[cheungmarco]

點用呀?唔該...

[Philippe]

唔得的.

[kunyu]

你所指的炭咭係唔係測光用的test card呢?如果係就要睇情況環境啦!只要所拍攝的主體同你所在的地方光源是一樣就可以用炭咭測光,如果光源唔一樣就唔得喇!但遠距離拍攝都好少會用炭咭測光o既,影風景有時唔一定話要用標準測光,有時under d或者over d個效果可能重好d ^ _ ^

[hktsoi]

影風景用灰咭來測光是好平常的事, 因為照射地球的光源只有一個, 就是太陽, 不論是遠處的風景, 或是面前的地面, 只是是有太陽照射到, 曝光也是一樣, 灰咭只要放在相機前面, 所測出的數值和遠處風景的是一樣的.

如果沒有灰咭, 相機內的測光錶也是可以信賴的.

[Excalibur0991]

hktsoi兄所言似乎係順理成章, 但係好似忽略左現實世界入面會有雲. 雲(或者係樹影, 建築物既影, 等等) 可以令你張灰卡同埋遠景受光不一致, 咁果一套"太陽為唯一光源"既理論就不成立.

>如果沒有灰咭, 相機內的測光錶也是可以信賴的.
呢樣我睇都係未必. 其實好多情況下相機測光都係信唔過, 要自己做曝光補償. 例如樹多的話(暗綠) 就要減, 天多的話(白)就要加.

老實講, 我唔肯定影風景是否"可以"用灰卡, 又或者咩野情況下先可以用灰卡, 但我就認為影風景"唔需要"用灰卡. 用數碼機既話根本唔使擔心, 唔岩影到岩, 而且係影景, 唔係影人, timing並不是咁重要. 用負片的話, 寬容度較大, off少少的話根本睇唔出. 只有影正片時先至要擔心呢個問題.
一般既風景相既光源都唔會點樣複雜, 只要按經驗做曝光補償, 都不致於off得太離譜, 後製時可輕易拉回. 要是真係去到果d好難掌握既情況, 如日出日落, 咁灰卡都幫你唔到啦. 但係大不了咪黎個曝光包圍囉.

我比較同意上面kunyu兄既講法. 或者攝影既目的並非在於拘泥曝光是否正確.

[NaHO]

我諗如果o係郊外地方所拍攝o既主體同你所在地光源一樣，其實用唔用灰卡都冇乜別。
反而我覺得o係D外面風影同你所在地O既光源唔一樣，而你想影你所在地O既O野同時又想用外面風影做背景，就用灰卡測光，取一個曝光平行點。

例如日間 影室內較暗O既O野，又想用窗外較光O既景做背景，我就將灰卡打測放近窗邊來測光。

[cheungmarco]

多謝各位的分享 ! !