[lmichael]

其實四種方法, 都係解決光暗反差的方法, 其實他們之間的分別, 同邊個優勝一些呢?

呢排好多人玩HDR, 咁其實影三張唔同曝光的照片, 同一張稍暗的RAW,各推高/減低一級, 出來有幾大分別?

咁用hDR又同用PS的陰影/亮部有幾大分別?

我見好多人用HDR,用完出來, 個效果好唔自然, 但我又唔覺係菲林feel, 我其實用開PS的陰影/亮部, 反而易控制.

咁多Ching係度, 不如大家討論下, 我問過好多人, 其實原來好多都係用影邊個方法, 就用邊個, 無話比較過.......

[亞典波羅]

我玩過一次 HDR, 四五年前試過幾張 shadow/highlight. 兩個都唔用了.

不過, 照片沒有分好與不好, 只是個人喜好, 唔同 skill 出來的效果有唔同的欣賞方法, 如果硬要比較會好頭痛 >_<

所以我都係傾向用古老的曝光方法, 真的沒辦法的情況下才用軟件救, 我比較喜歡影完後立即跟朋友交流, 即席在相機 LCD mon 睇相, 好過返屋企執完先再 upload 俾老友睇 :P

[lmichael]

唔同的方法, 出來的結果係會分別, 所以先至有討論的空間. 講攝影, 我又唔係好鐘意同人一齊去影, 我老婆都係玩攝影, 但係我地的結論係, 佢有佢影, 我有我影會好o的.

[亞典波羅]

好彩, 我佔七成時間係自己去影, 佔三成時間係同朋友去影.

點解要用三成時間? 其實所謂"攝影心得交流", 對我來講極其次要, 最主要原因, 我們去的地方是危險/ 缺乏通訊/ 景色怡人的地方, 一個人去.....點去? 死了都沒有知道呢.....搵人照應下好一點.

新聞都播得多啦, 我地係唔會為攝影犠牲生命的 XD

攝影只係工餘活動而矣, 不值得拼命 :P

[亞典波羅]

好啦, 都係講返正題.

我喜歡在外拍後, 於活動後的餐聚大家交換相機看看, 一來可以即時明白大家所看所想的內容, 以及互相督促--希望做到原圖完整.

我不是反對 HDR or shadow/highlight, 只是認為拍攝成功 (未經軟件改動) 而又即場展示所帶來的樂趣, 當然並非每個人都喜歡這樣做, 不過我絕對相信普遍大眾都樂意這樣做 :p

My opinion, of course.

[lmichael]

其實.....我只係問佢地的分別, 每個人有佢喜好, 但係呢幾個方法, 分別對於output有什麼影響呢?

[亞典波羅]

應該咁講會好一點. 只是我決定放棄用 HDR and shadow/highlight, 而只集中用自然光及黑咭/ 漸變灰去處理曝光問題.

用 HDR 的方法, 識得去執得來, 其實都係超靚, 只係在處理 noise 方面要多加工夫, 即係原圖最好有四至五張唔同曝光, 而且不能有 noise.

至於 shadow/ highlight 咯.......不如留俾你講啦......我梗係知道有極嚴重的問題 XDD

[亞典波羅]

>> 我又唔係好鐘意同人一齊去影

又係你講先既..... :-(

[lmichael]

shadow/highlight, 我又覺得好大問題, 最緊要係唔好拉我太高/低, 同埋識用晒所有參數, 唔係我話,出來的色會好怪.

另外, 咁其實如果係用一張稍為曝光準的RAW, 再 較出+/-半級的相, 即係三張相, 咁其實有HDR出來我效果, 同shadow/highlight有什麼分別?

PS, 我真係唔鐘意同人出去影相, 影完返來吹水係另一回事, 我其實都幾多朋友, 幾鐘意一班人玩, 只係影相, 我喜歡一個人, 最好一路影, 一路聽歌, 和外界完全隔絕, 只用對眼和心情去影相.

[亞典波羅]

>> 唔係我話,出來的色會好怪.

我用少少都有D頂唔住.

>> 咁其實有HDR出來我效果, 同shadow/highlight有什麼分別

這兩種 image, 光暗位肯定同一出的直出相 (正確曝光/色調) 有好大分別, 比較落去的確有唔同. 我一般係當 HDR 係畫來看待, 我就喜歡了.

又 off topic, 我都喜歡繪畫, 特別係動畫的水彩背景畫, 亦都喜歡欣賞油畫水彩風景作品多過攝影作品, 呢方面我買左幾本書, 書城買的 ^_^

[lmichael]

用S/H(shadow/Highlight), 原來我都有呢個問題, 後來係網上, 有人教, 一定要unclick其他選項, 裡面有八個參數, 改參數再係preview睇實際改變, 就能解決呢個問題, 實際應用, 我覺得比HDR效果好, 而且易控制, 如果本身相機的DR係已經夠大, 係如FF機, 其實易做出自已想要的反差, 光暗同色調. HDR, 一定要用腳架, 而且唔能夠有動態的o野, 例如汽車, 人. 所以我覺得S/H係好用過HdR, 但係質素我未比較過, 所以見呢個技術板, 又有講緊o的黑卡技術, 所以問o下.

黑卡係好, 但係最大問題係一定要用腳架, 有時真係唔得o架, 我現在都係帶個八爪腳架就算, 唔係下下落到黑卡.

呢個off-topic, 其實都幾有興趣, 不過對好多人來講, 可能會幾悶.
其實攝影同繪畫, 本身就好密切, 因為開始時攝影就係繪畫的一個分枝, 直到...阿當斯, 其實當攝影分割成為一個單獨的攝影藝術, 除了以前的畫意攝影以外, 還出現了跳出畫意以外的攝影手法(即係流派), 即係攝影表達到, 但係繪畫係表現唔到. 其中一個就係真實性同紀錄性, 另外就係攝影係當代藝術的理念裡面, 點樣用攝影表達出來. 例如, 例如達達主義. 現代主義.

再講可能好悶, 不過其實如果睇返攝影手法的發展過程, 同藝術觀念的發展, 其實可以更明白, 好多留傳後世的照片, 點解可以留傳後世, 其實對自己的創作好有幫助.

大陸攝影的書, 真係好多都好正, 特別係, 佢地係會有書講當代的攝影理論, 唔係只係邊部機好, 邊個景靚. 而且好多名家的照片集, 我上次買了兩本書, 真係很好, 一本係講沙龍攝影, 即係什麼叫沙龍, 點樣參加PsA的比賽, 有什麼技巧, 什麼叫世界十傑.

另外一本, 係一套四冊的, 分別係人物, 紀實, 創意同風景(如果無記錯), 影響後世的一百張照片, 呢套真係值得一睇再睇, 誠意推介, 我返屋企, post個封面比你睇.