[eedbt]

原著 : wts310 師兄 NIKON CS奇遇(尋塵記)

有些攝影朋友好介意鏡頭有塵，以下係我早前在nikon cs見到一事：

以下是我上兩個星期去NIKON等緊拿番部相機時見到的事，有關鏡頭有塵，大家有玩相機的可以看看!!
發生情況：我坐在其中櫃台等拿機，之後隔離來了一對二十多歲的男女，男仔「咩」住部D700+直度+一支中價鏡。過程中女仔沒有出過聲，對話大約係咁：
男=客 職=職員 師=整機師傅

職：有咩幫到你？
男：我昨日買了支鏡發覺好多塵，同埋有O的漬抹極都有，可唔可以幫我睇下。
職：(拿起支鏡對住光望了一陣)，唔好意思我看唔到邊到有塵，你可唔可以話我知邊度？
男：成塊鏡面都係WOW﹗
職：(再用心望一望)唔好意思我真係見唔到WOW。(好有禮貌的)
男：(在背包拿支電筒出來，照落支鏡)你看看幾多塵。
職：(看了一看)你咁用電筒照就一定有塵，其實肉眼看唔到我地都唔會理，就算係睇到如果唔係好大粒或者好厚都唔會影響影相。(職員全程都好有禮貌，之後我唔再提)!
男：咁我新買返黎沒有理由咁GA麻，有D塵我吹又吹唔甩，抹又抹唔到，你可不可以幫我整下。
職：好等等﹗(拿支鏡入去俾師父)
五分鐘左右
職：師傅幫你抹左，你看看。
男：(先用肉眼看，之後用電筒又照)咦仲有好多WOW﹗
職：鏡頭面沒有可能冇塵，其實而家肉眼睇唔到，加上唔會影響成像的。
男：成塊都係塵WOW，沒有理由......下刪一百字。你叫師傅出一出來，我問下佢。
職：(入去找師傅)
一分鐘後
師：係，有咩幫到你呢先生？
男：我支鏡面好多塵，點解抹唔到？
師：先生你用電筒照O的塵好細粒，根本肉眼看唔到，其實D細塵吹唔走的因為好痴。其實肉眼看品到我地都唔會去理佢，因為最好少抹鏡面。
男：你地冇無塵室架咩？(當時笑了出來，而佢個女仔朋友是看到的)
師：唔好意思我地沒有，不過就算有當我地拿出來俾你看時，已有幾百粒塵痴在上面，所以沒有塵係冇可能的。(個師傅有D唔耐煩)
男：(再問)咁點算？
師：(再重覆)鏡頭面沒有可能冇塵，其實而家肉眼睇唔到，加上唔會影響成像的。
男：(男面露不悅放返支鏡入袋，之後拿部機上面)我個觀景窗內有條痕，可唔可以幫我睇下。
職：(拿起望)先生你個觀景窗花左WOW(拿回俾個客)
男：咁點算換要幾多錢？
職：(查電腦之後講了價錢不過我唔記得﹗)
男：咁我唔整了你可唔可以幫我吹走內面D塵。(我在旁想又塵？)
職：(拿起望)其實得一兩點，塵一定會有O架WOW﹗
男：咁你可唔可以同我吹走佢？
職：請等等(入了去找師傅)
三分鐘後
職：師傅話要拆開來吹，拆機要收錢，不過師傅話幫你整完唔保證會冇塵，有機會仲多tim﹗
男：唔係wa!!!!
職：係ar，因為空氣好多塵，有時吹完入番唔出奇架﹗
男：(不斷自言自語)算啦!!唉!!(好不滿地拿野走)

之後兩個職員都暗暗地笑，個師傅出來笑住話，叫佢買個真空箱就冇塵!!

昨日我回家試試，用電筒照我d 鏡，wa肉眼看真係好光淨，一用光筒照就見到二百粒塵加三十達漬，我最後決定....唔理，因為我是正常人唔係痴線佬﹗

你地呢??

[nofeel]

多謝分享.

[K粉…彥]

做咩要返炒呢…

[wts310]

真係唔止o個條友，我有兩三個friend開始玩單反，我最少俾佢地問了十次塵的問題!!!我話沒有影響，佢地聽完之後都係唔多信，最後又要上cs!!!
所以hk應好多尋塵人士!!