[Swansea]

見到有些相機規格話「閃燈同步模式支援前後簾快門 」，即係點？
影出來效果有何特色？

[Philippe]

由於閃燈有效距離有限,暗環境單用閃燈會令背景曝光下足.
前簾是閃燈後長快門,後簾是長快門後閃燈使背景曝光足夠.

[tam_dominic]

Flash fires right after the exposure start is 前簾快門


Flash fires right before the exposure end is 後簾快門

In long exposure situation :
Usually when the flash is fired, the model would think the pic is taken and start to move .
In this case 後簾快門 can produce sharp pic.

Happy shooting !

[Swansea]

多謝上面兩位兄台賜教！

我仍有些少confused，係「後簾快門」先可以使背景曝光足夠，抑或係兩兩者都可以？ 「前簾快門」用來影乜效果？

DC選項內，係咪有得set「前簾快門」+「後簾快門」？ 名稱係乜？

[micros]

後簾可以令背景光o的係一個誤解。
係特定光圈下要背景夠光就要慢快門﹐前簾一樣可以用慢快門。
誤會o既原因係後簾要同時慢快門先有效果﹐太快o既話就睇唔出有咩分別。
好多機係暗o既地方用閃就會 lock 快門﹐可能係 1/60s。
當用 slow/rear sync 時就會解除呢個限制而去曝足現場光﹐所以背景會光o的。
如果直接用 m mode 曝足現場光﹐根本唔使用 slow/rear sync 都可以令背景夠光。
不過有o的機得自動曝光﹐開 rear sync 係可以令背景夠光。
不過要知道實情唔係因為係後簾而令背景夠光﹐而且快門限制被解除。

兩者分別:
http://www.nikon.co.jp/main/eng/photo_world/kumon/10e.htm#3.3

[呀超]

仲有一樣要講，後簾閃燈同主體曝光及色溫有極大關系，假如主體企的位置有現場光照住 ( 通常都係紅或黃色 )，再用 3 秒快門去曝光。

前簾閃：快門一開閃燈去，主體經閃燈正確曝光，但還有 3 秒曝現場的光，唔多唔小都有o的影響。

後簾閃：快門開主體開始曝光，3 秒後，主體曝光應該未夠，在快門關之前一閃，主體受到正確曝光，色溫及曝光都正確。

這是後簾閃燈主要原意，如有錯漏請指正。

[Swansea]

多謝macros兄及呀超兄的詳細講解！

依呀超兄所講，我覺得「後簾閃」比「前簾閃」有用，對嗎？

[402368]

後簾快門時,如不用M mode,用P,Av, Tv的話,預閃是在前簾的,即是如果快門3秒,按快門立即預閃一下,3秒後再閃一下,影人要小心. 另外如果用pan影移動中物件如汽車,後簾快門就看不見主體的位置.

micros 兄所指的nikon website指出了後簾快門和前簾快門的最大分別.

"呀超"兄所講的前後簾快門會影響白平衡不太明白,如果快門3秒,閃燈出光一樣,咁前後簾只影響前出定後出,如何影響白平衡呢?是否相機用後簾會有不同設定? 又是否後出的閃燈光對白平衡影響不同於前出的閃燈光? 我用G5在室內黃燈下影人試唔到有分別. 係唔係相機同環境有影響?請指教.

[呀超]

前簾閃：快門一開閃燈去，主體已經受到閃燈正確的曝光，但還有 3 秒曝現場的 ( 與閃燈不同色溫的光源 )光，唔多唔小都有o的影響。

[呀超]

題外話：飲宴攝影

一般人用閃燈影婚宴通常都會跟據相機上的閃燈用快門，一般都會係 1/200 或 1/250 等等，但有經驗的攝影師都會用較慢的快門，例如 1/ 90 或 1/ 60 秒，點解？現場氣氛，太高的快門會令背景曝光不足，但如果太慢都唔得，會令到現場的光強過閃燈，人物的面部受晒現場的低色溫光源影響，相當唔好睇。以上所講係全手動光圈及快門。

[Swansea]

呀超 兄：

你上面所講既閃燈影飲宴，係咪通常將快門校慢一、兩級？

另，一般在乜實際場合會用到前後簾快門呢？

[呀超]

雖然話用較慢快門，但用邊一級最終都要視乎現場光的強弱，不能一概而論。舊時通常都會用測光錶測一測，睇睇現場光用那一個快門及光圈組合，再調整閃燈用的組合，現在就簡單得多囉，影一張睇睇清楚晒。

後簾閃燈大部份情況都用得。

[micros]

under 1 級好啦。

[sasasasa]

世事無絕對,否則就沒有前後簾快門之分,所以各有其優劣,前簾即時可以凍結主體表情,如長時間曝光,後簾就可以令主體不受外來光線所影響,但以飲宴攝影為例,通常主體與背景距離不會太遠,閃燈應可幅蓋,如敬酒的一些情景是要即時捕捉各人表情,太慢快門只令主體蕪湖.如用後簾則會錯失時機.

[wklouis]

係Nikon D70的Menu裡有講呢樣野.