[HP_HKG]

雖然係同一個相機型號，但都會有唔同國家既生產線和供應點。

感覺上日本製造既貨品會較中國製造或是其他東南亞製造既品質好；包裝亦會較仔細。都鐘意買日本製造既水貨多啲，唔知啲日本人會唔會多鐘意買中國製造既貨品比自己用呢？因為同一型號既貨品會有不同國家既生產線，除了日本原產地之外，仲有其他地區供應既，但賣價都會係一樣，啲貨品都係跟據同一生產製造過程，品質經檢定，有哂 Quality Standard 或者 Certificate (CE) 等等標誌，品質理應冇問題，但心理上總覺得日本製造既係會好啲。

就比較鐘意喺香港買日本製造既日本水貨多過鐘意買中國製造或是其他東南亞國家製造既日本水貨。買番來用之後，全部跟香港代理既行貨既質素一模一樣， 好安全，都未曾試過入廠整。當然，梗係會小心咁用同埋適當咁保管佢啦。

[HP_HKG]

十月中會去日本東京玩，到時例牌會去玩吓啲相機，試吓先嘢。雖然本人已經知去邊度浦，但都想知吓仲有冇啲新既地方去睇新既數碼相機。

嘩！嘩！嘩！去吓 Canon 、 Sony 同 Olympus 公司既總部睇吓玩吓先。