[victoria348]

最近買?部FX8,但?街上影相,影到其他行人對腳有鬼影,點解會咁架?要點樣SET先岩呀？以前部SONY P71都未試過影到郁緊既人有鬼影！另外想問,影BB係咪要用運動模式最好？用運動模式可開閃光燈嗎？仲有好多問題想知....請高手指教,唔該！

[Philippe]

腳有鬼影有兩個可能.
1.個人行得太快,在曝光過程中移動了
2.快門太慢,人腳在曝光過程中移動了
如果閃燈打唔到,唯有開高啲iso,但會增加雜訊.
點解Sony會冇事?又有兩個可能:
1. Sony自動做咗上面講的兩個設定
2. 當時環境唔同,光線充足跟光線不充足快門是不一樣的

影BB唔怕傷害BB眼睛當然最好用閃光燈.可是.....
最緊要現場光線充足,否則甚麼模式也沒有用.

[victoria348]

Philippe,
唔該你先~呢部FX8個LCD,望任何景象都慢架,即係話要慢慢郁,?定部機對焦先得,唔知你明唔明我講咩呢？但部SONY冇呢個問題喎,望個LCD和現實景象一樣正常！

[Philippe]

那可能是Lcd mon反應比較慢,但照計冇影響拍攝結果.

[victoria348]

Philippe,
部相機有個慢速快門掣,一定要揀一種,1/8-,1/4-,1/2-,1-,四種選擇,應該選邊種最好呀？說明書話平時用1/8-,請問呢四種有咩影響呢？唔該晒~另外想問你,頭先?屋企開晒燈,影?好多相,但背景比較暗,有開閃光燈,ISO AUTO,白平衡AUTO,背景暗有咩方法改善呀？係咪要?爆光個掣按加或減呢？

[Philippe]

Victoria,那些慢速快門是給你光線不足(例如室內燈光)的時間用的.光線越弱需要的時間越長,例如室內燈光可能1/8或者1/4已足夠,夜景就會要1/2, 1或者更長.留意用這類慢速快門好容易手震,這時FX8的防手震就發揮作用.但係防手震只可底消一定程度的手震,以最廣角計算(即係唔zoom遠,用到最wide計),1/4秒差不多是極限,有機會好多相都唔得,所以平時最好只用1/8秒.再長就要用腳架.
室內背景暗是自動閃燈的必然效果,曝光個掣按加或減在自動閃燈下幫助不大.因為相機會用快快門防止手震.改善方法可用閃燈再加長快門.你搵下有冇一種叫做夜景人像的閃燈模式,又或者用慢速快門再加閃光燈試試.
留意顏色會因色溫問題變黃,如果主體(例如人)有燈光照到就唔好開閃光燈.

[victoria348]

Philippe,
唔該晒你詳細解答！慢速快門我已明白~我部相機有夜景人像掣,我在西沙茶座用過呢個模式,效果好好！但如果在酒樓食飯岩用嗎？想問問你,爆光+/-掣在什麼情況、環境下需要用呢？尋晚去酒樓食飯,影了好多相片,而且按過好多掣試試,有些相片背景和人都夠光,但就偏黃(因為酒樓黃燈),亦按過白平衡調教到黃燈,影出黎都係差唔多！不過好過一些只按閃光燈影出黎既相,後面背景好暗,只睇得清楚個人=.="爆光+/-掣在酒樓岩用嗎？或是慢速快門按慢d,即係1-適合呢？請指教~

[Philippe]

了解相機的操作方式便不難找出正確的拍攝方法.夜景人像模式實際上是閃燈再加上長快門.夜景人像固然?用,室內也是需要同樣操作所以也合用,不會因為室內不是夜晚而唔用得.
爆光+/-掣是靠改變相機光圈快門去獲得不同曝光值,原意是補償相機測光的誤差去獲得一個正確的曝光值.在自動閃燈下.輕便機多數被固定在1/60秒避免手震,快門冇得郁,單靠閃燈光線是去不到背景的.然而就算火力夠,因為有前景(人)的關係,閃燈要先顧住人而不得不用較低火力避免人爆光.至於光圈在光線暗地方通常都開盡,就算未開盡再開都唔多得幾多,背景點都唔夠光.
爆光+/-掣在容易加長快的情況下有用,例如慢速快門或夜景人像模式,當然日光日白快門快於1/60秒(不需用閃燈)時有靠.
你已經影出背景和人都夠光的酒樓照片即係已用?方法,至於偏黃由於需要大輸出閃燈加顏色瀘光片在輕便機中比較難搞,真係要搞就要加感應閃燈搞到好大舊.不過你可以去呢度睇下效果
http://www.dcfever.com/photosharing/enlargephoto.php?photoID=185377