[NICKC]

我係初學者 想問用手動mode時 shutter speed 同 aperture setting要點樣set 我set到唔係太暗就太光 太模糊 同埋影既時候 會閃好耐先影到
有時就快無電連按制都冇反應 auto mode就冇事
有時係lcd會出現橫紋 咁正常嗎?
多謝...

[dede]

初學都係唔好用 M Mode 住，先用 P， Av or Tv mode 先，多ｄ留意那時的光圈與快門彼此之組合，因光圈與快門是沒有公式的，冇人可以正確的話比你知，就算老手對呢ｄ都會有用錯的時候，否則為何有測光呢？
先要對光、光圈和快門在相機成像上做成的結果，基本原理上你都要知，如好光，為了要阻止大量光線走入相機，就要用細ｄ光圈，唔好比咁多光入，或用快ｄ快門也是，一開即關，一樣可阻止大量光線進入相機，但太細光圈，快門又太快，咁就袛得很少量的光走入相機，咁就唔夠光了，所以. . . . . 都不是三言兩語可以在此向你講解明白。
如要知道清楚詳細，最好看書自學此原理，你就會明白點解，用的時候亦都唔係亂揰，係有根有据的，但又唔係一成不變的公式。影呢張相時，人地話比你知，f5.6 就用 1/250s 啦，咁，你都唔知點解，就照用了，到下次你自己拍出來又唔得，咁又問點解，究景用幾多先嚂?？........咁，你話啦，點話比你知 "我用手動mode時 shutter speed 同 aperture setting要點樣set?"
如果你部機在用手動 mode 時，有暴光正確與否的指示，咁又唔同，可看著那指示來此配合。但 A70 沒有，完全交晒比你，相機一於唔理你，你鍾意點 set 就點 set，咁，老傅都唔掂啦。

如一定要用，都有一個辦法的，先用 Av or Tv or P mode 是旦一樣，看邊個快門與光圈的配撘是你所要的（有指示在 LCD 上），煞後記住了，就改用 M Mode，照樣的調較好，袛有此法可自己幫自己，很多人都是用此法來測光的。

至於 "太模糊 同埋影既時候 會閃好耐先影到" 太模糊是與暴光無關的，對焦唔準及手震所做成。袛要小心對焦，先半按快門來鎖定對焦點才全按快門，及太慢快門時就要手定ｄ或用腳架，尤其是開盡個 zoom 時更易手震對焦困難（因手郁來郁去對唔準焦的）。手震時就要用自己身體支撐好自己對手，企定小心按下快門，先半按對好焦，再輕輕全按，操練下啦。

"會閃好耐先影到" 就唔知你講乜啦，乜野"閃"？

"有時就快無電連按制都冇反應"<<　你都知快冇電啦，用其他就得，用 M mode 就唔得，咁都唔奇，唔同模式用唔同的電量，呢ｄ係相機的設計如此，換電咪算囉，冇乜特別原因。

"有時係lcd會出現橫紋"<<　唔佑你有冇留意到是否影一ｄ有圖案的物件（如條紋、格仔、直、橫條紋）時才出現，如是如此是正常的，或在一ｄ特別的光源下也會，也是正常的，此是....原因唔講了，對你無大關係，你袛知如上所說的圖案才會，是正常的便是了。