[williamthong]

我用D7000, 睇左幾本書, 都睇左menu, 又舞左部機2個月 (真係晚晚拿出黎學影), 最近又有支小黑3, 都同friend借埋小黑2

AF fine tune 左支kit鏡係-9, 而家真係利到爆, 好肯定如果影得差係自己技術問題
而支小黑3就cal到 -13, 小黑2就 -14. 但同樣係係200MM之下去focus 7M 到既野, 兩支都係好朦朧, 落腳架, 開閃, 收光圈到f8 都係唔得... 但一用live view 去focus 同影就無問題.....

所以我都幾肯定部機有走焦, 所以都係想上CS走一趟, 唔知要帶D乜上去呢?
機 + 鏡 + 單 + 保用證 (i.e. 黃紙)?

我已係網上登記了. 有請師兄指點 m_m

[鬼見愁]

williamthong師兄，上C.S調焦要帶保用證及購買單據，一般都要放低機身及鏡頭，因為C．S會用一部tester機身去幫你check鏡及再用一支tester 鏡去check你個機身，睇下係邊個走焦，但多數都會係鏡頭走焦機會大D，仲有係Nikon俾師父既維修指引只要在景深範圍都叫準焦，同我地用家既睇法要真係果點就有好大出入，上次我同C．S個經理傾左好耐，佢都覺得呢個標準太過時，果時D機像素低，鏡同Mon解像亦低，所以會無咁易發覺，但依家就唔同，像素、解像力同Mon都超大，任何問題都會放大，所以我建意佢地改下D標準，最後如果師兄有時間最好去太古C．S，因為果邊人流少，少D野做，D師父會多D時間及心機去幫你慢慢調，但你都要有心理準備調焦未必一次就攪得掂，可能要兩次、三次或更多，差D唔記得話你知你未必係機走嫁，因為我之前都係兩支鏡一樣一10，
我都以為百份百機走先上去攪，點知原來C．S話部機對焦靚到不得了，係鏡頭走，如果一早知係鏡走既話我都未必會去攪，因為如果機走以後我買乜鏡都要調AF，但機身準就只係個別鏡要調，冇咁煩麻，當然依家機同鏡都準到爆就最好啦，攪到我依家唔想賣走支Kit，因為真係段段都好Sharp好靚。

[williamthong]

嘩!!! 多謝鬼CHING既經驗分享呀!!!
咁我點都要去太古CS行一轉先~
好等我知係機，鏡定係我個「心」有事 XDDD

[terdorfung]

如何AF fine tune， 知道支鏡是係-9 或-13.
我有支50MM 1.8D, 不夠利, 好像有走焦. 但機以及鏡已過保養期, 是否要收錢? 多少?
放低部機以及鏡多久?

[williamthong]

剛剛Lunch放左部機同鏡係太古CS度, 佢地真係好好人, 同我對左單同保養証之後就馬上俾師傅睇睇, 我問洗唔洗俾錢 (因為支小黑3已過保) 佢講唔洗。十分鐘左右就出番黎同我講鏡好準, 無問題, 但機有走焦, 要cal. 30分鐘之後可以拿番. 費用全免~ 但因我要番公司, 所以明天先拿

如果真係過保的檢查費, 我見到佢張收費表寫: 單反-$200

[williamthong]

題外話:

係CS果十幾分鐘見到有位女士係咁扯住位CS哥哥係度睇相, 之後話「而家係唔係走焦無得整呀?!?」我一聽到"走焦無得整" 未走埋去睇吓乜事。

睇到過CS哥哥好好心機每張相都解釋俾個女士聽, 其中3句對答:
1) 你快門大慢了, zoom 到300用手持好易shake. 就算你好定, 的葉都會俾風吹到啦
2) 哩張你ISO200太低了, 用D3S可以推高DD呀
3) 哩張你係set 左manual focus bor

女士回應:
1) 人地D機都係咁SET, 我果部就唔得! 人地都係咁影之麻! 係唔係部機自己set左雙重捕光! (>.> 估唔到佢都知有咁既野!!!)
2) 你地D機咁無用GA, 周圍咁光都要用高ISO...
3) 係mei? 點set自動呀, 邊度有寫呀! 佢唔識見D野唔清楚就自動set番好佢mei?

我睇到佢D想同我自己影但走焦D相一D都唔同, 但我唔係師傅, 所以我唔comment佢D相啦, 不過就咁睇, 佢果D同我手震影果D差不多

CS 真係唔易做 <.<

[鬼見愁]

william兄，好彩你上太古，如果上旺角等號碼都半粒鐘，部機就一至兩星期啦。

[鬼見愁]

william兄，今日你取回部機返屋企試左，上黎報告下調成點啦。

[williamthong]

鬼師兄! 我剛剛upload左D試機相, 請睇睇 :)
http://www.dcfever.com/photosharing/manage.php?id=478546

至於個拿機過程, 都係超快! 唔洗10 mins! (我之後試機重試得耐 XDD)
而家真係OFF晒 AF fine tune 都影到好相! 連小黑3都好番晒啦~

真係多謝你叫我去太古CS! 實在係200分的Service!

[鬼見愁]

william兄唔洗多謝，我覺得呢D先至係網絡真正既用途，唔係只會叫人自己去搜尋或叫人一步到位啦果D，仲有你條Link睇唔到野呀。

[williamthong]

你試下入我個profile，睇下睇唔睇到「我的作品」

[鬼見愁]

william兄，D相就咁睇O．K，但始終太細張睇唔真，你要用M mode相位及Live View 各影一張再放大比較，睇下兩張相既清晰度係咪一樣，仲有要試多D，因為呢部機唔知點解個對焦會飄，時準時走，我第一次調完都O.K，點知反屋企影多幾拾張就又走過，跟住上C.S插到飛起，跟住唔使排隊最大個經理立刻親身幫我調，調完仲要用我指定既方法，就係相位及Live View 各影一張對比，完全一樣我先收貨，呢個方法C.S平時係一定唔會咁做，但奇怪係佢幫我調完之後到依家都無時準時走喇，唔知係咪之前D師父求求其其調下就算，但最奇係上邊試無事，返屋企先走，不過依家無事仲Sharp之前就算啦。

[williamthong]

好! 等我番去再試下先~

不過琴晚番到屋企再試, 真係有你講果個問題! 但我之後發覺係原來同我用既AF MODE都好有關係, 係影張狗狗時 (試相No.6), 當用:
- 39pt auto, AF-A: 5張中1張
- 39pt 3d, AF-S: 5張中3張
- 39pt, 自己move focal point: 5張中4張

- 39pt auto, AF-A, 開外閃: 5張中3張
- 39pt 3d, AF-S, 開外閃: 5張中4張
- 39pt, 自己move focal point, 開外閃: 5張中4張

- single pt, AF-S, 有或無閃: 5張中5張!

我估同夠唔夠光可能有好大關係... 等我再試多D

[鬼見愁]

我唔記得同你講，第一次調完番屋企試，AFS時準時走，AFC一樣但最準同AFS都差少少，AFA39但自己揀AF點直頭狗屎一樣，依家全部正常，所以你真係要試真D，最好用埋對焦尺試，有時唔係我地野蠻，呢D大機構做野同政府一樣，唔X唔會用心幫你，只會得過且過。

[williamthong]

哎呀! 唔怪之得你話要走幾轉啦... / . \
等我再試真D先
來回太古, 對我黎講, 都幾遠.........