[cktwo]

數碼年代, 攝影技巧己不是拍攝重點, 重點是電腦執相技術要高超,

不反對人家執相, 因有時照片真的無 take two, 但自己不會, 總覺得用電腦執過的相片不是自己拍似的.

大家睇法如何?

[micros]

凡事都無一刀切﹐取得平衡就最好 ......廢話一句。

[怪俠]

唔通個女學人化下妝就感覺個女唔係你親生 ge 咩？
執相裁相一路都存在啦！以前衹係D大師玩，攝影師玩，
同埋D有錢ge高級拍友玩，而現在有電腦就普及到你同我都有得玩，
咁點解要限制自已創作空間，話執相唔係原創而歧視佢嗟？

[Philippe]

"攝影技巧己不是拍攝重點, 重點是電腦執相技術要高超"

你試下搵張鬆郁矇既相執得到靚先講啦.

[呀超]

"攝影技巧己不是拍攝重點, 重點是電腦執相技術要高超"


絕對唔同意！no no no no no no no ！

唔好以為你認為係就當係！

[kenly]

(個人感覺)
可以既當然想影完唔需要執
但係有時影完o係個得兩三吋既display睇得唔夠清楚以為ok
返到屋企過完相一開先發覺好似有d位over左
咁又覺得相得唔錯唔想唔要既執一執唔係好大問題姐
特別影黎係有特別用途既時間又唔一定可以再影過冇計之下都要執
個人覺得係人都想一影完張相就perfect乜都唔使做就要得既
而且又有人係想玩少少effect都冇乜所謂姐
而且執唔執都係個人喜好
有時影d相明明可能用1/30s既時候光暗係最似真實最好既都有時候用1/20s影出黎睇個感覺暗少少會比較有feel一樣姐
到最尾都係為左想自己影出黎張相靚姐
自己個人想執咪執 唔想執咪由佢
全為個人自己想法(新手一名)
^^

[tonysung]

數碼年代, 攝影技巧己不是拍攝重點, 重點是電腦執相技術要高超,

不反對人家執相, 因有時照片真的無 take two, 但自己不會, 總覺得用電腦執過的相片不是自己拍似的.

大家睇法如何?

---------------------------------

小弟的做法是:
我會執相,但通常只調較WB,光暗,對比.
我會盡力在影相時做好構圖,攞好個水平線,控制曝光等等.
因為覺得自己仍在學習階段,第一件應做的事就是要把相影好.免得要事後補救,學壞習慣.
另外我相信,很多好的創作,都是在拍攝時已經諗好在後期怎樣配合.
再補充一句,執相要配合題材,有些題材是不容許的.

[怪俠]

除左擺設拍攝以及影樓拍攝外，大部份拍攝環境是不容你構思的，
而且掌握現場環境隨機應變才是最大的攝影本錢，
攝影時衹可以專心一致的捕捉，所以隨之而來的自動化高速發展配合。
事實上好多難能可貴的鏡頭都是在一剎間發生的，
作者連想的時間也沒有，拍攝完全隔入了本能，
捕捉了影像，效果未必完美，剪裁明暗光差色調勢必難免，
這才是攝影的一個完整過程，
為何衹接受影前擺布而否定影後改良呢？

[cktwo]

明白, 謝謝分享

[tam_dominic]

"執相" 與 "找尋拍攝題材" 都是攝影的一部分

Playboy 雜誌所有相都有 "執相" 才出版的.

執相與否 就看閣下 "忠於器材" 還是 "忠於自己" 了.

Happy shooting !

[pongyee]

相機的菲林或電子影像，與我們的肉眼不能相比。

曝光應付得了天，就應不了地，而家數碼相竟然可以讓我們恢復部份細節，唔執執佢就對唔住呢d偉大o既軟件了。

[怪俠]

就係咁簡單..................................................................................之嘛！

[Excalibur0991]

愚以為關鍵在於在各人心裡面﹐攝影到底是為了甚麼?
如果單純為求一張悅目的照片﹐那實在沒有理由不做後期加工。但攝影﹐是這麼簡單嗎?

關於後製(執相)的討論﹐小弟在這裡看過不少。但攝影的意義為何?這個似乎更根本的問題卻好像未見有所論述﹐還請各位網友賜教。

[pongyee]

加工，並不是代表簡單，這在以前是一件苦差，但現在科技把它簡化了。但是不是簡化了，反而認為不應改動而要直出呢？那就見仁見智。

前輩在黑房內為一張照片加光減光，動輒用上幾個小時。又為了便於黑房工作，創立了分區測光法。目的也不過是為了照片上不要有一片死白或死黑而已。

科技進步，說不定兩年後的相機內已可將太亮或太暗的部份適當地調整(新力A100還未夠理想)。

[no_doubt_kit]

構圖不可以執掛？