" ==> Totally agree. Photoing kids is another hot topic to study and learn too !!! ( Including myself)

千紅
" 一年學費 42100 ,仲有其他費用, 都成5萬一年...
又唔係幾明白讀幼稚園用5萬...究竟是值不值得..
但始終....小朋友開支好大 "
==> As you are yr 2 student and understand this clearly, you should know how hard you family in supporting you. Save your money and prepare your own family and new family too.

"錢還是多個旁身更好 7d / 5d2 真係應該好足夠....."

==> Sorry to say, most of us here have been photoed for years and they should know their gears well. Obviously they have more mature personal values than you. At least, we did read your case " 如何控制自己不敗那麼多? " as a negative example (反面教材) (http://www.dcfever.com/forum/read.php?f=12&i=184616&t=184616&phorum_auth=dc7a945b2d9b1e2caedcd3a8d56e75c2)

==> For me, as a 2yrs 5D2 user and 3 months 7D user and if I can spend $ 30 K ( not from 教育費 since I am a adult but not a Kidult), I will surely choose 5D3 with no doubt ; if I have $ 60K ( not from 教育費), I will go for 1DX (or D4. Why not ?)

"什麼61點AF , 連拍10張... 真係用唔著..... "
==> 61 pt AF is what you need for kid photoing when they are playing. 2~ 4 yr kids never stop playing (except if you were). Furthermore, combined with photo knowledge (light source, angel, lens selection). you need strength and energy to make the nice photo.

==>When I photo the kids in tennis class, football matches and other competition events, I wish I can have 1DiV or 1Dx with 400 f 2.8 or 500 f 4.0 on my hands !!!!

==> Who can said Photoing Kid is " 小兒科" !!!

==> You could know the truth until you'd become a parent one day.

[ncychan]

不喜勿插 !! X D

[千紅]

我呢的細路仔加新手唔係想批評打算買機的你~~

不過想分享下個故仔

我啊媽在懷在我既時候 , 買左部O 記的菲林機

她唔識影相,什麼快門,光暗,ISO 完全唔識, 一直靠感覺同用全自動

得中間一點對焦,影完唔可以看影得好唔好 , 冇L 鏡 , 冇每秒5.3張連拍

但十幾年來 , 她影左一個櫃的靚相,紀錄左我同妹妹既成長

因為她有耐性, 把心意同時鎖在相片上

7D , 5D2 , 甚至1000D 都比那部 0 記菲林機好太多

而你的攝影知識也比我媽好太多

那'' 影家庭照'' 又是不是真的有''需要'' 用5D3 , 1D4

究竟這是真的需要 , 還是只是一個藉口?

買還買,錢搵來就是用... 但我覺得應該了解自己

''因為什麼而買'' 搵一個理由,而不是一個藉口

[Gabrielo]

家庭照、生活照只不過係一個總稱，小朋友永遠乖乖定定同一個表情同一個post俾個V你，當然唔駛要啲乜嘢靚機，但到你試吓喺個屋企裡面攞住部機同你喜歡嘅人追追逐逐而佢又偏偏唔俾你影到佢「回頭一眸」、「一瞬即逝」、「自然流露」嘅甜美笑容，你就會明白點解做父母嘅會咁肯駛錢。

當然有部靚機唔一定影到靚相，但我地做父母嘅即使只為提高少少成功率，都會願意花落去，因為你唔知幾時，佢唔會再為你而笑。

你話小朋友一年讀個幼稚園五萬都叫做貴，咁你又知唔知唔攞學券，中中庭庭嘅中文幼稚園未計書薄都可以收你3、4萬蚊？可能你覺得生細路仲係好遙遠嘅事，所以你唔care，但係你又有無諗過我地哩啲做咗人老豆老母嘅，為咗仔女放低咗幾多嘢！？

為咗層樓！為咗佢地嘅讀書環境！放撚低晒自己嘅夢想，轉份懶係有錢途嘅工，日做夜做，做撚到返到屋企佢地都唔撚認得你，唯一可以做嘅，就係當佢地同佢地老母嘻哈大笑嘅時候，影低佢，然後望住部死人電腦，話俾自己知：「我有參與過，我都喺度」！

唔通人生存去到哩度，有能力為咗自己僅餘嘅快樂去花費一吓，都仲要一個讀緊書嘅死

[Gabrielo]

家庭照、生活照只不過係一個總稱，小朋友永遠乖乖定定同一個表情同一個post俾個V你，當然唔駛要啲乜嘢靚機，但到你試吓喺個屋企裡面攞住部機同你喜歡嘅人追追逐逐而佢又偏偏唔俾你影到佢「回頭一眸」、「一瞬即逝」、「自然流露」嘅甜美笑容，你就會明白點解做父母嘅會咁肯駛錢。

