[cookie仔 ^_^]

起碼有用幾多mm焦距??
快門多數用幾多??

[jeffrey]

我諗一般都要 300mm 以上喇~

[cookie仔 ^_^]

300mm??咁要用腳架o羅???我用cp 880可以加咩遠攝鏡??

[禧多郎]

我諗300唔多夠喎, 行到咁近d 雀實走啦, 起碼600mm打上才有較高成功率,CP880 可以加個adapter 接上去Leica 的觀鳥鏡, 但我無玩打雀, 都不太清楚香港那裡有得賣, 你可以去d 相機大舖問問

[cookie仔 ^_^]

如果隻雀仔飛緊咁點影???

[cookie仔 ^_^]

咁我部880 可唔可以加遠攝鏡?

[禧多郎]

Qoo Pic 880 接單筒介紹

http://www.optics.com.tw/Product/Accessories/DCL28.htm

[cookie仔 ^_^]

真係好正,可惜唔知價錢........但我想問一問,如果接上望遠鏡拍攝.....是否需要用腳架拍攝??

[beer dragon]

腳架應該係deal with shutter speed wor, isn't it?
在長時間暴光時，防止相機的移位引致的不良影響.

雀仔flying咁快，應該唔使用腳.

(小弟只想一嘗posting ans., 如有差錯，敬請咁多位大哥原諒，並予以修正)

[禧多郎]

焦距咁長(600MM up), 唔用腳架就要用很高快門, 另一問題係視角很narrow, 手持拍攝會很難追蹤, 再加上相機接單筒後, 體積巨大, 如何手持拍攝? 還是買腳架吧

[cookie仔 ^_^]

用腳架影雀仔會唔會好難la??set 得腳架黎雀仔唔等你都飛走左la??
多謝你比我咁多提示...^_^

[禧多郎]

雀仔走得快, 人走得慢, 你死追佢都唔夠佢快架啦, 你應好似米埔觀鳥者咁, 找個無咁"揚"的地方, set 好腳架相機, 用長焦距捕雀, 台灣d 人神心到買一個shelter(一個較高身但重量很輕的營, 但沒有地蔗, 攝者可躲在裡面向外影雀而不嚇驚d 雀, 更可頂著個shelter四圍行), 我印像中Mountain Hardware 都有出過一隻, 你可去找找

[cookie仔 ^_^]

其實我部880加望遠鏡影好,定話加增距鏡影好??
我部機得38MM-95MM....如果加增距鏡的話....最多係加多2X??好似好唔夠
所以我唔知我買長鏡應該買咩好.....>_<,而且又想知道各別的價錢.......

[禧多郎]

我諗最後還是你自己作最後決定吧, 始終只有你自己最清楚自己想影什麼, 我最多只能提點一下。

咁即係話加了增距都大約只是200mm, 咁你要考慮你會怎樣影雀仔了, 會是去香港公園的雀鳥公園? 一般公園內不太怕人的鳥類, 還是去米埔等地去拍攝生熊記錄?

若只是在公園影, 200mm都可以影到既(我用Fuji S602 無加tele 大約有210mm 也可成功影到)。

若要走去拍生態記錄照, 可能需要考慮該雀鳥會否很怕人? 雀鳥體積大小?(黑臉枇鷺跟野相思便相差十倍有多了), 拍攝地點能否走近?(例如米埔只許你留在觀鳥屋內)

增距鏡勝在夠輕便, 機動性極佳, 價錢也較平, 單筒勝在放大率強, 更易在不嚇驚雀鳥的情況下拍攝。

其實你可以先參加一些觀鳥團, 睇睇別人如何拍攝。

可接相機的單筒的價錢我就不太清楚, 其實我都好想拍雀鳥, 但打聽到Leica的單筒(可接QooPic 880, 885, 990 995, 4500)起碼成萬蚊港紙(一盤冰水照頭冧), 都係拍其他生態相算了

[cookie仔 ^_^]

其實我係想好似米埔等地去拍攝雀仔.........有人同我講過一定要有最少500mm左右.....
我都見過人地影雀仔,佢地真係用支炮去影,好勁~~好似係電視見到人地影足球果d咁....但以我e d 只係玩玩下o既又點會買支炮去影隻小雀仔la??只希望我部機有500mm影雀仔就得...質素唔洗百分百完美....只希望過得,靚靚地就心足....^_^.