[hkelf88]

香港買電器的人請小心,大型公司連鎖店都有可能係黑店。
買電器的人請小心,大型公司連鎖店都有可能係黑店。

大家有否想過買一部新相機,回到家可能變左一部有問題機?

我同太太係官塘APM 5樓(雷謝)買一部CANON 120IS 相機,我地叫(店員甲)攞一部新相機給我們。

當店員甲給一部新相機給我們檢查,我們兩個人也有檢查過相機是没有問題.(包括機身没有花,同操作正常)!

當我們檢查過相機没有問題,就同店員甲說要這一部!

店員甲還好好服務地為我們貼上保護貼到相機螢光幕!

問題就出在之後發生......

店員甲為我們將相機入返盒之後就幫我們攞贈送既配件(腳架,相機套等等).之後就攞部相機去出開發票!

因為部機現金價$2400,我地没有咁多現金係身,問EPS得唔得,店員甲說一定要現金先做到呢個價。我們只好同店員說即時到樓下ATM提錢後再上黎付費買,店員甲還好好的给我們看一次我地買果部機既機身編號0608!

當我們提完現金上去,叫店員甲要回之前果部相機給我們,還同我們對番機既機身編號0608,我們兩人對過機盒果個編號没有問題就把現金交給他(我們没有再開盒檢查多一次,因為以為一定是我們檢查完果部)

當回到家第一時間將部相機充電,一開盒就見到4,5條好深既花痕係相機機面.我地心知這部一定不是我們檢查果一部相機,咁第一時間已經打電話落去官塘APM 5樓(雷謝) 當時是夜晚十一時半!(雷謝)職員叫我地第二日早上攞部機去換!

第二日一早十一時半我地已經去到(雷謝), 店員甲說相機機面既花痕十分利害, 佢地唔可以安排退換, 以佢”賣過咁多相機既經驗, 如果有咁明顯既花痕佢一眼就睇得到!”. 之後我地就即場打去佢地提供既公司投訴熱線投訴, 接線生李生聽完我們的投訴個案後, 回覆了以下3個論點:
1) 付款前我們已經檢查好機身以及試過操作正常.
2) 我們付款前機身編號我們已經對好, 提款後回來付款購買時也再有核對機身編號.
3) 花痕非常明顯, 他們已經不能退回供應商, 故拒絕換貨!

我地只可以無奈地離開, 因為再糾纏落去都冇咩用!

請將這短信發给其他朋友,等其他用真金白銀買電器回家既朋友不要中這些黑店的陷阱!

[h0001244]

同情樓主遭遇

咁宜家你機盒同機身編號是否同一個number呢？

純討論下，係咪你地去ATM時，個仕仔掉左部機落地之類，但又食唔落這個過錯，故屈落你度呢？

[edoxli]

又是一個無奈故事,怪自己太信人,無再CHECK 機.SALES信得過豬X會上樹(粗魯了一點).上了一次人生教訓.又一個員工操手有問題,後生仔沒有勇氣面對自己過失,屈了你.

[chiyan1013]

無再check.......就是問題所在........
佢地唔會認

[chiyan1013]

因為部機現金價$2400,我地没有咁多現金係身,問EPS得唔得,店員甲說一定要現金先做到呢個價。我們只好同店員說即時到樓下ATM提錢後再上黎付費買,店員甲還好好的给我們看一次我地買果部機既機身編號0608!


你可以話句, 咁我唔買了.....佢唔會因為十幾蚊eps手續費而唔賣的,
我同朋友都試過幾十次.......空一空佢.........就話無問題........

[hkelf88]

我只是幫忙轉貼等別人買野時要留心不是受害的人

[manpo79]

成件事都好難講,一般佢地幫你收起部機,都唔會冇啦啦囉出黎玩
又點會整花部機

[surewin6868]

除非有真憑實據，小心被人告誹謗，包括轉貼者！
對方若有財勢，有機會惹上官非！

有問題投訴消費者委員會代為跟進！

[聖神邪]

呢ｄ事唯有自己小心ｄ．．．．．．

就算報左消委會或者警方，都係要睇２方面既供詞，但而家就對買家不利，因為拿機前check過先拿走（須然只係睇盒面，不過冇睇入面係買家自己問題）。

做衰ｄ，可以寫去雜誌果ｄ〔市民投訴〕，就算追唔番（多數都係）都可以將件事公開。