當然有部靚機唔一定影到靚相，但我地做父母嘅即使只為提高少少成功率，都會願意花落去，因為你唔知幾時，佢唔會再為你而笑。

你話小朋友一年讀個幼稚園五萬都叫做貴，咁你又知唔知唔攞學券，中中庭庭嘅中文幼稚園未計書薄都可以收你3、4萬蚊？可能你覺得生細路仲係好遙遠嘅事，所以你唔care，但係你又有無諗過我地哩啲做咗人老豆老母嘅，為咗仔女放低咗幾多嘢！？

為咗層樓！為咗佢地嘅讀書環境！放撚低晒自己嘅夢想，轉份懶係有錢途嘅工，日做夜做，做撚到返到屋企佢地都唔撚認得你，唯一可以做嘅，就係當佢地同佢地老母嘻哈大笑嘅時候，影低佢，然後望住部死人電腦，話俾自己知：「我有參與過，我都喺度」！

唔通人生存去到哩度，有能力為咗自己僅餘嘅快樂去花費一吓，都仲要一個讀緊書嘅死

[Gabrielo]

唔通人生存去到哩度，有能力為咗自己僅餘嘅快樂去花費一吓，都仲要一個讀緊書嘅死靚仔幫自已去決定哩個係一個藉口而唔係一個理由？

人心無得估，但人嘅需要你可以去問，人地喺個點嘅環境影小朋友你都未清楚，就唔好喺度扮專業啦！「師兄！」

[Ciwhy]

正正經經答問題咪算lor

各位何解要做道德戰士。

[Gabrielo]

只係唔抵得有啲人自己都無細佬，又要喺度扮專業。小朋友去到3歲打後，行動力就已經可以好高。我有兩個女一個4歲，一個6歲，我每次影佢地，佢地都離不開4個反應，一係走佬，一係擰歪面唔俾你影到，一係招牌動作又硬又老土，再唔係就衝埋你搶你部相機當係寶。

招牌動作唔駛講，乜機都好，慢慢構圖都仲做得到，就算當佢地擰歪面，擰前一剎那，時間掌握到，入門機都可以影得好好。問題係佢地走，佢地搶嘅時候，650D幫我唔到，而我最想影嘅就係哩啲同佢地交流互動，面向我開心笑嘅magic moment。我由月頭開始請咗兩個月大假，趁暑假想盡量陪佢地，但係因為以前交流少，兩個女望住我自然笑嘅一刻，不單只少而且一瞬即逝，自己技術又唔好，但想要影嘅時候反應快，點解一定要執著由入門機開始慢慢練呢？未見成績都放完暑假啦。

雖然markIII唔係無敵，但我換咗機之後起碼追追追逐逐嘅時候成功率高咗，就算構圖唔好，眉毛數唔到，但十張有三、四張捕捉到個表情，我覺得已經值回票價。尤其小朋友對新玩具好奇，中意㩒我鏡頭，喺佢地到達最近對焦距離之前，起碼5d3交到功課，就算唔sharp但真起影到，好過部650D仲對緊焦就已經俾小朋友㩒住咗個鏡頭無晒畫面。

可能所有嘢650D都做得到，係之前我技術未夠所以影唔到，但我話換咗部5d3之後我技術突飛猛進，所以情況有改善，你又信唔信？

個個人嘅case都唔同，價值觀都唔同，但忽視現實自己腦補然後主觀咁話影細佬一定唔駛買咁好，我就覺得好老土。

最低限度，都問吓人，咩環境，影啲乜嘢啦。唔係我自誇，我技術差，5D3都一堆失敗作，我又唔認為俾部7D 或者5D2過我反而會夠有突。

好似2﹣4歲哩啲成日上playgroup嘅年紀，有時啲workshop真係得條窗簾罅俾你偷影，課室裡面唔係個個小朋友走嚟走去，就係全部人望住老師嘅多，影到樣嘅機會有時少之又少，唔通個個老豆老母都咁好技術吓吓手動對焦一按即中嘅咩，環境無優勢，好似我咁，技術唔好，唔靠部機靠乜嘢？

當然我講嘅嘢，唔能夠代表樓主代表任何人，但係千紅兄，如果有一日，你上Full Frame，又會係咩理由？因為你技術到家？咁點解唔挑戰用電話用機仔嚟影？仲講技術啦！因為你影嘅嘢特別有價值？而家長影小朋友又無？定抑或你改影運動題材，而啲小朋友活動水平太低level，根本唔係嗰皮嘢，所以你睇唔起？講真我好好奇，真係好想知，你身體裡面係咪有條bar話俾你知你夠鐘升「呢」咁神奇，就算小弟發言離譜，會俾人圍攻都在所不計，小弟願聞其詳。