[zermatt6485]

唉, 成個月灰朦朦, 又熱又焗, 冇曬mood影相, 又加上香港政府拆下呢樣拆下o個樣, 本來有內涵的城市已轉為物質都市 .....

去過多次外國旅遊的朋友會發覺, 外國唔係旅遊區的地方, 大多都會有自己的歷史同故事, 就算係唔起眼的東西, 都令你會用camera 影下....... 大街小巷有時會有functions, 令人覺得好有活力, 有需要拍下每一刻作留念~

如果ching 們多次出國外遊, 開始會覺得香港是平平冇奇的地方, 即使有一部靚機在手, 有時也很難找出題材 .... 香港有好多大自然靚景, 只可惜政府配套不足, 宣傳不足, 保育不足, 令我地一個又一個的影相地方逐一消失.........

p.s. 有時晴天下, 小弟拿起camera, 也想不到往哪裡拍攝

[happychanbb]

今日朦到爆.....
夏天落雨會清好多既

[jazyee]

1 jump 見 血

[zermatt6485]

其實係我睇雪梨歌劇院燈光秀有感而發

唉, 香港政府派了 全港最冇創意既人去做城市規劃, 也難怪我地話 this city is dying

[小小生]

你日日對住緊係覺得平平無奇
我秋天去南韓影紅葉,D本地話:"每年秋天D樹都係咁紅紅黃架啦,都唔明你地有乜咁好影"-__-!

相反有D外國朋友來香港,影到停唔到手
又有D外國朋友好中意香港D山,來香港唔去名店,日日去行山

[jazyee]

外國唔係旅遊區的地方, 大多都會有自己的歷史同故事,。。。。。。。。
加上香港政府拆下呢樣拆下o個樣。。。。。。。。
。。。。。。。。最冇創意既人去做城市規劃。。。。。。。。

================================


非常同2

[kingkonghk]

國內同胞來到香港睇海已經開心到爆

有咩好影只係相對

[michelle071180]

的而且確,香港既景點唔多,但要揾亦唔系好難,可能因為ching去過香港好多地方so好似度度都差不多有個甘既諗法亦不足為奇,另一方面ching又講得啱既就係政府不注重保育,希望有政府既人可以睇到呢個post去跟進下,為我地既下一代仍留下一d就黎絕跡既自然生態啦.....

[soonerorlater]

這個亦是我近多年來的感想，香港真的沒什麼景點好影了，二十多年前上太平山影夜景是指定動作，每個新人，舊人都會至少去一次，那時候沒有帝景園，沒有國金，維港也沒填海填到咁窄，現在在半山的高樓大廈遮蓋了半個維港，國金亦破壞了整個景色的層次，我已經多年未上山頂影夜景了！
少年時讀中學，堅道高主教書院旁邊的一座教堂，正是上海灘許文强，馮程程初次約會取景地方，十多年前再去原來已拆了，起了一座高樓豪宅，內心那種失望，傷感真的難以言諭！
曾到瑞士一遊，那裏風光如畫，湖光山色，美麗絕倫，幾乎任何一個角度都可以影到滿意佳作。香港上環，半山等地仍有後多古舊建築，偶爾找到可拍題材，偏偏又街道狹窄，沒16mm 以下鏡頭影不到，就算有此鏡，路邊停泊滿車輛，又或者過多的交通標誌，嚴重影響了構圖！所以近年都好難找到攝影題材了。

[ultegra1980]

## 有時晴天下, 小弟拿起camera, 也想不到往哪裡拍攝 ##

我都有此感覺, 只因從前學攝影時, 去過的地方例如: 勵德邨映圓形構圖, 清馬大橋映夜景, 大埔泰亨村映渮花........都去過好多次, 無乜新蘚感, 所以現在經常去大陸影風景和人物, 一些較偏遠和落後的地方傳統文化保全得較好. 最近去過元陽影梯田, 感覺非常壯觀, 但當地人卻希望看香港的夜景.

[soonerorlater]

曾看過外國雜誌報道，世界最美的夜景有三處，巴西的里約熱內盧，紐約，和香港。香港的夜景依然璀璨，五光十色，這點我認同，但在攝影構圖角度去看就不好了，海港邊高的建築物在前，低的在後，我真的未見過一個城市是這樣的規劃的，一座國金未夠，對面又起一座環球貿易中心，遠看兩支大柱，真是慘不忍睹！

[zermatt6485]

如果政府可將大家平平冇奇既野/日日都見既野, 修飾下, 加入新活力, 會係好事....就好似雪梨歌劇院燈光秀咁 ... 而唔係一年搞2次爛鬼煙花啦, 冇新意 !!

P.S. 西九唔知要等幾耐先可以去影相 =.= 人地新加坡短短幾年由悶蛋城市變做活力都市, 我起初都對獅城冇咩興趣, 但都而家想過1/2年去玩下, 睇下人地既新地標 ~

[zermatt6485]

"曾到瑞士一遊，那裏風光如畫，湖光山色，美麗絕倫"

soonerorlater Ching 你到過瑞士, 真好......小弟未去過, 只睇google image 都會感受到淨土個種脫俗既美感

[人馬座]

香港唔係冇嘢影只不過好多時日日見住唔會去留意姐
好似花園街你會唔會拿部機去影金魚街你會唔會影
但對於外國人呢D係好得意嘅嘢
睇你用咩角度同心態去影嘅姐

[tom678]

D師兄話可以影狗, 貴婦狗, 唐人狗, 哈巴狗, 正!