[hrv786]

呢樣?大家經常做，但係唔知有無違法呢？

[micros]

法律o既o野﹐好難單憑幾隻字去解釋﹐始終個個 case 有唔同。
普遍咁講﹐係公眾地方影相唔會有大問題。
如果係公眾地方影相都違法 ...... 咁同囚犯有咩分別﹖

[kunyu]

公眾地方影snapshot 會否違法這問題我諗要睇o下你係影乜o野snapshot 啦, 如果你影人裙底就實犯法喇~~~

[hrv786]

其實我係指snap shot一d大頭，又或者老人家食煙的表情等等，估唔到大家會諗到咁闊。

[呀超]

廣納民意好呀，知多o的冇壞。

[kunyu]

啊! 咁你所指的snapshort 係影一d 陌生人,咁要睇環境喇! 你知啦! 香港人好多都唔鍾意比人影o既,唔同外國,只要你唔妨礙人,或者同人微笑一o下,幾乎可以講都好容易同人影相,但香港o既文化就好唔同,見你?住相機對住佢,十個有九個都避開你,所以影香港人d snapshort 絕少係正面o既,要影d 笑容璨爛o既snapshort ,我諗要同d 親朋戚友影先得... 至於違法o既問題,我睇都係睇o下成個影相o既過程有冇影嚮人啦,同d 相機仔影會好d ,同SLR 影就麻麻地喇~~~

[chingok]

據我所知如果一般市民想影 Snap Shot 而只供 "自己欣賞用途" 係無問題o既(當然唔係裙底照o刺)，但如果將有關相片係未經被攝人同意下 "公開" or "從事商業用途" 的話，就有可能抵觸法律o既可能性，不過全部都係觸犯"文事"上o既問題。

重有，被攝者好多時o係未有採取"文事"訴訟前，已將你手頭上相機、菲林... 搶走... 毀壞...。

[micros]

chingok:
又唔好嚇人。
我影咁多﹐俾人鬧咁多﹐推推撞撞都試過﹐器材損壞極少出現。
通常講唔掂﹐都係對方報警。

[NaHO]

我就話係因為港人心目中都諗有唔少人都偷偷將相"公開" or "從事商業用途" ，或香港太多鹹濕佬，所以太部分人都唔願意影...

[chingok]

你係記者?

[chingok]

我係係指 micros 兄。

[chingok]

我係指 micros 兄。

[micros]

平常係街影﹐好少有事發生。
最常見係對方走人。
行過o黎問你係唔係影到佢o既已經少﹐十個得一兩個。
就攝影者而言﹐人家問到就大方講明用意﹐通常都會得到對方明解﹐好少數好少數會死都唔放你走。
有o的人就會鬧一句﹐邊行邊鬧咁。佢唔行埋o黎就唔理佢啦。
唔計工作﹐未試過推撞﹐擋住唔俾走就有﹐最後當然係搵警察解決。
被推被打都係工作上先會遇到﹐一般人都唔會有咁o既危險。
你係好特別o既地方﹐影特別人做特別事就你o既事啦﹐一般係街又唔係追人十條街又唔係偷窺﹐暫時諗唔到有咩問題。
調轉諗﹐如果被攝者係我﹐我或者都會去問﹐好唔對路就報警。
襲擊他人可以好大件事。
或者令對方器材損毀最多都係賠錢﹐不過實際上多少都會涉及傷人。
另一個角度睇﹐我係唔係真係要對方死﹖我相信大部份情況下﹐唔會大仇口到要用暴力。
心理準備一定要有﹐無論你幾努力解釋﹐都會有唔接受o既人。
背景o既危險有幾大﹖我可以講唔高。
我咁講係希望對街頭攝影恐懼o既人有幫助﹐大可以放心去影。
最緊要係自己唔係立心不良﹐光明正大比偷偷摸摸好。
懶偉大話要見證歷史又好﹐隨手 snap 都好﹐都係一種記錄﹐係應該鼓勵o既事。

[adatsui]

想信沒違法，有亦奈何不了誰！

好似報紙咁，佢地想信絕少會有當事人的同意及授權，就刊登當事人的照片。或者佢地覺得有千萬個「懶偉大」理由咁做，好似市民知情權 (唔知邊個市民曾經授權過俾佢地?)....等。不過最重要一點係，佢地係商業機構，報紙要錢買，即使免費的都市日報，佢地有廣告，咁都算係 用作商業用途/盈利目的。

講開又講，個人覺得香港報紙真係好冇品，好似今日 6月7日，有一單冒警拐細路新聞咁，兩母子的相片相信唔少報紙登左出黎，我睇的兩份報紙中只有 都市日報有打格，佢地只知新聞引人睇，廣告好，報館賺錢，人工有得加 (唔係指攝記，係公司文化)。 佢地相信唔會考慮會影響當事人。

之前有一單，鳳姐俾人打劫，裸跑走出街，咪又係影左登出黎，咁咪嚴重過影裙好多，不過咁下流的做法，你估少報紙都咁做呀?

[chingok]

據知，報紙會<運用>"報導新聞"、"新聞自由採訪權" o黎做o野梗係無問題
o刺，而"記者"身份同我之前講o既"一般市民"身份事實係完全兩樣o野o黎!
大家係有分別o架! 重有，其實我o地係可以去法院(好似係高院)提出理由同申請禁制令，楚止登出有關照片，但係得唔得就又會同報紙會<運用>"報導新聞"、"新聞自由採訪權".... 有關。(講o左等如無講??)

講開報紙又真係無計o既，有咁o既"市場"所以先至有咁o既"產物"，所以我都轉睇 "冥報" or "猩佬日報"(左仔報) 呀咁，我只想齋睇報導新聞，無成版花邊新聞同無乜為圖片咁....。

無呀，想同咁多位大佬分享一下自己感受同睇法咁。